National

ఛత్తీస్‌గఢ్‌లో ప్రారంభమైన తొలిదశ ఎన్నికల పోలింగ్‌

Submitted by arun on Mon, 11/12/2018 - 10:08

ఛత్తీస్‌గఢ్‌లో తొలిదశ పోలింగ్ జరుగుతోంది. మొత్తం 18 నియోజకవర్గాల్లో ఉదయం నుంచి ఓటింగ్ కొనసాగుతోంది. మావోయిస్టులకు కంచుకోట అయిన 8 జిల్లాల్లోని 18 స్థానాలకు జరుగుతున్న ఎన్నికల కోసం.. కట్టుదిట్టమైన భద్రతను ఏర్పాట్లు చేశారు. మావోయిస్టు ప్రభావిత ప్రాంతాల్లోని 10 నియోజకవర్గాల్లో ఉదయం 7 గంటలకు ప్రారంభమైన పోలింగ్  మధ్యాహ్నం 3 గంటల వరకు కొనసాగుతుంది. మిగతా 8 స్థానాల్లో సాయంత్రం 5 గంటల వరకు పోలింగ్‌ జరుగుతుంది.  దాదాపు 32 లక్షల మంది ఓటర్లు ఓటు హక్కును వినియోగించుకోబోతున్నారు.

బీజేపీలో తీవ్ర విషాదం : కేంద్రమంత్రి కన్నుమూత

Submitted by nanireddy on Mon, 11/12/2018 - 06:20

బీజేపీలో తీవ్ర విషాదం నెలకొంది. ఆ పార్టీ సీనియర్ నేత, ప్రస్తుతం పార్లమెంటరీ వ్యవహారాల శాఖామంత్రిగా కొనసాగుతున్న అనంతకుమార్‌ కన్నుముశారు. కొంతకాలం క్రితం అనారోగ్యానికి గురైన అనంతకుమార్  బెంగళూరులోని శంకర్ ఆసుపత్రిలో చికిత్స పొందుతున్నారు..... ఈ క్రమంలో ఈ తెల్లవారుజున 2 గంటలకు తుదిశ్వాస విడిచారు. గతంలో అమెరికాకు వెళ్లి క్యాన్సర్‌ చికిత్స తీసుకున్నారు అనంతకుమార్‌ కానీ ఫలితం లేకపోవడంతో... నెలరోజుల క్రితమే.. ఆయన బెంగుళూరులోని... శంకర ఆసుపత్రిలో చేరారు. శంకర ఆసుపత్రిలో నెలరోజులుగా.. చికిత్స తీసుకున్నా అనంతకుమారు... తెల్లవారుజామును కన్నుమూశారు. ఆయన వయస్సు 59 ఏళ్లు.

ఢిల్లీలో కాంగ్రెస్‌ ఆశావహుల ఆందోళన

Submitted by chandram on Sun, 11/11/2018 - 17:19

ఢిల్లీలో కాంగ్రెస్‌ ఆశావహుల ఆందోళనలు కొనసాగుతున్నాయి. టికెట్ల కేటాయింపులో ఎస్సీ అభ్యర్థులకు అన్యాయం జరుగుతోందని ఆరోపిస్తూ తెలంగాణభవన్‌వద్ద అంబేద్కర్‌ విగ్రహం ఎదుట దళిత నేతలు ఆందోళన చేపట్టారు. ప్యారాచూట్‌ నేతలకు సీట్లు కేటాయించొద్దని, పార్టీని నమ్ముకుని ఎన్నోఏళ్లుగా క్షేత్రస్థాయిలో పనిచేస్తున్నామని అన్నారు. నిన్నమొన్న పార్టీలోకి వచ్చినవారికి టికెట్లు ఇవ్వాలని చూస్తున్నారని, అభ్యర్థుల ఎంపికలో పారదర్శకత పాటించడంలేదని దళిత నేతలు ఆవేదన వ్యక్తం చేశారు.

గాలి జనార్దన్‌రెడ్డి అరెస్ట్‌

Submitted by chandram on Sun, 11/11/2018 - 14:05

కర్నాటక మైనింగ్ కింగ్‌, మాజీ మంత్రి గాలి జనార్ధన్ రెడ్డిని బెంగళూరు పోలీసులు అరెస్ట్ చేశారు. అంబిడెంట్ ముడుపుల కేసులో నిన్నసాయంత్రం నుంచి గాలిని ప్రశ్నిస్తున్న  బెంగళూరు సెంట్రల్ క్రైమ్ బ్రాంచ్ పోలీసులు కొద్దిసేపటి క్రితం అదుపులోకి తీసుకున్నారు. అనంతరం  విక్టోరియా ఆసుపత్రికి తరలించిన పోలీసులు గాలి జనార్ధన్ రెడ్డికి వైద్యపరీక్షలు నిర్వహించారు. అంబిడెంట్ సంస్ధ నుంచి తీసుకున్న57 కేజీల బంగారాన్ని ఏం చేశారు ? నగదు రూపంలో ఎక్కడెక్కడ మార్చారు ? అనే కోణంలో విచారణ జరిపినట్లు సమాచారం. 

