Murali Mohan

మన వూరి పాండవులు

Submitted by arun on Tue, 10/30/2018 - 17:03

కొన్ని సినిమాలు కలకాలం అలా నిలిచిపోతాయి..అలా నిలిచిపోయిన మరో చిత్రమే.. మన వూరి పాండవులు .మన వూరి పాండవులు బాపు దర్శకత్వంలో, ముళ్ళపూడి వెంకటరమణ రచయితగా కృష్ణంరాజు, మురళీమోహన్, చిరంజీవి, ప్రసాద్ బాబు, రావుగోపాలరావు ప్రధానపాత్రల్లో నటించిన 1978 నాటి తెలుగు చలనచిత్రం. ఈ సినిమా మహాభారతానికి ఆధునిక కథనం. మొదట ఈ సినిమాను పుట్టణ్ణ కణగాల్ కన్నడలో పడువారళ్ళి పాండవరు పేరుతో తీశాడు. బాపు ఈ సినిమాను తెలుగుతో పాటు హిందీలో సంజీవ్ కుమార్, మిథున్ చక్రవర్తి మొదలైన వారితో హమ్‌ పాంచ్ పేరుతో పునఃసృష్టించాడు. శ్రీ.కో.

పొరపాటున నోరు జారాను...క్షమించండి: ఎంపీ మురళీమోహన్

Submitted by arun on Sat, 06/23/2018 - 15:22

‘వెంకటేశ్వర స్వామిని వెంకన్న చౌదరి అని పొరపాటుగా మాట్లాడినందుకు ఆయనను క్షమించు స్వామీ అని వేడుకున్నాను’ అని తెలిపారు టీడీపీ ఎంపీ మురళీమోహన్. ఈ ఉదయం ఆయన తిరుమల శ్రీవేంకటేశ్వరస్వామి వారిని దర్శించుకున్నారు. అనంతరం మీడియాతో మాట్లాడుతూ.. ‘ కావాలని నేను మాట్లాడలేదు. పొరపాటు జరిగింది అంతే. ఆ మాటను పట్టుకుని చాలా మంది సోషల్ మీడియాలో రచ్చ చేశారు. నా పొరపాటుకు చింతిస్తూ స్వామిని క్షమించమని వేడుకున్నాను ’ అని ఆవేదన వ్యక్తం చేశారు. దేవుడికి కులాన్ని అంటగట్టే వ్యక్తిని కాదని స్పష్టం చేశారు. ఈ విషయంలో భక్తులంతా తనను క్షమించాలని ఎంపీ మురళీమోహన్ కోరారు.

శ్రీరెడ్డిపై మురళీమోహన్ హాట్ కామెంట్

Submitted by arun on Thu, 04/19/2018 - 14:45

శ్రీరెడ్డి అర్ధనగ్న దీక్షను ఎంపీ మురళీమోహన్‌ తప్పుబట్టారు. క్రమశిక్షణ లేనివారికి 'మా' సభ్యత్వం ఇవ్వరని స్పష్టం చేశారు. తానే ‘మా’ అసోసియేషన్ ప్రెసిడెంట్ అయితే.. శ్రీరెడ్డికి ఎట్టిపరిస్థితుల్లోనూ సభ్యత్వం ఇవ్వనని తేల్చిచెప్పారు. క్రమశిక్షణ కల్గిన వాళ్లకే మా లో సభ్యత్వం ఉంటుందని ఆయన ఇవాళ రాజమండ్రిలో వ్యాఖ్యానించారు. నగ్న ప్రదర్శనలు చేయడం భారతీయ సంస్కృతి కాదని మురళీ మోహన్ అన్నారు.