vijayasai reddy

వెంకయ్యకు క్షమాపణలు చెప్పిన విజయసాయిరెడ్డి

Submitted by arun on Wed, 07/25/2018 - 14:28

వైసీపీ ఎంపీ విజయసాయి రెడ్డి రాజ్యసభకు క్షమాపణలు చెప్పారు. ఏపీ విభజన చట్టంపై రాజ్యసభలో జరిగిన చర్చ సందర్భంగా తాను ప్రవర్తించిన తీరుకు విజయసాయిరెడ్డి ఆవేదన వ్యక్తం చేశారు. విజయసాయిరెడ్డి మాట్లాడుతున్న సమయంలో సమయం అయిపోయిందంటూ ఛైర్మన్‌ వెంకయ్యనాయుడు ఆయన్ని నిలువరించారు. దీంతో విజయసాయిరెడ్డి తీవ్రంగా స్పందించారు. ఛైర్మన్‌ ఏకపక్షంగా వ్యవహరిస్తున్నారంటూ వెల్‌లోకి దూసుకెళ్లారు. విజయసాయి తీరును విపక్ష సభ్యులందరూ తప్పుబట్టారు. ఛైర్మన్‌పై అమర్యాదకరంగా ప్రవర్తించిన విజయసాయిరెడ్డి క్షమాపణలు చెప్పడానికి ఎందుకు వెనకాడుతున్నారని నిలదీశారు.

చంద్రబాబుకు రెండు ప్రశ్నలను సంధించిన విజయసాయిరెడ్డి

Submitted by arun on Mon, 07/23/2018 - 12:56

వైసీపీ ఎంపీ విజయసాయిరెడ్డి మరోసారి ముఖ్యమంత్రి చంద్రబాబుపై విరుచుకుపడ్డారు. ప్రత్యేక హోదా వద్దు ప్యాకేజీయే ముద్దంటూ కేంద్రానికి కృతజ్ఞతలు చెబుతూ అసెంబ్లీలో చేసిన ధన్యవాద తీర్మానాన్ని ఉపసంహరించుకున్నారా? అంటూ ప్రశ్నించారు. అలాగే ప్యాకేజీకి చట్టబద్ధత కల్పించాలంటూ కేంద్రానికి పంపిన అసెంబ్లీ తీర్మానాన్ని కూడా విత్‌ డ్రా చేసుకున్నారా? అంటూ చంద్రబాబును ప్రశ్నించారు. ఇవేమీ ఉపసంహరించుకోకుండా  కేంద్రంపై పోరాటమంటూ డ్రామాలు ఆడుతున్నారా? అంటూ విరుచుకుపడ్డారు.

వైసీపీ ‘టాస్క్‌ఫోర్స్‌’లో మోత్కుపల్లి.. రేపట్నుంచే ఆపరేషన్!

Submitted by arun on Fri, 06/15/2018 - 12:07

ఏపీ ప్రధాన ప్రతిపక్షం వైసీపీ ‘ఆపరేషన్ చంద్రబాబు’ను వేగవంతం చేసింది. తెలుగుదేశం బహిష్కృత నేత మోత్కుపల్లి నర్సింహులును వైసీపీ ఎంపీ విజయసాయిరెడ్డి కలిశారు. హైదరాబాద్‌లో మోత్కుపల్లి ఇంటికి వచ్చిన విజయసాయి... మోత్కుపల్లితో ప్రత్యేకంగా భేటీ అయ్యారు. చంద్రబాబుకి వ్యతిరేకంగా ఏపీలో పర్యటిస్తానన్న మోత్కుపల్లితో విజయసాయి సమావేశం కావడం హాట్‌ టాపిక్‌గా మారింది. ఈ భేటీలో కూడా మోత్కుపల్లి తిరుమల పర్యటనపైనే చర్చించినట్లు తెలుస్తోంది. అయితే మోత్కుపలిని విజయసాయి మర్యాదపూర్వకంగా కలిశారంటున్న వైసీపీ.... చంద్రబాబుకి వ్యతిరేకంగా ఎవరు ముందుకొచ్చిన కలిసి పనిచేస్తామని చెబుతోంది.

మంత్రి గంటా మాతో టచ్‌లో ఉన్నారు: విజయసాయి రెడ్డి

Submitted by arun on Wed, 05/23/2018 - 15:40

ఏపీ మంత్రి గంటా శ్రీనివాసరావుపై వైసీపీ ఎంపీ విజయసాయిరెడ్డి తీవ్ర వ్యాఖ్యలు చేశారు. గంటాను గోడ మీద పిల్లిలా పోల్చారు. గంటాకు డబ్బే ప్రధానమని, ఏ పార్టీ అధికారంలోకి వస్తుందనుకుంటే ఆ పార్టీలోకి జంప్ అయిపోతారని తీవ్ర వ్యాఖ్యలు చేశారు. ఆయనకు డబ్బే ప్రధానమని, నీతి నియమాలు లేని గంటా కనీసం విమర్శించేందుకు కూడా అర్హుడు కారని అన్నారు. గతంలో ఎన్నో పార్టీలు మారిన గంటా ఇప్పుడు వైఎస్సార్‌ కాంగ్రెస్‌ పార్టీలోకి మారడానికి సంప్రదింపులు జరుపుతున్నట్లు వెల్లడించారు. నీతి లేని గంటాకు తమను విమర్శించే అర్హత లేదని అన్నారు.

విజ‌య్ సాయిరెడ్డిపై దండెత్తిన ఐఏఎస్ లు

Submitted by arun on Wed, 02/21/2018 - 12:30

వైసీపీ ఎంపీ విజయసాయి రెడ్డిపై ఐఏఎస్ అధికారుల సంఘం ఆగ్రహం వ్యక్తం చేసింది. సీఎం చంద్రబాబు ప్రత్యేక కార్యదర్శి సతీష్ చంద్రపై విజయసాయి అనుచిత వ్యాఖ్యలు చేయడంపై మండిపడింది. ఇటీవల విజసాయి రెడ్డి సతీష్ చంద్రపై అసత్య ఆరోపణలు చేశారంటూ ఐఏఎస్ అధికారుల సంఘం తప్పు పట్టింది అధికారులకు రాజకీయాలు అంటకట్టవద్దని హితవు పలికిన ఐఏఎస్ అధికారులు... పరిపాలన సజావుగా సాగాలంటే ఇలాంటివి మానుకోవాలని సూచించింది.

రాజ్యసభలో పాయింట్ ఆఫ్ ఆర్డర్ లేవనెత్తిన విజయసాయిరెడ్డి

Submitted by arun on Thu, 02/08/2018 - 17:47

ఈ మధ్య కాలంలో అరుదుగా వినిపిస్తున్న పాయింట్ ఆఫ్ ఆర్డర్ ను వైసీపీ ఎంపీ విజయసాయిరెడ్డి రాజ్యసభలో లేవనెత్తారు. టీడీపీ ఎంపీ సుజనాచౌదరి మంత్రివర్గంలో ఉంటూ నిరసన తెలపడంపై విజయసాయి పాయింట్ ఆఫ్ ఆర్డర్ లేవనెత్తారు. కేబినెట్ నిర్ణయంతో విభేదించిన మంత్రిని రాజ్యసభలో ఎలా మాట్లాడనిస్తారని విజయసాయి ప్రశ్నించగా.. కేంద్రమంత్రులు సలహాలు ఇవ్వొచ్చని, సుజనా మాటలు కేబినెట్‌ నిర్ణయానికి వ్యతిరేకం కాదని ఛైర్మన్‌ వెంకయ్యనాయుడు రూలింగ్ ఇచ్చారు.