ys jagan

కాపు రిజర్వేషన్లపై దుమారం రేపుతున్న జగన్‌ వ్యాఖ్యలు

Submitted by arun on Mon, 07/30/2018 - 11:15

కాపు రిజర్వేషన్లపై జగన్‌ చేసిన వ్యాఖ్యలు కాపుల్లో అగ్గిరాజేస్తున్నాయ్. అసెంబ్లీలో కాపు రిజర్వేషన్లను మద్దతు పలికిన జగన్‌ తాజాగా మాట మార్చడంపై ముద్రగడ పద్మనాభం ఆగ్రహం వ్యక్తం చేశారు. జగన్‌ వ్యాఖ్యలను వక్రీకరించారన్న వైసీపీ నేత కన్నబాబు కాపు రిజర్వేషన్లకు వ్యతిరేకమని ఎక్కడా చెప్పలేదన్నారు. మరోవైపు జగన్‌‌కు కాపుల సెగ స్టార్టయింది. 

జగన్‌పై మరోసారి పవన్ నిప్పులు

Submitted by arun on Sat, 07/28/2018 - 08:10

వైసీపీ అధినేత జగన్ పై జనసేన అధ్యక్షుడు పవన్ కల్యాణ్ మరోసారి నిప్పులు చెరిగారు. ఫ్యాక్షనిస్టులకు భయపడేది లేదని భీమవరం సభలో వ్యాఖ్యానించారు. తన వ్యక్తిగత జీవితంపై విమర్శలు చేస్తున్న వారికి పవన్ భీమవరం వేదికగా తీవ్ర హెచ్చరికలు జారీ చేశారు. తనపై విమర్శలు చేసేవారి వ్యక్తిగత జీవితాల గురించి తానుచాలా మాట్లాడగలనని పవన్ అన్నారు. అంతేకాదు చంద్రబాబును ఎదుర్కోలేక జగన్ అసెంబ్లీ నుంచి పారిపోయారని పవన్ ఎద్దేవా చేశారు.

పవన్‌పై జగన్ వ్యాఖ్యల పట్ల స్పందించిన నాగబాబు

Submitted by arun on Fri, 07/27/2018 - 15:52

జనసేన అధినేత పవన్ కళ్యాణ్‌పై వైయస్సార్ కాంగ్రెస్ పార్టీ అధ్యక్షులు, ఏపీ ప్రతిపక్ష నేత వైయస్ జగన్మోహన్ రెడ్డి వ్యక్తిగత విమర్శలు చేయడంపై నాగబాబు ఓ టీవీ ఇంటర్వ్యూలో స్పందించారు. ఓ పార్టీ అధినేతగా కొంత సంయమనం పాటించాల్సి ఉంటుందని అన్నారు. పార్టీలో మిగతా వారు నోటికి వచ్చినట్లు మాట్లాడినా, అర్థం లేకుండా మాట్లాడినా ఇబ్బంది లేదని, కానీ పార్టీ అధినేత నోరు జారవద్దని, జాగ్రత్తగా ఉండాలని (జాగ్రత్తగా మాట్లాడాలని) అన్నారు. జగన్ మాట జారారని చెప్పారు. సరైన అవగాహన లేకుండా మాట్లాడారన్నారు. రాజకీయంగా తన సోదరుడిని ఎదుర్కొనే దమ్ము లేకపోవడంతోనే  వ్యక్తిగత విమర్శలకు దిగుతున్నారని ఆయన ఆరోపించారు.

జగన్ వ్యాఖ్యలపై తాను చెప్పాల్సిందేదో నేరుగా చెప్పేసిన పవన్

Submitted by arun on Thu, 07/26/2018 - 17:06

రాజకీయ లబ్ది కోసం వ్యక్తిగత జీవితాల్లోకి వెళ్లబోనని జనసేన అధినేత పవన్ కల్యాణ్ స్పష్టం చేశారు. వైసీపీ అధినేత జగన్ వ్యాఖ్యలపై మళ్లీ స్పందించిన పవన్ వివాదాన్ని ఇక్కడితో ముగించాలని తన అభిమానులను కోరారు. అంతేకాకుండా జగన్ కుటుంబాన్ని కానీ వారి ఆడపడుచులను కానీ ఈ వివాదంలోకి లాగొద్దని విజ్ఞప్తి చేశారు. విధివిధానాల పరంగానే తన పోరాటం కొనసాగుతుందని తేల్చిచెప్పారు. 

