Coimbatore

జనం మీద దూసుకెళ్లినకారు…ఏడుగురు మృతి

Submitted by arun on Wed, 08/01/2018 - 14:09

తమిళనాడులోని కోయంబత్తూరులో బుధవారం ఉదయం ఘోర రోడ్డు ప్రమాదం చోటు చేసుకుంది. సుందరాపురం సమీపంలో ఒక కారు వేగంగా వచ్చి జనం మీదకు దూసుకెళ్లింది. ఈ ప్రమాదంలో ఏడుగురు అక్కడికక్కడే మృతి చెందారు. మృతుల్లో ముగ్గురు మహిళలు, ఇద్దరు కళాశాల విద్యార్థులు ఉన్నారు. మరో ఏడుగురు ఈ ప్రమాదంలో గాయపడ్డారు. గాయపడ్డ వారిని వెంటనే కోయంబత్తూరు ప్రభుత్వ ఆసుపత్రికి తరలించి చికిత్స అందిస్తున్నారు. అతివేగంతో దూసుకొచ్చిన కారు జనంపైకి వెళ్లడంతోనే ఈ ప్రమాదం జరిగినట్లు తెలుస్తోంది.

బీజేపీ ఆఫీస్‌పై పెట్రోల్ బాంబు దాడి

Submitted by arun on Wed, 03/07/2018 - 11:23

త్రిపురలో లెనిన్‌ విగ్రహాన్ని కూల్చివేసిన ఘటనను మరువకముందే తమిళనాడులోని వెల్లూర్‌లో పెరియార్‌ విగ్రహాన్ని కొందరు దుండగులు ధ్వంసం చేశారు. దీంతో ఇక్కడ కూడా ఆందోళనలు చోటుచేసుకున్నాయి. తమిళనాడుకు చెందిన బీజేపీ నేత హెచ్‌ రాజా కొన్ని గంటల క్రితం తన ఫేస్‌బుక్‌ ఖాతాలో ఓ పోస్టు చేశారు. లెనిన్‌ విగ్రహం లాగే సంఘ సంస్కర్త అయిన పెరియార్ రామస్వామి విగ్రహాన్ని కూడా తొలగించాలని ఆ పోస్టు సారాంశం. దీంతో ఈ పోస్టు చేసిన కొద్ది గంటలకే వెల్లూర్‌ మున్సిపల్‌ కార్పొరేషన్‌ కార్యాలయం ఆవరణలో ఉన్న పెరియార్‌ విగ్రహాన్ని ఆ పార్టీ కార్యకర్తలు ధ్వంసం చేశారు.