Cell Tower

ఏపీకి ప్రత్యేక హోదా ఇవ్వాలంటూ సెల్‌ టవర్‌ ఎక్కిన విజయ్‌ భాస్కర్‌

Submitted by arun on Sat, 08/11/2018 - 13:21

ఏపీకి ప్రత్యేక హోదా ఇవ్వాలంటూ రోజురోజుకు ఆందోళనలు ఉధృతమవుతున్నాయి. తాజాగా అనంతపురం జిల్లా ధర్మవరంలో  ప్రత్యేక హోదా కోసం ఓ యువకుడు ప్రాణత్యాగానికి సిద్ధమయ్యాడు.  పట్టణానికి చెందిన  పెనుబోలు విజయ్‌భాస్కర్ అనే యువకుడు రూరల్ పోలీస్ స్టేషన్‌ సమీపంలోని టవర్ ఎక్కాడు. ప్రత్యేక హోదా కోసం తాను ఆత్మహత్యకు సిద్ధమైనట్టు రాసిన లేఖను పోలీసులు స్వాధీనం చేసుకున్నారు. టవర్‌పైనున్న భాస్కర్‌ను కిందకు దింపేందుకు పోలీసులు ప్రయత్నాలు ప్రారంభించారు. రాష్ట్ర విభజన సమయంలో సమైక్యాంధ్ర కోసం పోరాడినా ఫలితం దక్కలేదని  ఇప్పుడు ప్రత్యేక హోదా కూడా రాకపోతే ఎలాగంటూ విజయ్‌ భాస్కర్ తన లేఖలో ప్రశ్నించారు. 

ప్రియుడు మోసం చేయడంతో సెల్‌ టవర్‌ ఎక్కిన యువతి...

Submitted by arun on Fri, 07/13/2018 - 14:36

నల్లగొండ జిల్లా వలిగొండలో జ్యోతి అనే యువతి టవరెక్కింది.  ప్రేమించిన వ్యక్తితో పెళ్లి చేయాలని డిమాండ్ చేస్తూ నిరసనకు దిగింది. యాదాద్రి జిల్లా భువనగిరి మండలం చందుపట్ల గ్రామానికి చెందిన పల్లపు జ్యోతి, వలిగొండ మండల కేంద్రానికి చెందిన రావుల భాస్కర్ గత కొంతకాలం నుంచి ప్రేమించుకుంటున్నారు. అయితే ప్రేమ అన్నప్పుడు తనతో సరదాగా సమయం గడిపిన ప్రియుడు పెళ్లి మాట ఎత్తేసరికి దూరంగా ఉంటున్నాడు. పెళ్లి చేసుకోవాలని భాస్కర్‌ను గట్టిగా నిలదీయడంతో అందుకు అతడు నిరాకరించాడు. పోలీస్ స్టేషన్లో ఫిర్యాదు చేసినా ప్రయోజనం లేదని యువతి వాపోయారు. ఇంకో పెళ్లికి సిద్ధపడుతున్నాడని ఆరోపిస్తూ..

భార్య కాపురానికి రావటం లేదంటూ సెల్ టవర్ ఎక్కిన భర్త

Submitted by arun on Sat, 02/17/2018 - 14:41

భార్య కాపురానికి రావటం లేదంటూ భర్త ...సెల్ టవర్ ఎక్కి హల్ చల్ చేశారు. భద్రాద్రి కొత్తగూడెం జిల్లా అయ్యన్నపాలెం గ్రామానికి చెందిన రాధాకృష‌్ణ..కవితను రెండో వివాహం చేసుకున్నారు. భర్తతో గొడవపడి భార్య పుట్టింటికి వెళ్లిపోయింది. మనోవేదన చెందిన భర్త...పెనుబల్లి మండలంలోని సెల్ టవర్ ఎక్కాడు. కిందకు దూకి ఆత్మహత్య చేసుకుంటానని బెదిరించాడు. ఘటనస్థలి వద్దకు పోలీసులు వచ్చారు. సెల్ టవర్ ఎక్కిన రాధాకృష్ణకు అతడి భార్యతో సెల్ ఫోన్ లో మాట్లాడించి కిందకు దించారు. సుమారు 4 గంటలపాటు సాగిన హై డ్రామాకు పుల్ స్టాప్ పడింది.