Sampath Kumar

బ్రేకింగ్... హైకోర్టులో కోమటిరెడ్డి, సంపత్ లకు ఎదురుదెబ్బ!

Submitted by arun on Tue, 08/21/2018 - 12:35

కాంగ్రెస్ ఎమ్మెల్యేలు కోమటిరెడ్డి వెంకటరెడ్డి, సంపత్ లకు హైకోర్టులో ఎదురుదెబ్బ తగిలింది. కోమటిరెడ్డి వెంకటరెడ్డి, సంపత్‌లను శాసనసభ సభ్యత్వం నుంచి సస్పెండ్ చేశాక ఈ వ్యవహారం హైకోర్టుకు చేరడంతో రోజుకో మలుపు తిరుగుతోంది. వాళ్లిద్దరినీ ఎమ్మెల్యేలుగా గుర్తించాలని సింగిల్ బెంచ్ గతంలో ఆదేశించింది. ఐతే.. ఇవాళ ఈ కేసును విచారించిన డివిజన్‌ బెంచ్‌.. సింగిల్‌ బెంచ్‌ తీర్పుపై రెండు నెలలు స్టే విధించింది. సింగిల్ బెంచ్ తీర్పుపై డివిజన్ బెంచ్ స్టే విధించడంతో  తెలంగాణ ప్రభుత్వానికి ఊరట లభించినట్టయింది.

తెలంగాణ సర్కార్‌కు హైకోర్టు షాక్‌!

Submitted by arun on Fri, 06/15/2018 - 16:36

శాసనసభ సభ్యత్వం రద్దు కేసులో కోమటిరెడ్డి వెంకట రెడ్డి, సంపత్‌ వేసిన కోర్టు ధిక్కార పిటిషన్‌‌ను హైకోర్టులో విచారించింది. తెలంగాణ అసెంబ్లీ కార్యదర్శి, న్యాయశాఖ కార్యదర్శికి హైకోర్టు నోటీసులు జారీ చేసింది. తదుపరి విచారణ జులై 13కి వాయిదా వేసింది. కోమటిరెడ్డి వెంకట రెడ్డి, సంపత్‌ శాసన సభ్యత్వాన్ని పునద్ధరించాలంటూ కొద్ది రోజుల క్రితం హైకోర్టు తీర్పు ఇవ్వగా దానిని అమలు చేయకపోవడంతో కోమటిరెడ్డి వెంకట రెడ్డి, సంపత్‌ మరోసారి హైకోర్టును ఆశ్రయించారు. 

టీఆర్‌ఎస్‌ ఎమ్మెల్యేలకు ఎదురుదెబ్బ

Submitted by arun on Mon, 06/04/2018 - 16:34

టీఆర్ఎస్‌ ఎమ్మెల్యేలకు హైకోర్టులో చుక్కెదురయ్యింది. కాంగ్రెస్‌ ఎమ్మెల్యేలు కోమటిరెడ్డి వెంకట్‌రెడ్డి, సంపత్‌కుమార్‌ శాసనసభ సభ్యత్వాల రద్దుపై సింగిల్‌ బెంచ్‌ తీర్పును సవాల్‌ చేస్తూ టీఆర్ఎస్‌ ఎమ్మెల్యేలు వేసిన పిటిషన్‌‌ను డివిజన్ బెంచ్ తోసిపుచ్చింది. ఇప్పటికే కాంగ్రెస్‌ ఎమ్మెల్యేల సభ్యత్వం రద్దును కొట్టివేసిన హైకోర్టు.. తాజాగా అప్పీల్‌ పిటిషన్‌ను కూడా తిరస్కరించింది. టీఆర్ఎస్ పిటిషన్‌ విచారించ దగినదా.. లేదా.. అనేదానిపై వేసవి సెలవుల ముందు వాదనలు విన్న ధర్మాసనం.. ఇవాళ తీర్పునిచ్చింది.