ఛత్తీస్‌గఢ్‌లో మావోయిస్టుల కుట్ర భగ్నం

Submitted by chandram on Sun, 11/11/2018 - 10:26

మరో 24 గంటల్లో ఛత్తీస్‌గఢ్‌లో తొలి దశ పొలింగ్‌ ఉండగా మావోయిస్టులు భారీ విధ్వంసానికి సిద్ధమయ్యారు. కూంబింగ్ బలగాలే లక్ష్యంగా దంతేవాడ జిల్లాలో భారీ కుట్రకు వ్యూహరచన చేశారు. అయితే చివరి నిమిషంలో పోలీసులు గుర్తించడంతో మావోయిస్టుల కుట్రభగ్నమైంది. దంతేవాడ జిల్లాలోని అటవీ ప్రాంతంలో కూంబింగ్ బలగాలే లక్ష్యంగా  పదడుగులు గొయ్యి తవ్వి భారీగా మందుపాతరలను ఏర్పాటు చేశారు. కాలి బాటలో కూంబింగ్ చేస్తున్న పోలీసులకు భారీ మట్టి కుప్ప కనిపించడంతో అనుమానం వచ్చి చుట్టుపక్కల ప్రాంతాల్లో గాలించారు. సమీపంలో భారీ గొయ్యిని పోలీసులు గుర్తించారు. పెద్ద ఎత్తున పేలుడు పదార్ధాలు ఉండటంతో నిపుణుల సాయంతో నిర్వీర్యం చేశారు.

దూసుకొస్తున్న మరో తుఫాను.. ఆ ప్రాంతాలకు హెచ్చరిక..

Submitted by nanireddy on Sun, 11/11/2018 - 09:31

ఇప్పటికే టిట్లి తుఫాను మిగిల్చిన విషాదం అంతా ఇంతా కాదు.. ఈ తుఫాను ధాటికి శ్రీకాకుళం జిల్లా వాసులు కొంతమంది సర్వం కోల్పోయారు. ఈ క్రమంలో ఆంధ్రప్రదేశ్ తో పాటు తమిళనాడు రాష్ట్రాలకు మరో తుఫాను గండం పొంచివుందని వాతావరణ కేంద్రం వెల్లడిస్తోంది.  ఆగ్నేయ బంగాళాఖాతంలో మధ్య బంగాళాఖాతానికి ఆనుకుని కొనసాగుతున్న వాయుగుండం శనివారం సాయంత్రానికి తీవ్ర రూపం దాల్చించి. శనివారం రాత్రికి ఇది చెన్నైకి తూర్పు ఆగ్నేయంగా 1140, నెల్లూరుకు తూర్పు ఆగ్నేయంగా 1180 కిలోమీటర్ల దూరంలో కేంద్రీకృతమై ఉంది. ఇది గంటకు 25 కిలోమీటర్ల వేగంతో పయనిస్తోంది. ఇది ఆదివారం మరింత బలపడి  తుపానుగా మారనుంది.

మీకు తెలుసా..? మనదేశంలో తొలి ఓటు వేసింది ఈయనే..

Submitted by nanireddy on Sun, 11/11/2018 - 09:11

బ్రిటిష్ వారి పాలన పోయి దేశానికీ స్వాతంత్ర వచ్చిన తరువాత తొలిసారిగా  భారత దేశానికీ లోక్‌సభ ఎన్నికలు 1951-52 కాలంలో జరిగాయి. దేశంలోని ఇతర రాష్ట్రాల కంటే 5 నెలల ముందే హిమాచల్‌ ప్రదేశ్‌ రాష్ట్రంలో లోక్‌సభ ఎన్నికలు జరిగాయి. మంచు ప్రభావిత ప్రాంతం కావడం, ప్రతికూల వాతావరణ పరిస్థితులు ఉండటంతో ముందస్తుగా అక్కడ పోలింగ్ జరిగింది.  అప్పట్లో తొలి ఓటువేసిన పౌరుడి పేరు శ్యామ్‌ శరణ్‌ నేగి. హిమాచల్‌ ప్రదేశ్‌లోని కల్ప జిల్లాకు చెందిన నేగి 1917 జూలై 1న జన్మించారు.

