kcr

అమవాస్య తర్వాత మిగిలిన అభ్యర్థుల ప్రకటన...రెండు మూడు రోజుల్లో...

Submitted by arun on Mon, 10/08/2018 - 09:38

తెలంగాణలో కేసీఆర్  ఎన్నికల ప్రచారం షెడ్యూల్ మారనుందా...? ప్రజా ఆశీర్వాద సభలపై కొత్త ప్రణాళిక ఏంటి..? నియోజక వర్గాల వారీగా రూట‌్ మ్యాప్ సిద్ధం చేస్తున్నారా...? 50 రోజుల్లో 100 సభలు నిర్వహించాలన్న కేసీఆర్ వ్యూహం ఎన్నికల షెడ్యూల్ వచ్చాక మార్చుకున్నారా..? ప్రస్తుత పరిస్థితులకు అనుగుణంగా ప్రచారసభలను నిర్వహించేందుకు సిద్ధం అవుతున్నారు గులాబీబాస్. 

అమావాస్య రోజు పోలింగ్...కేసీఆర్‌కు కలిసొచ్చేనా..?

Submitted by arun on Sun, 10/07/2018 - 15:18

కేంద్ర ఎన్నికల సంఘం ప్రకటించిన షెడ్యూలు టీఆర్ఎస్ అధినేత  కేసీఆర్‌కు కలిసొస్తుందా? జ్యోతిష్య శాస్త్రాన్ని ప్రగాఢంగా విశ్వసించే కేసీఆర్‌కు కమిషన్ ప్రకటించిన పోలింగ్‌ తేదీ ఆయనకు అనుకూలమా? ప్రతికూలమా? ఈ ఎన్నికల్లో అమావాస్య చంద్రుడిలా వెలుగుతాడా..? 

దుబాయ్‌కి మనుషుల్ని అమ్మిన చరిత్ర కేసీఆర్‌ది..

Submitted by arun on Sat, 10/06/2018 - 12:07

వనపర్తి సభలో కేసీఆర్ చేసిన వ్యాఖ్యలపై కాంగ్రెస్ నేత డీకే అరుణ తీవ్రస్థాయిలో విరుచుకుపడ్డారు. శనివారం మీడియాతో మాట్లాడుతూ కేసీఆర్‌ బెదిరింపులకు భయపడేదిలేదని స్పష్టం చేశారు. కేసీఆర్‌ మతిస్థిమితం కోల్పోయి మాట్లాడుతున్నారని అన్నారు. పాలమూరు జిల్లాకు నీరు ఇచ్చామని చెప్పుకునేందుకు సిగ్గు ఉండాలని విమర్శించారు. కేసీఆర్‌ ఎంత మోసగాడో ప్రజలకు తెలిసిపోయిందన్నారు. కేసీఆర్ సంస్కారంతో మాట్లాడటం నేర్చుకోవాలని హితవుపలికారు.
 

కాంగ్రెస్‌ కేసులే.. కారు పార్టీ ప్రచారాస్త్రాలు

Submitted by arun on Sat, 10/06/2018 - 11:28

నాలుగున్నరేళ్ల పాలన కన్నా వరుసగా ప్రవేశపెట్టిన సంక్షేమ పథకాల కన్నా విజయమే తప్ప ఓటమెరుగని నాయకులున్నా అధికార టీఆర్ఎస్‌ పార్టీ వాటినేమాత్రం ప్రచారాస్త్రాలుగా భావించడం లేదు. కేసీఆర్‌ సర్కారును ఇరుకున పెట్టాలని విశ్వప్రయత్నాలు చేసిన ప్రతిపక్ష కాంగ్రెస్‌ను వారు తీసిన గోతిలోనే పడుకోబెట్టాలని అధికార పార్టీ నిర్ణయించింది. వచ్చే ఎన్నికల్లో కాంగ్రెస్‌ను ఎదుర్కొనేందుకు సరికొత్త వ్యూహాన్ని సిద్ధం చేసింది. 

