Telangana

దాడికి ముందు కొబ్బరి బోండాల కత్తిని చోరీ చేసిన మనోహరాచారి

Submitted by arun on Fri, 09/21/2018 - 12:51

హైదరాబాద్‌లో కన్న కూతుర్ని కత్తితో తెగ నరికిన మనోహరాచారి...ఆ ఆయుధాన్ని ఓ కొబ్బరి బోండాల షాపు దగ్గర చోరీ చేశాడు. ఎర్రగడ్డలో కూతురు మాధవి, అల్లుడు సందీప్ పై దాడి చేయడానికి ముందు మనోహరాచారి ఆదే ప్రాంతంలో ఓ కొ్బ్బరి బోండాల షాపుకి బైక్‌పై వెళ్ళి కత్తిని దొంగిలించాడు. ఈ దశ్యాలు సీసీటీపీ కెమెరాల్లో రికార్డయ్యాయి. తర్వాత అదే కత్తిని బ్యాగ్‌లో పెట్టుకుని వెళ్ళి మాధవి, సందీప్‌పై విచక్షణా రహితంగా దాడి చేశాడు.

రాములమ్మ ది స్టార్‌ క్యాంపెనర్‌...కేసీఆర్‌కు దీటుగా...

Submitted by arun on Fri, 09/21/2018 - 11:34

ఫైర్‌ బ్రాండ్‌ రాములమ్మ, తెలంగాణ ఎన్నికల తెరపై ధూంధాం చేసేందుకు సిద్దమయ్యారు. మొన్నటి వరకు అలకపాన్పుపై ఉన్న విజయశాంతికి, స్టార్‌ క్యాంపెనర్‌గా బాధ్యతలు అప్పగించడంతో, ఇక చెలరేగిపోవాలని డిసైడయ్యారు. ఊరూవాడా తిరుగుతూ, కేసీఆర్‌కు దీటుగా విమర్శల బాణాలు సంధించాలని సిద్దమయ్యారు. మరి మొన్నటి వరకు సైలెంట్‌గా ఉన్న రాములమ్మ, ఇక తెలంగాణ పోరులో కాంగ్రెస్‌కు తురుపు ముక్కగా మారారా?

కేసీఆర్ రాక కోసం నేతల ఎదురుచూపు

Submitted by arun on Fri, 09/21/2018 - 11:21

కేసీఆర్ రాక కోసం వేయి కళ్లతో ఎదురు చూస్తున్నారు అభ్యర్థులు. ఒక్కసారి కేసీఆర్ ప్రచారానికి వస్తే అసమ్మతి కొలిక్కి రావడంతోపాటు తమకు బీ. ఫాం పక్కా అని అభ్యర్థులు నమ్ముతున్నారు. దీంతో వీలైనంత త్వరగా కేసీఆర్‌ను తమ నియోజకవర్గానికి రప్పించాలని చూస్తున్నారు నేతలు. స్వయంగా గులాబీ బాస్‌ను కలిసి ప్రచారానికి రావాలని విజ్ఞప్తులు చేస్తున్నారు. 

ప్రేమ గెలిచింది....అందరి ప్రార్థనలు ఫలించాయి

Submitted by arun on Fri, 09/21/2018 - 11:07

ప్రేమ గెలిచింది. కులాంతర వివాహం చేసుకున్న ప్రేమికుల్ని బలి తీసుకుందామనుకున్న పెద్దల యత్నం విఫలమైంది. తండ్రి కర్కశ దాడిలో గాయపడిన చావు బతుకుల్లో కొట్టుమిట్టాడిన మాధవి ప్రాణగండం నుంచి బయటపడింది. మరోవైపు అఘాయిత్యానికి మాధవి తండ్రికి కోర్టు రిమాండ్ విధించింది.

Tags

సొంత పార్టీ నేతలపై రాజగోపాల్‌రెడ్డి సంచలన వ్యాఖ్యలు...జైలుకి వెళ్ళొచ్చిన నేతలకు ...

