Rythu Bandhu

రైతులకు ఎన్నికల కోడ్ కష్టాలు...అన్నదాతలకు పంటసాయం బంద్‌

Submitted by arun on Mon, 11/05/2018 - 12:22

రైతులకు ఎన్నికల కోడ్ కష్టాలు వచ్చాయి. ఎన్నికల నియమావళి అమల్లో ఉండడంతో దాదాపు ఐదు లక్షల మంది అన్నదాతలకు రైతుబంధు పథకం కింద అందాల్సిన పంట సాయం ఆగిపోయింది. పట్టాదారు పాసు పుస్తకాలు అందకపోవడంతో 3 లక్షలమందికి నగదు బదిలీ నిలచిపోగా కొత్త లబ్ధిదారులను చేర్చవద్దని ఎన్నికల కమిషన్ ఆదేశించడంతో 2 లక్షల మంది కొత్తవారిని పక్కనపెట్టారు. వీరందరికీ ఎన్నికలు పూర్తయ్యే వరకు పంట సాయం అదని పరిస్థితి నెలకొంది. 

అన్నదమ్ముల మధ్య రైతుబంధు చిచ్చు

Submitted by arun on Wed, 06/13/2018 - 17:17

రైతు బంధు చెక్కు రక్తసంబంధంలో చిచ్చుపెట్టింది. సర్కారు ఇస్తున్న చెక్కు కోసం అన్నాదమ్ముళ్లు ఒకరిపై ఒకరు కత్తితో దాడి చేసుకున్నారు. రైతు బంధు డబ్బుల కోసం ఓ అన్న తమ్ముడి రక్తం కళ్ల చూశాడు. రైతు బంధు డబ్బుల కోసం  లక్ష్మారెడ్డి(తమ్ముడు) తన అన్న బాబురెడ్డి తో కలిసి మంచిర్యాల జిల్లా నెన్నెల మండలం తహశీల్దార్‌ కార్యాలయానికి వచ్చారు. ఇద్దరి మధ్య డబ్బుల విషయంలో గొడవ జరిగింది. మాట మాట పెరిగి... కత్తులతో దాడికి దిగారు. ఈ దాడితో తమ్ముడు లక్ష్మారెడ్డి తీవ్రంగా గాయపడ్డాడు. గాయపడిన లక్ష్మారెడ్డిని చికిత్స కోసం ఆస్పత్రికి తరలించిన పోలీసులు... కేసు నమోదు చేసుకొని దర్యాప్తు చేస్తున్నారు.
 

తెలంగాణ రైతులకు శుభవార్త...పంట సాయం చెక్కుల పంపిణీ తేదీ ఖరారు

Submitted by arun on Wed, 04/18/2018 - 10:39

తెలంగాణ రైతులకు శుభవార్త..రైతులకు పంట సాయం అందించే చెక్కుల పంపిణీ తేదీ ఖరారైంది. రైతు బంధు పథకం కింద రైతులకు చేసే ఆర్థిక సహాయానికి సంబంధించిన చెక్కుల పంపిణీని వచ్చే నెల 10 నుంచి ప్రారంభించాలని ప్రభుత్వం నిర్ణయించింది. కొత్త పట్టాదారు పాసు పుస్తకాల పంపిణీకి కూడా అదే రోజు శ్రీకారం చుడతారు. 

ఎకరానికి 4 వేల పంట పెట్టుబడి చెక్కుల పంపిణీ వాయిదా

Submitted by arun on Mon, 04/16/2018 - 11:23

తెలంగాణ ప్రభుత్వం ప్రతిష్టాత్మకంగా తీసుకున్న పంటపెట్టుబడి చెక్కుల పంపిణీ వాయిదా పడింది. కొత్త పట్టాదారు పాసు పుస్తకాల పంపిణీ తర్వాతే రైతులకు చెక్కులు ఇవ్వనున్నారు. టీఆర్ఎస్ ప్లీనరీ తర్వాతే పెట్టుడి సాయం చెక్కుల పంపిణీపై క్లారిటీ రానుంది.

రైతు బంధు పథకం కింద ఎకరానికి 4 వేల పంట పెట్టుబడి సాయానికి ఇచ్చే చెక్కుల పంపిణీకి మరికొంత సమయం పట్టే చాన్స్ ఉంది. కొత్త పట్టాదారు పాస్ పుస్తకాల పంపిణి తర్వాతే చెక్కులు పంపిణీ చేయాలని సీఎం కేసీఆర్ భావిస్తున్నారు. దీంతో మే నెల రెండో వారం తర్వాతే చెక్కుల పంపిణీ చేపట్టాలని సర్కార్ భావిస్తోంది.