కేసీఆర్‌ దొంగ దీక్షలు చేసిన సంగతి అందరికీ తెలుసు: ఏపీ మంత్రి

Submitted by arun on Fri, 10/05/2018 - 14:35

ఓటమి బయంతోనే కేసీఆర్ అవాకులు, చెవాకులు పేలుతున్నాడని మండిపడ్డారు ఏపీ మంత్రి నక్కా ఆనందబాబు. కేసీఆర్‌కు రాజకీయ భిక్ష పెట్టిందే తెలుగుదేశం పార్టీ అని గుర్తు చేసిన ఆయన తెలంగాణలో టీడీపీని టార్గెట్ చేస్తున్నాడని విమర్శించారు. మనిషికి రెండు కళ్లే ఉంటాయని, మూడు కళ్లు ఉన్నాయంటే దెయ్యానివా అని కేసీఆర్‌ను ప్రశ్నించారు. 2009లో దేహీ అని చంద్రబాబును ప్రాధేయపడి టీడీపీతో పొత్తు పెట్టుకున్నాడని, డబ్బుకోసం వెంపర్లాడాడని మండిపడ్డారు. 2009లో ఎంత డబ్బు తీసుకున్నావో చెప్పాలని మంత్రి ఆనందబాబు అడిగారు. నాలుగేళ్లలో ఏం చేశావో చెప్పాలన్న ఆయన దొంగ దీక్షలు చేసిన సంగతి అందరికీ తెలుసన్నారు. 

ఆ సీట్లు గెలవకపోతే...నేను గెలిచినా రాజీనామా చేస్తా: కోమటిరెడ్డి

Submitted by arun on Fri, 10/05/2018 - 13:12

నల్గొండలో జిల్లాలోని 12 స్థానాలకు 10 స్థానాల్లో గెలిచి చూపిస్తాం...10 సీట్లు గెలవకపోతే తాను ఎమ్మెల్యేగా గెలిచినా పదవికి రాజీనామా చేస్తానని  ప్రకటించారు మాజీ మంత్రి, కాంగ్రెస్ సీనియర్ నేత కోమటిరెడ్డి వెంకట్‌రెడ్డి. నల్గొండ సభలో కేసీఆర్ పూర్తిగా అబద్ధాలు మాట్లాడారని విమర్శించిన ఆయన... అభద్రతా భావంతోనే కేసీఆర్ ఇష్టం వచ్చినట్టు మాట్లాడుతున్నారని... సాగర్ ద్వారా 10 లక్షలు ఎకరాలకు కాంగ్రెస్‌ హయాంలోనే నీరు ఇచ్చామన్నారు. జగదీశ్‌రెడ్డి, ఆయన అనుచరులు దోచుకునేందుకే దామరచర్ల థర్మల్ ప్లాంట్‌ను నిర్మిస్తున్నారని అని ఆరోపించారు. కాంగ్రెస్‌ అధికారంలోకి వస్తే దామరచర్ల ప్లాంట్‌ను ఆపేస్తామన్నారు.

టీడీపీ శని మమ్మల్ని వదిలి కాంగ్రెస్‌ను పట్టింది

Submitted by arun on Thu, 10/04/2018 - 16:18

నిజామాబాద్ ప్రజా ఆశీర్వాద సభలో బీజేపీపై కేసీఆర్ చేసిన వ్యాఖ్యలకు ఎంపీ జీవీఎల్ కౌంటర్ ఇచ్చారు. ప్రజా తీర్పును అపహాస్యం చేస్తూ ముందస్తు ఎన్నికలకు ఎందుకు వెళ్లారో చెప్పాలంటూ ఆయన డిమాండ్ చేశారు. ఇచ్చిన హామీలు నెరవేర్చని కేసీఆర్‌  ప్రజలకు క్షమాపణలు చెప్పిన తరువాతే ప్రచారం చేయాలంటూ సూచించారు. కుటుంబ పాలన సాగిస్తున్న కేసీఆర్‌‌కు  తెలంగాణ ప్రజలే బుద్ధి చెబుతారని జీవీఎల్ అన్నారు. పోటీపడి అబద్దాలు చెబుతూ, అవినీతికి పాల్పడుతున్న తెలుగు రాష్ట్రాల సీఎంలకు త్వరలోనే గుణపాఠం చెబుతామన్నారు. తమ నుంచి టీడీపీ వెళ్లిపోవడంతో  బీజేపీకి పట్టిన శని పోయిందన్న ఆయన ఇప్పుడు ఆ శని కాంగ్రెస్‌కు తగిలిందన్నారు. 