అన్నీ నేనే.. అంతా నేనే...

Submitted by arun on Thu, 07/26/2018 - 11:09

ప్రత్యేక హోదా కోసం మొదట్నుంచి పోరాడారు ఏపిలో ఆ పార్టీ చేసినన్ని దీక్షలు, పోరాటాలు, ఆందోళనలు, బందులు మరే పార్టీ చేయలేదనడంలో ఎలాంటి సందేహం లేదు ఓ రకంగా చెప్పాలంటే హోదాకు పేటెంట్ రైట్ ఆ పార్టీదే అనొచ్చు. నాలుగేళ్లుగా హోదా కోసం పోరాడుతున్న వైసీపీ చివరి అంకంలో బొక్క బోర్లా పడిందా? 

నా జోలికొస్తే తోలు తీస్తా

Submitted by arun on Thu, 07/26/2018 - 10:32

జగన్ విమర్శలకు జనసేన అధినేత పవన్ కల్యాణ్ కౌంటర్ ఇచ్చారు. ఫ్యాక్షనిస్టులు నోటికొచ్చినట్లు మాట్లాడితే ఉప్పెనలా దాడి చేస్తామన్నారు. తాను వ్యక్తిగతంగా మాట్లాడితే తట్టుకోలేరన్నారు. రాజకీయాలు చేసేందుకు వేల కోట్లు అవసరం లేదని, గూండాలు అక్కర్లేదని విరుచుకుపడ్డారు. రాజకీయాల్లో మానవత్వం చచ్చిపోందని పవన్ కల్యాణ్ అన్నారు. నేను వ్యక్తిగతంగా మాట్లాడటం మొదలుపెడితే తట్టుకోలేరు. పారిపోతారు. అలాంటి మాటలతో ప్రజల సమస్యలు పరిష్కారం కావు అని చెప్పారు. ఇసుక మాఫియా, దోపిడీలు చేసే నాయకులకే ఇంత ధైర్యం ఉంటే ప్రజాసంక్షేమం కోసం నిలబడే నాకెంత తెగింపు ఉండాలి. దూరం నుంచి చూస్తే నేను మెతకగానే కనబడతా.

పవన్ పెళ్లాలపై వాళ్లే తేల్చుకోవాలి... జగ‌న్‌కు ఉండవల్లి కౌంటర్

Submitted by arun on Wed, 07/25/2018 - 17:43

పవన్ కల్యాణ్ పై జగన్ చేసిన వ్యాఖ్యల గురించి ప్రముఖ రాజకీయవేత్త ఉండవల్లి స్పందించారు. ఢిల్లీలో నిర్వహించిన ‘మీట్ ది ప్రెస్’ లో ఈ విషయమై ప్రస్తావించగా ఉండవల్లి మాట్లాడుతూ, ‘పవన్ పై జగన్ చేసిన వ్యాఖ్యల వీడియో నేను చూడలేదు.. పేపర్ లో చూశా. ఇది చాలా తప్పు. అలాంటి వ్యాఖ్యలు చేసే హక్కు జగన్‌కు లేదన్నారు. ఢిల్లీలో జరిగిన మీట్ ది ప్రెస్‌లో మాట్లాడుతూ.. పవన్ కల్యాణ్‌కు ఎందరు పెళ్లాలు అన్నది వారే తేల్చుకోవాలన్నారు. ఐపీసీ చాప్టర్ 28 ప్రకారం మరొకరు కామెంట్ చేయకూడదన్నారు. పవన్ కల్యాణ్ అన్న వాడికి ఎంతమంది పెళ్లాలు ఉన్నారనేది.. ఆ పెళ్లాలే తేల్చుకోవాలి తప్ప నీకూ నాకూ సంబంధం లేదని మన చట్టం చెబుతుంది.