మాకు ప్రాణ హాని ఉంది... రక్షణ కల్పించండి

Submitted by arun on Thu, 05/24/2018 - 14:33

తెలంగాణ కాంగ్రెస్‌ ఎమ్మెల్యేలు కోమటిరెడ్డి వెంకట్‌రెడ్డి, సంపత్‌కుమార్‌లు డీజీపీ మహేందర్‌రెడ్డితో సమావేశమయ్యారు. తమకు గన్‌మన్లను కేటాయించాలని వారు డీజీపీని విజ్ఞప్తి చేశారు. హైకోర్టు తమ శాసనసభ్యత్వాలను పునరుద్దరిస్తూ తీర్పు ఇచ్చినప్పటికీ ఇంతవరకు తమకు గన్‌మెన్‌లను కేటాయించలేదని డీజీపీ దృష్టికి తీసుకొచ్చారు. అలాగే రాష్ట్రంలో కాంగ్రెస్ పార్టీకి చెందిన కార్యకర్తలపై పోలీసులు అక్రమంగా కేసులు పెట్టి పశువులను బాదినట్లు బాదుతున్నారని వారు డీజీపీకి వివరించారు. అలాగే తమకు ప్రాణహాని ఉందని, తమకు గన్‌మెన్‌లను కేటాయించాలని వారు డీజీపీని కోరారు.

కోమటిరెడ్డి, సంపత్‌ ఇష్యూలో కేసీఆర్‌‌ నెక్ట్స్‌ స్టెప్‌ ఏంటి?

Submitted by arun on Tue, 04/24/2018 - 14:17

కోమటిరెడ్డి వెంకట్‌రెడ్డి, సంపత్‌ కుమార్ శాసన సభ్యత్వాల రద్దు చెల్లదంటూ హైకోర్టు ఇచ్చిన తీర్పుపై కేసీఆర్‌ ఏం చేయబోతున్నారు? శాసన సభ్యత్వాల పునరుద్ధరణకు చర్యలు చేపడతారా? లేక కోర్టు తీర్పును అధిగమించేందుకు ప్రయత్నిస్తారా? ఇంతకీ ఎమ్మెల్యేల బహిష్కరణ అంశాన్ని కేసీఆర్‌ ఎలా డీల్‌ చేయబోతున్నారు?

ఎమ్మెల్యేల శాసన సభ్యత్వం కేసులో హైకోర్టు సీరియస్

Submitted by arun on Tue, 04/03/2018 - 16:13

తెలంగాణ ప్రభుత్వంపై హైకోర్టు అసహనం వ్యక్తం చేసింది. కాంగ్రెస్ ఎమ్మెల్యేలు కోమటిరెడ్డి వెంకటరెడ్డి, సంపత్ కుమార్ శాసన సభ్యత్వం రద్దుపై జరిగిన విచారణలో తెలంగాణ సర్కార్ కౌంటర్ దాఖలు చేయకపోవడాన్ని హై కోర్టు సీరియస్‌గా తీసుకుంది. ప్రభుత్వ తీరును తప్పుబట్టిన కోర్టు విచారణను ఈ నెల 6వ తేదీకి వాయిదా వేసింది. శాసనసభలో క్రమశిక్షణ ఉల్లంఘించారనే కారణంతో కాంగ్రెస్ ఎమ్మెల్యేలు కోమటిరెడ్డి వెంకట్ రెడ్డి, సంపత్ శాసన సభ్యత్వం రద్దు చేసిన కేసు కొలిక్కి రావడం లేదు. ఈ ఘటనపై జరిగిన విచారణలో కౌంటర్ దాఖలు చేయాల్సిన తెలంగాణ ప్రభుత్వం మరోసారి పిటిషన్ దాఖలు చేయకపోవడంతో కేసు మళ్లీ వాయిదా పడింది. 

