police

పోలీసుల అదుపులో మహిళా కిడ్నాపర్ ..

Submitted by arun on Thu, 07/05/2018 - 10:48

కోఠి మెటర్నిటీ ఆస్పత్రి నుంచి శిశువును కిడ్నాప్  చేసిన మహిళను పోలీసులు అరెస్ట్  చేశారు. నిందితురాలు నైనారాణిని బీదర్‌లో అదుపులోకి తీసుకున్నారు. నిందితురాలితో పాటు మొత్తం నలుగురిని అరెస్ట్ చేసి... హైదరాబాద్ తీసుకొస్తున్నారు. నైనా బీదర్‌లోని షాగంజ్‌లో నివాసం ఉంటోంది. ఆమె భర్త సైమన్‌ హైదరాబాద్‌లోని ఎల్బీనగర్‌ సమీపంలో పండ్ల వ్యాపారం చేస్తున్నాడు. తనకు రెండుసార్లు గర్భస్రావం అయిందని, భవిష్యత్తులో పిల్లలు పుట్టరన్న అనుమానంతోనే చిన్నారిని ఎత్తుకెళ్లినట్టు నైనా టాస్క్‌ఫోర్స్‌ పోలీసులకు వివరించింది.

పసికందు కిడ్నాప్‌ కేసులో పురోగతి

Submitted by arun on Tue, 07/03/2018 - 12:48

ఆరు రోజుల పసికందు అపహరణ కేసులో పోలీసులు పురోగతి సాధించారు. నిన్న మధ్యాహ్నం 12గంటల సమయంలో కోఠి మెటర్నటీ ఆస్పత్రి నుంచి పసికందును ఎత్తుకెళ్లిన మహిళ తెలంగాణ ఆర్టీసీ బస్సులో బీదర్‌ వెళ్లినట్టు గుర్తించారు. ఎంజీబీఎస్‌లోని సీసీ టీవీ  ఫుటేజ్‌ ఆధారంగా బస్సు నెంబర్‌ను ట్రేస్‌ చేశారు. బీదర్‌ వెళ్లిన టీఎస్‌ ఆర్టీసీ బస్సు డ్రైవర్‌తో పాటు కండక్టర్‌ను పోలీసులు విచారించారు.

షాకింగ్: మహిళా కానిస్టేబుల్ కూతురిపై డీసీపీ అత్యాచారం

Submitted by arun on Thu, 06/28/2018 - 11:45

మహారాష్ట్ర ఔరంగబాద్ లో దారుణం జరిగింది. కంచే చేను మేసింది. తన దగ్గర పనిచేస్తున్న మహిళా కానిస్టేబుల్ కూతురిని డీసీపీ రేప్ చేశారు. 23 ఏళ్ల యువతికి మంచి జాబ్ ఇప్పిస్తానని నమ్మబలికి ఈ దారుణానికి పాల్పడ్డాడు.  ఆ యువతిపై అత్యాచారానికి పాల్పడటమేకాక వేధింపులతో నరకం చూపించాడు. డీసీపీ రాహుల్‌ శ్రీరామ్ పై  ఔరంగాబాద్‌ ఎండీసీ పోలీస్‌ స్టేషన్‌లో  కేసు నమోదైంది. గ్రాడ్యుయేషన్‌ పూర్తి చేసిన కూతురికి ఏదైనా మంచి ఉద్యోగం చూసిపెట్టమని డీసీపీ రాహుల్‌ శ్రీరామ్‌ను అభ్యర్థించింది మహిళా కానిస్టేబుల్‌. ఆ సాకుతో యువతిని ఇంటికి పిలిపించుకున్న ఆ డీసీపీ తన పాడుబుద్ధిని ప్రదర్శించాడు.