పవన్‌‌పై వివాదాస్పద వ్యాఖ్యలు చేసిన జగన్‌...పవన్‌కి నలుగురు భార్యలు

Submitted by arun on Wed, 07/25/2018 - 10:20

జనసేనాని పవన్‌ కల్యాణ్‌పై వైసీపీ అధినేత జగన్మోహన్‌రెడ్డి వివాదాస్పద వ్యాఖ్యలు చేశారు. గతంలో ఎన్నడూ లేనివిధంగా పవన్‌‌పై వ్యక్తిగత విమర్శలకు దిగారు. జగన్‌ అసెంబ్లీ నుంచి పారిపోయారన్న పవన్‌ వ్యాఖ్యలపై తీవ్ర స్థాయిలో రియాక్టయిన వైసీపీ అధినేత కార్లు మార్చినంత ఈజీగా పెళ్లాలను మార్చేస్తారంటూ జనసేనానిపై ఘాటు వ్యాఖ్యలు చేశారు. నాలుగేళ్లకో ఐదేళ్లకో పెళ్లాలను మార్చేసే పవన్‌ గురించి మాట్లాడుకోవడం మన ఖర్మ అన్నారు. పవన్ కల్యాణ్‌‌లా మరొకరు ఇలా పెళ్లిళ్లు చేసుకొని ఉండుంటే... నిత్య పెళ్లికొడుకు అంటూ బొక్కలో వేసేవారన్నారు.

నా మీద నమ్మకంతో ఎమ్మెల్యే టిక్కెట్‌ ఇచ్చారు

Submitted by arun on Mon, 07/23/2018 - 16:42

వచ్చే ఎన్నికల్లో వైసీపీ విజయం సాధించి, జగన్ సీఎం కావడం ఖాయమని వైసీపీ ఎమ్మెల్యే రోజా జోస్యం చెప్పారు. చిత్తూరు జిల్లా నగరిలో వ్యాపారులకు తోపుడు బండ్లను ఈరోజు ఆమె పంపిణీ చేశారు. ఈ సందర్భంగా రోజా మాట్లాడుతూ, జగన్ అధికారంలోకి వస్తే అన్ని వర్గాల వారికి న్యాయం జరుగుతుందని ఆమె ధీమా వ్యక్తం చేశారు. గత ఎన్నికల్లో తన మీద నమ్మకంతో వైఎస్సార్‌సీపీ అధినేత వైఎస్‌ జగన్‌ మోహన్‌ రెడ్డి టిక్కెట్‌ ఇచ్చారని ఎమ్మెల్యే ఆర్కే రోజా వ్యాఖ్యానించారు. జగన్‌ మోహన్‌ రెడ్డి నమ్మకాన్ని వమ్ము చేయకుండా నగరి ప్రజలు తనను గెలిపించారని తెలిపారు. నగరి ప్రజల రుణం జీవితంలో మర్చిపోలేనని చెప్పారు.

టీడీపీ ఎంపీలందరూ రాజీనామా చేయాలి

Submitted by arun on Sat, 07/21/2018 - 13:26

ప్రత్యేక హోదాను వద్దనడానికి చంద్రబాబు ఎవరని వైసీపీ అధినేతే జగన్ ప్రశ్నించారు. హోదా వద్దని, ప్యాకేజీ అంగీకరించే హక్కు ముఖ్యమంత్రికి ఎక్కడిదని నిలదీశారు. బీజేపీపై యుద్ధం చేస్తున్నానంటున్న చంద్రబాబు చేతల్లో మాత్రం దానికి విరుద్ధంగా వ్యవహరిస్తున్నారని తప్పు పట్టారు. వైసీపీ ఎంపీల లాగే టీడీపీ ఎంపీలు కూడా రాజీనామా చేయాలని జగన్ డిమాండ్ చేశారు. ఏపీపై కేంద్ర ప్రభుత్వం అనుసరిస్తున్న వైఖరికి నిరసిస్తూ మంగళవారం జగన్..ఏపీ బంద్‌‌కు పిలుపునిచ్చారు.