Submitted by arun on Fri, 09/21/2018 - 10:45

తెలంగాణ కాంగ్రెస్‌లో ఎన్నికల కమిటీలు పెట్టిన చిచ్చు రగులుతూనే ఉంది. కమిటీల కూర్పుపై నేతలు పరస్పర విమర్శలు గుప్పించుకుంటున్నారు. తాజాగా కాంగ్రెస్‌ ఎమ్మెల్సీ కోమటిరెడ్డి రాజగోపాల్‌రెడ్డి సొంత పార్టీ నేతలపై సంచలన వ్యాఖ్యలు చేశారు. హైదరాబాద్ పెద్ద అంబర్ పేట దగ్గర ఓ ఫంక్షన్ హాల్లో కార్యకర్తల సమావేశంలో రాజగోపాల్‌రెడ్డి ఆవేశంగా మాట్లాడారు. జైలుకు వెళ్లొచ్చిన వారికి పదవులు ఇచ్చారన్న రాజగోపాల్‌రెడ్డి వార్డు మెంబర్‌గా కూడా గెలిచే సత్తా లేనివారికి కమిటీల్లో ప్రాధాన్యమిచ్చారని మండి పడ్డారు. తెలంగాణకు కుంతియా శనిలా తయారయ్యాడని వ్యాఖ్యానించారు.

మరో తాజామాజీ ఎమ్మెల్యేకు అసెంబ్లీ సీటు ప్రకటించిన కేసీఆర్

Submitted by nanireddy on Fri, 09/21/2018 - 08:24

 సాధారణ ఎన్నికలకు  తొమ్మిది నెలల సమయం ముందుగానే ప్రభుత్వాన్ని రద్దు చేసి ముందస్తు ఎన్నికలకు సిద్ధమయ్యారు తెరాస అధినేత కేసీఆర్. ప్రస్తుతం వ్యూహాలు సిద్ధం చేసే పనిలో పడ్డారు. ఇప్పటికే అన్ని పార్టీలు ప్రచార పర్వానికి తెరతీశాయి. త్వరలో గులాబీ దళం కూడా  ప్రచారానికి సిద్ధమవుతోంది.  50 రోజుల్లో 100 సభల నిర్వహణకు ముందుగా... ప్రతి జిల్లాలో ఒక బహిరంగ సభ నిర్వహించాలని కేసీఆర్ నిర్ణయించారు. ఈ నెల 25 తర్వాత 3, 4 అసెంబ్లీ నియోజకవర్గాలకు ఒకటి చొప్పన బహిరంగ సభలు నిర్వహించేలా ప్రణాళిక సిద్ధం చేశారు. ప్రతి సభకు లక్ష మందికి పైగా ప్రజలు హాజరయ్యేలా చూడాలని భావిస్తున్నారు.

వారిని చూడాలని కోరుకుంటున్న మాధవి

Submitted by nanireddy on Thu, 09/20/2018 - 19:44

ప్రేమ వివాహం చేసుకున్న కారణంగా తండ్రిలో చేతిలో పాశవికంగా దాడికి గురైన మాధవి ప్రస్తుతం క్షేమంగా ఉందని వైద్యులు హెల్త్ బులిటెన్ విడుదల చేశారు. ప్రస్తుతం ఆమె వెంటిలేటర్ మీద చికిత్స పొందుతున్నా క్రమంగా కోలుకుంటోందని అన్నారు.  కాగా మాధవి తన తల్లి, తమ్ముడిని చూడాలనుకుంటున్నట్టు ఎంఆర్పీఎస్ అధ్యక్షుడు మందా కృష్ణ మాదిగ తెలియజేశారు.   కూతురు ప్రేమ వివాహం చేసుకుందని కోపం పెంచుకున్న తండ్రి కత్తితో దాడికి పాల్పడ్డాడు. ఈ ఘటన ఎస్‌ఆర్‌ నగర్‌ పోలీస్‌ స్టేషన్‌ పరిధిలోని ఎర్రగడ్డ ప్రాంతంలో బుధవారం మధ్యాహ్నం చోటు చేసుకుంది.

