Nava nirmana deeksha

ఆ ఘనత టీడీపీ ప్రభుత్వానిదే : చంద్రబాబు

Submitted by arun on Mon, 06/04/2018 - 17:47

ఒక్కో రైతుకు లక్షన్నర చొప్పున రుణ మాఫీ చేసిన ఘనత టీడీపీ ప్రభుత్వానిదేనని సీఎం చంద్రబాబు అన్నారు. దేశంలో ఏ ప్రభుత్వమూ ఇంత పెద్ద మొత్తంలో రైతు రుణ మాఫీ చేయలేదని విజయనగరం జిల్లా ఎస్. కోట నియోజకవర్గంలో జరిగిన నవనిర్మాణ దీక్షలో గుర్తు చేశారు. ఎన్డీఏ ప్రభుత్వం, ఆర్బీఐ రైతు రుణ మాఫీకి అంగీకరించకపోయినా..ఇచ్చిన మాటకు కట్టుబడి  అన్నదాత అప్పుల్ని రద్దు చేశామని చెప్పారు. గతంలో రైతులకు ఎన్నో కష్టాలుండేవని..కానీ టీడీపీ ప్రభుత్వం అధికారం చేపట్టిన తర్వాత రైతులను అప్పల ఊబి నుంచి బయటకు తెచ్చామని చంద్రబాబు అన్నారు.  

అశోక్‌బాబు ప్రజాసేవలోకి రా.. : చంద్రబాబు

Submitted by arun on Sat, 06/02/2018 - 15:21

ఏపీ ఎన్జీవో ఉద్యోగ సంఘం అధ్యక్షుడు అశోక్‌బాబు మరో ఏడాదిలో రిటైరవుతున్నారని, కాబట్టి ప్రజాసేవలోకి (రాజకీయాల్లోకి) రమ్మని ఆయనను ఆహ్వానిస్తున్నానని ముఖ్యమంత్రి చంద్రబాబునాయుడు అన్నారు. విజయవాడ బెంజ్‌ సర్కిల్‌లో చేపట్టిన నవనిర్మాణ దీక్షలో ఆయన పాల్గొని ప్రసంగించారు. తిరుమల ఆలయంలో వజ్రం పోయిందంటున్నారని, ఈ విషయంలో సీబీఐ విచారణ పేరుతో అప్రతిష్టపాలు చేయాలనుకుంటున్నారని ఆయన చెప్పుకొచ్చారు. సాక్షాత్తు వేంకటేశ్వరస్వామిని కూడా తానే కాపాడతానని అన్నారు. సీబీఐ మాజీ జేడీ లక్ష్మీనారాయణ కూడా బీజేపీలో ఉన్నట్టే మాట్లాడుతున్నారని అన్నారు.

ఏం సంతోషం ఉందని వేడుకలు జరుపుకోవాలి?: చంద్రబాబు

Submitted by arun on Sat, 06/02/2018 - 10:32

విభజనతో ఆంధ్రప్రదేశ్ ప్రజలను దారుణంగా అవమానించారని ముఖ్యమంత్రి చంద్రబాబు నాయుడు అన్నారు. విజయవాడలోని బెంజిసర్కిల్‌లో నిర్వహించిన నవనిర్మాణ దీక్షలో సీఎం పాల్గొన్నారు. ఈ సందర్భంగా చంద్రబాబు మాట్లాడుతూ రాష్ట్ర ప్రజలు అభద్రతాభావంతో ఉన్నారన్నారు. 2014 బాధా సంవత్సరమని, జూన్ 2 చీకటిరోజని ఆవేదన వ్యక్తం చేశారు. అస్తులు తెలంగాణకు.. అప్పులు ఏపీకి ఇచ్చారన్నారు సీఎం చంద్రబాబు. ఏపీలో తొలి ఏడాది రూ.16 వేల కోట్ల లోటు బడ్జెట్ ఉందన్నారు. కష్టాలు, సమస్యలు తప్ప ఏపీకి ఏం ఇచ్చారనిప్రశ్నించారు. కాంగ్రెస్‌ మోసం చేస్తే.. బీజేపీ నమ్మకద్రోహం చేసిందని ఆగ్రహం వ్యక్తం చేశారు.