komatireddy venkatreddy

తెలంగాణ సర్కార్‌కు హైకోర్టు షాక్‌!

Submitted by arun on Fri, 06/15/2018 - 16:36

శాసనసభ సభ్యత్వం రద్దు కేసులో కోమటిరెడ్డి వెంకట రెడ్డి, సంపత్‌ వేసిన కోర్టు ధిక్కార పిటిషన్‌‌ను హైకోర్టులో విచారించింది. తెలంగాణ అసెంబ్లీ కార్యదర్శి, న్యాయశాఖ కార్యదర్శికి హైకోర్టు నోటీసులు జారీ చేసింది. తదుపరి విచారణ జులై 13కి వాయిదా వేసింది. కోమటిరెడ్డి వెంకట రెడ్డి, సంపత్‌ శాసన సభ్యత్వాన్ని పునద్ధరించాలంటూ కొద్ది రోజుల క్రితం హైకోర్టు తీర్పు ఇవ్వగా దానిని అమలు చేయకపోవడంతో కోమటిరెడ్డి వెంకట రెడ్డి, సంపత్‌ మరోసారి హైకోర్టును ఆశ్రయించారు. 

తెలంగాణ రాష్ట్ర అడ్వకేట్‌ జనరల్‌ రాజీనామా కలకలం

Submitted by arun on Tue, 03/27/2018 - 15:05

తెలంగాణ రాష్ట్ర ప్రభుత్వ అడ్వకేట్‌ జనరల్‌ దేశాయ్‌ ప్రకాశ్‌ రెడ్డి తన పదవికి రాజీనామా చేశారు. అసెంబ్లీ నుంచి కాంగ్రెస్‌ ఎమ్మెల్యేలు కోమటిరెడ్డి, సంపత్‌కుమార్‌ల బహిష్కరణకు సంబంధించి జరిగిన పరిణామాలే ప్రకాశ్‌రెడ్డి రాజీనామాకు కారణమని సమాచారం. ఇద్దరు కాంగ్రెస్ ఎమ్మెల్యేల కేసు ఇవాళ విచారణకు రానున్న నేపథ్యంలో ప్రకాశ్‌రెడ్డి రాజీనామా చర్చనీయాంశంగా మారింది. 

హస్తం పార్టీలో ఉపఎన్నికల భయం

Submitted by arun on Mon, 03/19/2018 - 15:33

తెలంగాణ కాంగ్రెస్‌కు ఎన్నికలంటే భయం పట్టుకుందా? నల్గొండ, అలంపూర్ స్థానాలకు ఉపఎన్నికలు వస్తే గ్రూపు తగాదాలు కొంప ముంచుతాయని హస్తం పార్టీ భయపడుతోందా?  తమను ఆదుకొనేదెవరని నేతలు ఆందోళన పడుతున్నారా? తాజపరిణమాలు గమనిస్తే అవుననే అనిపిస్తోంది.

గవర్నర్ ప్రసంగం సమయంలో దురుసుగా వ్యవహరించారనే కారణంతో కాంగ్రెస్ సభ్యులు కోమటిరెడ్డి వెంకటరెడ్డి, సంపత్ కుమార్‌లపై ప్రభుత్వం సభా బహిష్కరణ వేటేసింది. నల్లగొండ, ఆలంపూర్ నియోజకవర్గాలు ఖాళీ అయినట్టు ఎన్నికల కమిషన్‌కు తెలిపింది. వెంటనే గెజిట్ కూడా విడుదల చేయడంతో హస్తం పార్టీలో ఉపఎన్నికల భయం పట్టుకున్నట్లు తెలుస్తోంది. 

కోమటిరెడ్డి, సంపత్ శాసనసభ సభ్యత్వం రద్దు

Submitted by arun on Tue, 03/13/2018 - 10:17

తెలంగాణ అసెంబ్లీ సమావేశాలు మంగళవారం ఉదయం ప్రారంభమయ్యాయి. సభ మొదలవగానే స్పీకర్ మధుసూదనాచారి మాట్లాడుతూ నిన్న గవర్నర్ ప్రసంగం సందర్భంగా అసెంబ్లీలో దురదుష్టకరమైన సంఘటనలు చోటు చేసుకున్నాయని, దీనిపై తీవ్ర మనస్థాపం చెందినట్లు తెలిపారు. అనంతరం శాసనసభ నుంచి కాంగ్రెస్ సభ్యులను సస్పెన్షన్ చేస్తున్నట్లు స్పీకర్ మధుసూదనాచారి ప్రకటించారు. నిన్న సభలో అనుచితంగా ప్రవర్తించిన కోమటిరెడ్డి వెంకట్‌రెడ్డి, సంపత్‌కుమార్ ల అసెంబ్లీ సభ్యత్వాన్ని శాశ్వతంగా రద్దు చేస్తున్నట్లు స్పీకర్ పేర్కొన్నారు. మిగతా కాంగ్రెస్ సభ్యులపై వేటు పడింది.

రుజువు చేస్తే రాజీనామా

Submitted by arun on Tue, 03/13/2018 - 08:50

తెలంగాణ అసెంబ్లీలో దాడి ఘటన రేపిన కలకలం అంతాఇంతా కాదు. దాడి కేంద్రంగా మాటల యుద్ధం జరుగుతోంది. అధికార పార్టీ కౌంటర్ వేస్తే...కాంగ్రెస్ ఎన్‌కౌంటర్ చేస్తోంది. కాంగ్రెస్ ఎమ్మెల్యేలు రౌడీల్లా వ్యవహరించారని గులాబీ దళం విమర్శిస్తే...గతంలో హరీష్ కూడా తక్కువ తినలేదంటోంది. కోమటి రెడ్డి మందు తాగొచ్చారని అధికార పార్టీ అంటే..స్వామి గౌడ్ యాక్టింగ్ సూపర్ అని హస్తం పార్టీ ఎద్దేవా చేసింది. గాయం కారణంగా చూపు తగ్గిందని టీఆర్ఎస్ చెబుతోంటే...రుజువు చేస్తే రాజీనామా చేస్తానని కోమటి రెడ్డి సవాల్ విసిరారు. మొత్తంగా అసెంబ్లీలో జరిగిన రభసతో పొలిటికర్ వెదర్ హీటెక్కింది.