మాధవి బతికి వస్తే చాలంటున్న సందీప్

Submitted by arun on Thu, 09/20/2018 - 17:37

తండ్రి చేసిన క్రూరమైన దాడిలో తీవ్రంగా గాయపడి హైదరాబాద్ యశోదా ఆస్పత్రిలో చికిత్స పొందుతున్న మాధవి పరిస్థితి ఇంకా విషమంగానే ఉంది. ఆమె చావు బతుకుల్లో కొట్టుమిట్టాడుతోంది. కూతురు కులాంతర వివాహం చేసుకుందన్న కారణంగా హైదరాబాద్ ఎర్రగడ్డలో నిన్న మనోహరాచారి చేసిన దాడిలో మాధవి మెడ, చేతిపై బలమైన గాయాలయ్యాయి. దీంతో ఆమెకు తీవ్రంగా రక్తస్రావం అయ్యింది. ప్రస్తుతం అపస్మారస్థితిలో ఉన్న మాధవి మృత్యువుతో పోరాడుతోంది.

నిజామాబాద్‌ రూరల్ బరిలో మండవ..?...కాంగ్రెస్ ఆశావాహుల్లో టెన్షన్

Submitted by arun on Thu, 09/20/2018 - 17:33

ఆ సీటు కోసం ఒకరు టీడీపీ నుంచి కాంగ్రెస్ లో చేరారు. మరొకరు ఎమ్మెల్సీగా ఉంటూ అధికార పార్టీని వీడి ఎమ్మెల్యేగా పోటీ చేయాలనే సంకల్పంతో హస్తం గూటికి వచ్చారు. కాంగ్రెస్ పార్టీనే నమ్ముకున్న మరో ఇద్దరు ముగ్గురు నేతలు ఆ టికెట్టు ఆశతో కష్టాల్లోనూ కాంగ్రెస్‌ను అంటిపెట్టుకుని గంపెడాశలు పెట్టుకున్నారు. కానీ అందరి ఆశలను అంచనాలను తారుమారు చేస్తూ పొత్తుల్లో భాగంగా ఆ సీటును టీడీపీ కోరుకుంటోంది. మాజీ మంత్రి మండవను బరిలోకి దింపాలని భావిస్తోంది. దాంతో కాంగ్రెస్‌ ఆశావాహుల్లో టెన్షన్ నెలకొంది.

కేసీఆర్ లా మాట తప్పే తత్వం కాంగ్రెస్ పార్టీకి లేదు

Submitted by arun on Thu, 09/20/2018 - 17:11

తెలంగాణ ముఖ్యమంత్రి కేసీఆర్ పై కాంగ్రెస్ నేత కోమటిరెడ్డి వెంకటరెడ్డి మరోసారి విమర్శలు గుప్పించారు. దళితుడిని ముఖ్యమంత్రిని చేస్తానని చెప్పడం దగ్గర నుంచి వంద హామీలను కేసీఆర్ ఇచ్చారని... ఇచ్చిన హామీలన్నింటినీ విస్మరించి, ప్రజలను నిలువునా మోసం చేశారని మండిపడ్డారు. కేసీఆర్ లా మాట తప్పే తత్వం కాంగ్రెస్ పార్టీకి లేదని అన్నారు. నాలుగేళ్ల పాలనలో రాష్ట్ర ప్రజలను కేసీఆర్ బానిసలుగా చూశారని విమర్శించారు. కేసీఆర్, టీఆర్ఎస్ పతనం నల్గొండ నుంచే ప్రారంభమవుతుందని చెప్పారు.