బెంగళూరు పోలీసులకు లొంగిపోయిన గాలి జనార్దన్ రెడ్డి

Submitted by arun on Sat, 11/10/2018 - 16:45

బీజేపీ నేత, కర్నాటక మాజీ మంత్రి గాలి జనార్దన్‌రెడ్డి అజ్ఞాతం వీడారు. బెంగళూర్‌ క్రైమ్‌ బ్రాంచ్‌కి వెళ్లి పోలీసుల ముందు లొంగిపోయారు. అంతకుముందు ఆయన మీడియాతో మాట్లాడుతూ తనపై నిరాధారమైన ఆరోపణలు చేస్తున్నారని చెప్పారు. తాను పరారీలో లేనన్నారు. తాను విచారణకు సహకరిస్తానని తెలిపారు. జనార్దన రెడ్డి తనతో పాటు న్యాయవాదులను కూడా  తీసుకొచ్చారు. అంబిడెంట్‌ స్కామ్‌ కేసులో ఆరోపణలు ఎదుర్కొంటున్న గాలిని పోలీసులు విచారించనున్నారు. అంబిడెంట్‌ స్కామ్‌లో ఈడీ అధికారికి గాలి జనార్దన్‌రెడ్డి లంచం ఇచ్చినట్లు ఆరోపణలు ఉన్నాయి. ఈడీ రైడ్స్‌ నుంచి అంబిడెంట్‌ కంపెనీని రక్షించేందుకు భారీ డీల్‌ కుదుర్చుకున్న గాలి....

ఢిల్లీకి అసమ్మతి సెగలు

Submitted by arun on Sat, 11/10/2018 - 13:08

కాంగ్రెస్‌ నేతల నిరసనలతో ఢిల్లీ మార్మోగుతోంది.తెలంగాణ భవన్‌ అంబేద్కర్‌ విగ్రహం వద్ద కాంగ్రెస్‌ ఆశావహులు ఆందోళనకు దిగారు.  సీట్ల కేటాయింపుల్లో బీసీలకు అన్యాయం జరుగుతోందని  నిరసనకు దిగారు. ఈ నిరసన కార్యక్రమంలో నల్గొండ వర్కింగ్‌ ప్రెసిడెంట్‌ శ్రీనివాస్‌యాదవ్‌,  ఓబీసీ సెల్‌ కన్వీనర్‌ అశోక్‌గౌడ్‌, పీసీసీ మాజీ కార్యదర్శి రాపోలు జయప్రకాశ్‌, యూత్‌ కాంగ్రెస్‌ స్టేట్‌ జనరల్‌ సెక్రటరీ సతీష్‌గౌడ్‌ పాల్గొన్నారు. బీసీలకు 40 సీట్లు, బీసీ నేతలకే సీఎం పదవి ఇవ్వాలని డిమాండ్‌ చేశారు.

తృటిలో తప్పిన ప్రమాదం : విమానం ఎమర్జెన్సీ ల్యాండింగ్‌

Submitted by nanireddy on Sat, 11/10/2018 - 09:30

76మంది ప్రయాణీకులతో బయలుదేరిన  ఇండిగో విమానం తృటిలో ప్రమాదం నుంచి తప్పించుకుంది. దాంతో కోలకతా విమానాశ్రయంలో శుక్రవారం సాయంత్రం 8.30 గంటలకు  ఎమర్జెన్సీ  ల్యాండ్‌ అయింది. శుక్రవారం గువహటికి వెళ్లా‍ల్సిన విమానంలో సాంకేతిక లోపం ఎదురైంది. టేకాఫ్‌ తీసుకున్నకొన్నినిమిషాల్లోనే ఫైలెట్లకు ఈ విషయం అర్ధమైంది. దాంతో  అత్యవసరం ల్యాండ్‌ కు ఉపక్రమించారు. ఈ విషయాన్నీ  కోలకతా నేతాజీ సుభాష్ చంద్రబోస్  అంతర్జాతీయ విమానాశ్రయం అధికారులు దృవీకరించారు.  కాక్‌పిట్లో పొగ అలారం మోగడంతో లోపాన్ని గుర్తించినట్టు వారు చెప్పారు. పైలట్‌ల అప్రతమత్తతో ఎవరికీ ఎలాంటి ప్రమాదం జరగలేదు. దీంతో ప్రయాణీకులు ఊపిరి పీల్చుకున్నారు.