సస్పెన్స్‌ థ్రిల్లర్‌ను తలపిస్తున్న గుంటూరు చోరీ కేసు...కోడలు శివపార్వతి చుట్టూ తిరుగుతున్న విచారణ

Submitted by arun on Fri, 06/15/2018 - 15:51

సంచలనం సృష్టించిన గుంటూరు చోరీ ఘటన.. కీలక మలుపు తిరిగింది. తెలిసిన వారే ఈ చోరీ చేసినట్లు గుర్తించిన పోలీసులు.. తాజాగా కుటుంబ సభ్యుల సహకారంతోనే దుండగులు దోచుకున్నారని.. తేల్చారు. దొంగతనంలో పాలు పంచుకున్న ముగ్గురు నిందితులను పోలీసులు అదుపులోకి తీసుకున్న పోలీసులు కీలక సమాచారం తెలుసుకున్నారు. ముఖ్యంగా కోడలు.. శివపార్వతిపైనే పోలీసులు అనుమానం వ్యక్తం చేస్తున్నారు. దీంతో ఆమెను ప్రత్యేకంగా విచారిస్తున్నారు. 

అమ్మాయిలకు స్వీట్‌పాన్‌ ఇచ్చి..

Submitted by arun on Fri, 06/08/2018 - 11:31

హైదరాబాద్‌లో ఓ కామాంధుడి వికృత రూపాన్ని పోలీసులు బట్టబయలు చేశారు. మయూర్ పాన్ హౌస్ పేరిట నగరంలో అనేక చోట్ల పాన్ వ్యాపారాన్ని చేస్తున్న  ఉపేందర్ అనే వ్యక్తిని పోలీసులు అరెస్ట్ చేశారు. ఉపేందర్ చేతిలో మోసపోయిన ఓ మహిళ ఇచ్చిన ఫిర్యాదుతో స్పందించిన పోలీసులు రంగంలో దిగి  ఉపేందర్ గుట్టు రట్టు చేశారు. ఫేస్ బుక్ ద్వారా చాలా మంది అమ్మాయిలను ట్రాప్ చేస్తున్న ఉపేందర్ తన వద్ద ఉన్న పాన్‌లలో మత్తు మందును చల్లి అమ్మాయిలకు ఇచ్చేవాడు. వారు స్మృహకోల్పోయిన తర్వాత వారిపై అత్యాచారానికి పాల్పడేవాడు. ఆ తర్వాత వారిని బెదిరించేవాడు. వీడియోలను యూట్యూబ్‌లో అప్‌లోడ్ చేస్తానని యువతులను బెదిరించేవాడు.

సెలూన్‌ సెంటర్‌ ముసుగులో హైటెక్‌ వ్యభిచారం

Submitted by arun on Sat, 02/24/2018 - 10:49

సెలూన్‌ సెంటర్‌ ముసుగులో హైటెక్‌ వ్యభిచారం నిర్వహిస్తున్న వైనాన్ని గుంటూరు అర్బన్‌ పోలీసులు శుక్రవారం రాత్రి బట్టబయలు చేశారు. వివరాలు ఇలా ఉన్నాయి.. క్ష్మీపురంలోని బౌన్స్ బ్యూటీ అండ్ మసాజ్ సెంటర్‌పై దాడులు నిర్వహించారు. ఇక్కడ మసాజ్‌ ముసుగులో వ్యభిచారం నిర్వహిస్తున్నారన్న సమాచారంతో పోలీసులు ఒక్కసారిగా దాడులు చేశారు. ఈ దాడుల్లో నలుగురు మహిళలు, నిర్వాహకుడు రామచంద్రరావుతోపాటు అతని అసిస్టెంట్‌, ఒక విటుడ్ని పోలీసులు అరెస్ట్ చేశారు. వారి వద్ద నుంచి 18వేల రూపాయల నగదుతోపాటు, 11సెల్‌ఫోన్లు స్వాధీనం చేసుకున్నారు.

