AP bandh

ఎమ్మెల్యే రోజా అరెస్ట్.. ప్రభుత్వంపై నిప్పులు చెరిగిన ఎమ్మెల్యే

Submitted by arun on Tue, 07/24/2018 - 10:33

ఏపీకి ప్రత్యేక హోదా కోసం... వైసీపీ బందులో ఆ పార్టీ నాయకురాలు ఎమ్మెల్యే రోజాను ముందస్తు అరెస్ట్‌ చేశారు. చిత్తూరు జిల్లా నగరి నియోజకవర్గంలోని పుత్తూరు పోలీస్‌‌లు రోజాను స్టేషన్‌కి తరలించారు. అరెస్ట్‌ సందర్భంగా కొద్దిసేపు కార్యకర్తలు స్టేషన్‌ ముందు ధర్నా చేపట్టారు. అయితే 144 సెక్షన్‌లో భాగంగా కార్యకర్తలని పోలీసులు చెదరగొట్టారు. అంతకన్నా ముందు నెల్లూరు ఎమ్మెల్యే నారాయణస్వామిని కూడా అరెస్ట్‌ చేశారు. ప్రత్యేక హోదా కోసం బంద్ పాటిస్తుంటే అరెస్టులు చేయటం సిగ్గుచేటని రోజా నిప్పులు చెరిగారు. చంద్రబాబు ఆదేశాలతో పోలీసులు ఉద్యమాన్ని అణచి వేయాలని చూడటం నీచమైన చర్య అని మండిపడ్డారు.

టీడీపీ ఎంపీలందరూ రాజీనామా చేయాలి

Submitted by arun on Sat, 07/21/2018 - 13:26

ప్రత్యేక హోదాను వద్దనడానికి చంద్రబాబు ఎవరని వైసీపీ అధినేతే జగన్ ప్రశ్నించారు. హోదా వద్దని, ప్యాకేజీ అంగీకరించే హక్కు ముఖ్యమంత్రికి ఎక్కడిదని నిలదీశారు. బీజేపీపై యుద్ధం చేస్తున్నానంటున్న చంద్రబాబు చేతల్లో మాత్రం దానికి విరుద్ధంగా వ్యవహరిస్తున్నారని తప్పు పట్టారు. వైసీపీ ఎంపీల లాగే టీడీపీ ఎంపీలు కూడా రాజీనామా చేయాలని జగన్ డిమాండ్ చేశారు. ఏపీపై కేంద్ర ప్రభుత్వం అనుసరిస్తున్న వైఖరికి నిరసిస్తూ మంగళవారం జగన్..ఏపీ బంద్‌‌కు పిలుపునిచ్చారు.

ఏపీలో స్తంభించిన జనజీవనం!

Submitted by arun on Thu, 02/08/2018 - 10:41

బడ్జెట్ లో ఆంధ్రప్రదేశ్ కు అన్యాయం జరిగిందని ఆరోపిస్తూ, వెంటనే న్యాయం చేయాలని డిమాండ్ చేస్తూ వామపక్ష పార్టీలు ఇచ్చిన పిలుపుమేరకు బంద్ కొనసాగుతోంది. రాష్ట్రవ్యాప్తంగా ఉన్న అన్ని డిపోల ఎదుటా బైటాయించిన సీపీఐ, సీపీఎం నేతలు, బస్సులు బయటకు రాకుండా అడ్డుకున్నారు. రహదారులపై నిరసన తెలిపి ప్రైవేటు వాహనాలను కూడా ఎక్కడికక్కడ నిలిపేస్తుండటంతో జనజీవనం స్తంభించింది. ఈ బంద్‌కు వైసీపీ, జనసేన పార్టీలు కూడా మద్దతు తెలిపాయి.  పలు ప్రాంతాల్లో వ్యాపారులు స్వచ్ఛందంగానే తమ దుకాణాలను మూసివేయగా, ప్రజలు కూడా బంద్ లో పాల్గొంటున్నారు. అత్యవసర వాహనాలు మినహా మరే వాహనాలు రహదారులపై కనిపించడం లేదు. 

Tags

రేపు ప్రజాసంకల్పయాత్ర నిలుపుదల

Submitted by arun on Wed, 02/07/2018 - 15:09

వైఎస్‌ఆర్‌ కాంగ్రెస్‌ పార్టీ అధ్యక్షుడు వైఎస్‌ జగన్‌ మోహన్‌ రెడ్డి చేపట్టిన ప్రజాసంకల్పయాత్రకు రేపు (గురువారం) నిలుపుదల చేయనున్నట్లు ఆ పార్టీ బుధవారం ఓ ప్రకటన విడుదల చేసింది. రాష్ట్ర విభజన తర్వాత ఏపీకి జరుగుతున్న అన్యాయాలకు వ్యతిరేకంగా, ప్రత్యేక హోదా, విభజన హామీల సాధన కోసం వామపక్షాలు రేపు ఏపీ బంద్ కు పిలుపునిచ్చాయి. ఈ బంద్ కు మద్దతు ప్రకటిస్తున్నట్టు వైసీపీ ప్రకటించింది. రేపటి బంద్ కు సంఘీభావంగా పార్టీ అధ్యక్షుడు జగన్ తన పాదయాత్రను నిలుపుదల చేస్తున్నట్టు తెలిపింది. ఏపీ ప్రయోజనాల కోసం రాష్ట్ర ప్రజలంతా ఒక్క తాటిపై నిలబడాలని, రేపటి బంద్ ను విజయవంతం చేయాలని వైసీపీ కోరింది.