కోమటిరెడ్డి, సంపత్‌లకు హైకోర్టులో ఊరట

Submitted by arun on Mon, 03/19/2018 - 17:11

కోమటిరెడ్డి వెంకట్‌రెడ్డి, సంపత్‌కుమార్‌ శాసన సభ్యత్వాల రద్దు కేసులో హైకోర్టు కీలక ఉత్తర్వులు ఇచ్చింది. ఆరు వారాలపాటు ఎన్నికల ప్రక్రియ చేపట్టవద్దంటూ ఈసీని ఆదేశించింది. శాసన సభ్యత్వాల రద్దు కేసులో కోమటిరెడ్డి వెంకట్‌రెడ్డి, సంపత్‌కుమార్‌‌‌లకు స్వల్ప ఊరట లభించింది. శాసన సభ్యత్వాల రద్దు‌ను సవాలు చేస్తూ కోమటిరెడ్డి, సంపత్‌లు హైకోర్టును ఆశ్రయించారు. పిటిషన్‌ను విచారణకు స్వీకరించిన హైకోర్టు మధ్యంతర ఉత్తర్వులు ఇచ్చింది. శాసన సభ్యత్వాలు రద్దుచేసిన రెండు స్థానాల్లో ఆరు వారాలపాటు నోటిఫికేషన్‌ ఇవ్వొద్దని, అలాగే ఎలాంటి ఎన్నికల ప్రక్రియ చేపట్టొద్దని కేంద్ర ఎన్నికల సంఘాన్ని ఆదేశించింది.

హస్తం పార్టీలో ఉపఎన్నికల భయం

Submitted by arun on Mon, 03/19/2018 - 15:33

తెలంగాణ కాంగ్రెస్‌కు ఎన్నికలంటే భయం పట్టుకుందా? నల్గొండ, అలంపూర్ స్థానాలకు ఉపఎన్నికలు వస్తే గ్రూపు తగాదాలు కొంప ముంచుతాయని హస్తం పార్టీ భయపడుతోందా?  తమను ఆదుకొనేదెవరని నేతలు ఆందోళన పడుతున్నారా? తాజపరిణమాలు గమనిస్తే అవుననే అనిపిస్తోంది.

గవర్నర్ ప్రసంగం సమయంలో దురుసుగా వ్యవహరించారనే కారణంతో కాంగ్రెస్ సభ్యులు కోమటిరెడ్డి వెంకటరెడ్డి, సంపత్ కుమార్‌లపై ప్రభుత్వం సభా బహిష్కరణ వేటేసింది. నల్లగొండ, ఆలంపూర్ నియోజకవర్గాలు ఖాళీ అయినట్టు ఎన్నికల కమిషన్‌కు తెలిపింది. వెంటనే గెజిట్ కూడా విడుదల చేయడంతో హస్తం పార్టీలో ఉపఎన్నికల భయం పట్టుకున్నట్లు తెలుస్తోంది. 

కోమటిరెడ్డి, సంపత్ శాసనసభ సభ్యత్వం రద్దు

Submitted by arun on Tue, 03/13/2018 - 10:17

తెలంగాణ అసెంబ్లీ సమావేశాలు మంగళవారం ఉదయం ప్రారంభమయ్యాయి. సభ మొదలవగానే స్పీకర్ మధుసూదనాచారి మాట్లాడుతూ నిన్న గవర్నర్ ప్రసంగం సందర్భంగా అసెంబ్లీలో దురదుష్టకరమైన సంఘటనలు చోటు చేసుకున్నాయని, దీనిపై తీవ్ర మనస్థాపం చెందినట్లు తెలిపారు. అనంతరం శాసనసభ నుంచి కాంగ్రెస్ సభ్యులను సస్పెన్షన్ చేస్తున్నట్లు స్పీకర్ మధుసూదనాచారి ప్రకటించారు. నిన్న సభలో అనుచితంగా ప్రవర్తించిన కోమటిరెడ్డి వెంకట్‌రెడ్డి, సంపత్‌కుమార్ ల అసెంబ్లీ సభ్యత్వాన్ని శాశ్వతంగా రద్దు చేస్తున్నట్లు స్పీకర్ పేర్కొన్నారు. మిగతా కాంగ్రెస్ సభ్యులపై వేటు పడింది.