Rajnath Singh

ఏపీకి ప్రత్యేక హోదా ఇచ్చేది లేదని తేల్చిన మోడీ సర్కార్

Submitted by arun on Wed, 07/25/2018 - 11:37

అదే మాట,..అదే పాత పాట. కొత్త పలుకు ఒక్కటీ లేదు. ఆ ఒక్కటీ తప్ప...అన్న పాత పల్లవే పాడారు. రాజ్యసభలో ఏపీ సమస్యలపై జరిగిన చర్చ హాట్ హాట్‌గా సాగినా..ఒరిగిందేమీ లేదు. ఏపీకి ప్రత్యేక హోదా ఇచ్చేది లేదని మరోసారి కేంద్రం తేల్చి పడేసింది. నెపం 14 ఆర్థిక సంఘం మీదకు నెట్టేసింది. ప్రత్యేక హోదా ఇవ్వడానికి 14 ఆర్థిక సంఘం సిఫార్పులే అడ్డని తప్పించుకునే యత్నం చేసింది. 

చంద్రబాబు మాకు మిత్రుడే: రాజ్‌నాథ్ సింగ్

Submitted by arun on Fri, 07/20/2018 - 17:51

రెండు ఎంపీ స్థానాల నుంచి సొంతంగా ప్రభుత్వాన్ని ఏర్పాటు చేసే స్థాయికి ఎదిగామన్నారు కేంద్ర హోం మంత్రి రాజ్‌నాథ్‌ సింగ్‌. అతి విశ్వాసం ఎప్పుడు మంచిది కాదన్న ఆయన యూపీఎ ప్రభుత్వంపై తామెన్నడూ అవిశ్వాసం ప్రవేశపెట్టలేదన్నారు. భారత్ ఖ్యాతిని మోడీ ప్రపంచస్థాయికి తీసుకెళ్లారన్న ఆయన మోడీ పిలుపుతో లక్షలాది మంది గ్యాస్‌ సబ్సిడీని వదులుకున్నారని స్పష్టం చేశారు. ప్రభుత్వంపై ఎవరైనా అవిశ్వాసం పెట్టవచ్చన్న ఆయన ప్రభుత్వానికి వ్యతిరేకంగా విపక్షాలు బలవంతంగా ఏకమయ్యాయని రాజ్‌నాథ్‌ సింగ్‌ విమర్శించారు. ఏపీ సీఎం చంద్రబాబు తమకు ఎప్పటికీ మిత్రుడే అన్నారు కేంద్ర హోంమంత్రి రాజ్‌నాథ్ సింగ్.

యూపీ సీఎంగా రాజ్‌నాధ్?

Submitted by arun on Sat, 06/02/2018 - 13:32

ఎన్నో ఆశలు, మరెన్నో అంచనాలతో సీఎం పీఠం ఎక్కారు యోగి. కానీ అవన్నీ తాటాకుచప్పుళ్లేనని, ప్రభుత్వాసుపత్రుల్లో చిన్నపిల్లల మరణ మృదంగంతో తేలిపోయింది. గోరఖ్‌పూర్‌ ప్రభుత్వాసుపత్రిలో ఆక్సిజన్ అందక కొందరు, మెదడువాపు వ్యాధితో మరికొందరు పిల్లలు, పిట్టల్లా రాలిపోయారు. 42 గంటల్లో 42 మంది కన్నుమూశారు. కేవలం కొన్ని నెలల వ్యవధిలోనే 323 మంది పిల్లలు చనిపోయారు. ఆక్సిజన్‌ సిలిండర్ల బకాయిలు  చెల్లించకపోవడంతో, చిన్నారులు ఊపిరందక చనిపోయారు. ఏదో చేస్తాడని భావించిన యోగి ఆదిత్యనాథ్‌‌, పాలన ఇంతేనా అని పిల్లలు పోగొట్టుకున్న తల్లులు రోదించారు.

రాజ్‌నాథ్ సింగ్‌తో వైఎస్‌ఆర్‌సీపీ ఎంపీల భేటీ

Submitted by arun on Wed, 02/07/2018 - 11:18

వైయస్సార్ కాంగ్రెస్ పార్టీ ఎంపీలు ఉదయం కేంద్ర హోంమంత్రి రాజ్‌నాథ్ సింగ్‌ను కలిశారు. విభజన హామీలను అమలు చేయాలని వారు హోంమంత్రికి విజ్ఞప్తి చేశారు. వైసీపీ ఎంపీల డిమాండ్ పై రాజ్ నాథ్ సానుకూలంగా స్పందించినట్టు తెలిసింది. ఈ భేటీలో ఎంపీలు వైవీ సుబ్బారెడ్డి, విజయసాయిరెడ్డి, వరప్రసాద్, అవినాష్ రెడ్డి, మిథున్ రెడ్డిలు పాల్గొన్నారు. టీడీపీ ఎంపీలు ఆందోళన ఉపసంహరించుకున్నా, పట్టువీడకుండా వైఎస్‌ఆర్‌సీపీ ఎంపీలు నిరసన కార్యక్రమాలు కొనసాగిస్తున్నారు.
 

రాజ్‌‌నాథ్‌ను కలిసిన టీడీపీ ఎంపీలు

Submitted by arun on Mon, 02/05/2018 - 17:36

టీడీపీ ఎంపీలు కేంద్ర హోంమంత్రి రాజ్‌నాథ్‌ సింగ్‌ను కలిశారు.  సాయంత్రం 4 గంటల సమయంలో ఎంపీలు రాజ్‌నాథ్‌ను కలిశారు. విభజన చట్టంలోని అంశాలపై రాజ్‌నాథ్‌తో చర్చించారు. ఏడాదిలోగా విభజన హామీలన్నీ అమలయ్యేలాగా చొరవ తీసుకోవాలని టీడీపీ ఎంపీలు రాజ్‌నాథ్‌ను కోరారు. ఈ భేటీలో కేంద్రమంత్రులు అశోకగజపతిరాజు, సుజనా చౌదరి, ఎంపీలు తోట నరసింహం, నిమ్మల కిష్టప్ప, రామ్మోహన్‌ నాయుడు పాల్గొన్నారు. కేంద్ర బడ్జెట్‌లో ఏపీకి జరిగిన అన్యాయంపై చర్చించనున్నారు. ఎంపీలందరూ సమావేశాల్లో పాల్గొనాల్సిన అవసరం లేదని, ఐదుగురు మాత్రమే సమావేశాల్లో పాల్గొంటే సరిపోతుందని సీఎం చంద్రబాబు ఎంపీలకు సలహా ఇచ్చారు.