కేసీఆర్‌కు ఎన్నికల్లో ప్రజలే బుద్ధి చెబుతారు: ఏపీ మంత్రి

Submitted by arun on Thu, 10/04/2018 - 14:29

చంద్రబాబుపై వ్యాఖ్యలు చేస్తే కేసీఆర్‌కు నష్టమే తప్ప లాభం ఉండదన్నారు ఏపీ మంత్రి సోమిరెడ్డి చంద్రమోహన్‌రెడ్డి. మోడీ నుంచి కేసీఆర్ వరకూ చంద్రబాబును చూసి భయపడుతున్నారన్నారు. ఆంధ్రావాళ్లను దూషిస్తేనే ఓట్లు పడతాయని అనుకోవడం మంచిదికాదని హితవు పలికారు. 2004లో కాంగ్రెస్‌తో, 2009లో టీడీపీతో ఎందుకు పొత్తుపెట్టుకున్నావని ఆయన ప్రశ్నించారు. సైబరాబాద్‌ సృష్టికర్త చంద్రబాబు అని తెలంగాణను నాశనం చేశారనడం బాధాకరమన్నారు. 500 కోట్లు కాదు 5 కోట్లు కూడా తెలంగాణకు పంపాల్సిన కర్మ పట్టలేదన్న ఆయన కేసీఆర్‌కు ఎన్నికల్లో ప్రజలే తగిన బుద్ధి చెబుతారని అన్నారు మంత్రి సోమిరెడ్డి. 
 

కాసేపట్లో నిజామాబాద్‌కు కేసీఆర్...గులాబీమయంగా మారిన ఇందూరు నగరం

Submitted by arun on Wed, 10/03/2018 - 14:11

సీఎం సభకు ఏర్పాట్లన్నీ పూర్తయ్యాయి. హుస్నాబాద్ సభ అనంతరం 25రోజలు గ్యాప్ తర్వాత జరుగుతున్న రెండో సభ కావడంతో సీఎం కేసీఆర్ ఏం మాట్లాడబోతున్నారన్న దానిపై ఉత్కంఠ నెలకొంది. కేసీఆర్‌ మధ్యాహ్నం 3 గంటలకు నిజామాబాద్‌కు చేరుకుంటారు. హెలిక్యాప్టర్‌లో నేరుగా సభా స్థలానికి వస్తారు. ఇందుకోసం సభా స్థలం వద్ద హెలిప్యాడ్‌ను నిర్మించారు. వచ్చిన వెంటనే కొద్దిసేపు పార్టీ అభ్యర్థులతో సమీక్షిస్తారు. అనంతరం బహిరంగసభా వేదిక పైకి వచ్చి జిల్లా ప్రజలనుద్దేశించి ప్రసంగిస్తారు. సభ అనంతరం తిరిగి హైదరాబాద్‌ బయలుదేరి వెళతారు. టీఆర్‌ఎస్‌ జెండాలు, తోరణాలతో నగరమంతా గులాబీ మయంగా మారింది.

Tags

ఐటీ అండ్ ఈడీ రైడ్స్‌పై రేవంత్‌ సంచలన వ్యాఖ్యలు

Submitted by arun on Fri, 09/28/2018 - 10:52

టీపీసీసీ వర్కింగ్‌ ప్రెసిడెంట్‌ రేవంత్‌రెడ్డికి అరెస్ట్‌ భయం పట్టుకున్నట్టు కనిపిస్తోంది. ఐటీ అండ్ ఈడీ రైడ్స్‌తో ప్రమాదాన్ని ముందే ఊహించిన రేవంత్‌ కోస్గి బహిరంగ సభలో ఉద్వేగానికి లోనయ్యారు. రేవంత్‌రెడ్డి బయట ఉంటే 30వేలు జైలుకెళ్తే 50వేల మెజారిటీ అంటూ సంచలన వ్యాఖ్యలు చేశారు. ఒకవేళ అరెస్ట్‌ చేస్తే జైలు నుంచే నామినేషన్‌ దాఖలు చేస్తానన్న రేవంత్‌రెడ్డి తనను భారీ మెజారిటీతో గెలిపించే బాధ్యత మీదేనంటూ కొడంగల్‌ ప్రజలపై భారం వేశారు.