Mobile phone

ఉప్పల్‌లో దారుణం...సెల్‌ ఫోన్‌ కోసం స్నేహితుడి హత్య

Submitted by arun on Mon, 07/16/2018 - 15:14

హైదరాబాద్ ఉప్పల్‌లో దారుణం జరిగింది. సెల్‌ఫోన్ కోసం ఫ్రెండ్‌ను అతి దారుణంగా చంపేశాడు ఓ యువకుడు. పోలీసులు తెలిపిన వివరాల ప్రకారం..ఓల్డ్‌ రామాంత్‌పూర్‌కు చెందిన ప్రేమ్‌, సాగర్‌ మిత్రులు. ఇద్దరూ ఈ నెల 13న ఆడుకుంటున్న సమయంలో ప్రేమ్‌ వద్ద ఉన్న సెల్‌ ఫోన్‌ను సాగర్‌ చూశాడు. తనకి ఇవ్వమని కోరగా ప్రేమ్‌ నిరాకరించాడు. ఈక్రమంలో మరుసటి రోజు లాంగ్‌ డ్రైవ్‌ పేరుతో  ప్రేమ్‌ను తీసుకెళ్లిన సాగర్‌.. అతడిని కిడ్నాప్‌ చేశాడు. మొబైల్‌ ఫోన్‌ తీసుకుని.. ప్రేమ్‌ను ఆదిభట్ల ప్రాంతంలో పెట్రోల్‌ పోసి కాల్చేశాడు. ఆ మృతదేహాన్ని చూసిన వారు పోలీసులకు సమాచారం ఇవ్వడంతో వారు రంగంలోకి దిగి కేసును ఛేదించారు.

నోకియా ఫోను పేలి యువతి మృతి

Submitted by arun on Sat, 03/17/2018 - 12:51

ఛార్జింగ్‌ పెట్టి ఫోన్‌ మాట్లాడితే, మొబైల్స్‌ పేలిపోతున్న సంఘటనలు ఇటీవల తరచూ జరుగుతున్నాయి. కొన్ని సంఘటనల్లో చనిపోయిన సందర్భాలు కూడా ఉన్నాయి. అయినప్పటికీ చాలా మంది ఇప్పటికీ ఫోన్‌కు ఛార్జింగ్‌ పెట్టే మాట్లాడుతూనే ఉన్నారు. ఇదే మాదిరిగా ఒడిశాలో ఓ షాకింగ్‌ ఘటన జరిగింది. ఒడిశాలో జర్సుగుడ జిల్లాలో లైకెరా పోలీసు స్టేషన్‌ పరిధిలో 18 ఏళ్ల యువతి మొబైల్‌ ఛార్జింగ్‌ పెట్టి, ఫోన్‌ మాట్లాడుతుండగా దాన్ని బ్యాటరీ ఒక్కసారిగా పేలిపోయింది. ఈ ఘటనలో ఆమె అక్కడిక్కడే ప్రాణాలు విడిచింది. మృతురాలు ఉమా ఓరమ్‌గా సంబంధిత వర్గాలు తెలిపాయి.

మొబైల్ నెంబర్లలో సంచలనాత్మక మార్పులు

Submitted by arun on Thu, 02/22/2018 - 10:43

ఇన్నేళ్లూ మొబైల్ నెంబర్ ఎంతంటే.. 10 అంకెలు చెబుతూ వచ్చాం. ఇక నుంచి 13 అంకెల నెంబర్ చెప్పాలి. అవును.. 2018, జూలై 1 నుంచి కొత్త సిరీస్ రాబోతోంది. కేంద్ర టెలికాం శాఖ సంచలన నిర్ణయం మేరకు జూలై 1 నుంచి కొత్తగా సిమ్ కార్డ్ తీసుకునే వారికి ఈ నెంబర్లు ఇస్తారు. మొబైల్ టూ మొబైల్ కస్టమర్లకు 13 అంకెల కొత్త సిరీస్ నెంబర్ ఇవ్వనున్నారు. అన్ని టెలికాం కంపెనీలకు ఇప్పటికే ఆదేశాలు జారీ అయ్యాయి.