బొటానికల్‌ గార్డెన్‌ దగ్గర మహిళ హత్యకేసులో వీడిన మిస్టరీ

Submitted by arun on Mon, 02/12/2018 - 10:34

రెండు వారాల క్రితం కొండాపూర్ బొటానికల్‌ గార్డెన్‌ వద్ద గోనె సంచుల్లో లభించిన మహిళ మృతదేహానికి సంబంధించిన కేసును సైబరాబాద్‌ పోలీసులు ఎట్టకేలకు ఛేదించారు. మృతురాలి భర్త, అత్త, మరిది ఈ ఘాతుకానికి పాల్పడ్డారని  గుర్తించారు. ఆదివారమే సీసీ ఫుటేజీ ఆధారంగా కొన్ని కీలక ఆధారాలను సేకరించిన పోలీసులు సోమవారం నిందితులను కనుగొన్నారు. కొండాపూర్‌లోని ఒక బార్‌లో పనిచేసే అమర్‌కాంత్‌ ఝా, అతని తల్లి, మృతురాలి భర్త కలిసి ఈ దారుణానికి ఒడిగట్టగా.. అమర్‌ కాంత్‌, అతని తల్లి మృతదేహాన్ని ముక్కలు ముక్కలుగా చేసి పడేశారని పోలీసులు తెలిపారు.

మద్యం మత్తులో పోలీసులపై యువకుడి దాడి

Submitted by arun on Sat, 02/10/2018 - 11:04

హైదరాబాద్ లో నిర్వహించిన డ్రంక్ డ్రైవ్ లో మద్యం రాయుడు హల్ చల్ చేశాడు. జూబ్లీహిల్స్ చెక్ పోస్టు వద్ద పోలీసులు డ్రంక్ అండ్ డ్రైవ్ నిర్వహించారు. పూటుగా మద్యం సేవించిన మద్యం బాబు బ్రీత్ అనలైజర్ టెస్ట్‌కు నిరాకరించి దురుసుగా ప్రవర్తించాడు.  బ్రీత్ ఎనలైజర్ టెస్టు చేయగా.. 185 పాయింట్లు చూపించింది. వాహనాన్ని ఆపినందుకు మద్యం మత్తులో ఉన్న అంకిత్ పోలీసులపై చేయి చేసుకున్నాడు. పోలీసులపై దాడికి పాల్పడ్డ అంకిత్‌పై ఐపీసీ 353 సెక్షన్ కింద పోలీసులు కేసు నమోదు చేశారు.
 

వర్మకు షాకిచ్చిన సీసీఎస్ పోలీసులు

Submitted by arun on Thu, 02/08/2018 - 16:15

ప్రముఖ సినీ దర్శకుడు రామ్ గోపాల్ వర్మకు హైదరాబాద్ సీసీఎస్ పోలీసులు షాక్ ఇచ్చారు. రాంగోపాల్ వర్మకు సీసీఎస్ పోలీసులు నోటీసులు జారీచేశారు. జీఎస్టీ (గాడ్ సెక్స్ అండ్ ట్రుత్)పై నమోదైన కేసులో విచారణకు హాజరుకావాలని పోలీసులు వర్మకు నోటీసులందజేశారు. ఈ కేసులో వర్మ నేడు సీసీఎస్ ఎదుట విచారణకు హాజరుకావాల్సి ఉండగా..విచారణకు హాజరుకాలేనని లాయర్ ద్వారా వర్మ పోలీసులకు తెలియజేశాడు. 

హైదరాబాద్ లో బయటపడిన మరో ఖాకీ నిర్వాకం

Submitted by arun on Wed, 01/31/2018 - 10:57

హైదరాబాద్‌లో మరో ఖాకీ నిర్వాకం బయటపడింది. ఫిర్యాదు చేసేందుకు వచ్చిన తన భార్యను ఎస్ఐ నర్సింహులు ట్రాప్ చేశాడని.. మల్కాజిగిరి డీసీపీ కి సతీష్ అనే వ్యక్తి ఫిర్యాదు చేశాడు.. తన భార్యతో వివాహేతర సంబంధం పెట్టుకొని తనను విడాకులు ఇవ్వమని తీవ్ర భయభ్రాంతులకు గురిచేస్తున్నాడని ఫిర్యాదులో పేర్కొన్నాడు.. ఎస్ఐ నరసింహ బారి నుంచి తనను రక్షించాలని మల్కాజిగిరి డీసీపీని ఆశ్రయించిన బాధితుడు.. ఎస్ఐ క్రెడిట్ కార్డుతో తన భార్య షాపింగ్ కూడా చేసిందని ఫిర్యాదులో పేర్కొన్నాడు.