Meerut

అత్యాచారం చేసి, డ్రైవర్‌తో పెళ్లి చేయించిన బీజేపీ నేత

Submitted by arun on Mon, 07/30/2018 - 12:39

ఉత్తరప్రదేశ్‌లో దారుణం జరిగింది. మీరట్‌లో అధికార బీజేపీకి చెందిన ఓ నేత, తన డ్రైవర్‌తో కలిసి ఓ మహిళపై అత్యాచారం చేశాడు. ఆ తరువాత కేసు నుంచి తప్పించుకునేందుకు తన డ్రైవర్‌తో ఆ మహిళకు బలవంతంగా వివాహం జరిపించాడు. ఆరు నెలలు ఆమెతో కలిసి ఉన్న ఆ డ్రైవర్ తాజాగా వదిలేయడంతో పోలీసులను ఆశ్రయించింది ఆ బాధితురాలు. బీజేపీ నాయకుడు విక్కీతనేజా తన డ్రైవరు జైబ్ తో బాధిత మహిళ పెళ్లిని బలవంతంగా చేయించాడు. పెళ్లి అనంతరం ఆరునెలల తర్వాత బీజేపీ నేత డ్రైవరు బాధిత మహిళను వదిలి వెళ్లాడు. దీంతో బాధిత మహిళ పోలీసులకు ఫిర్యాదు చేసింది.

పట్టపగలే దారుణం...తల్లీకొడుకులపై కాల్పులు

Submitted by arun on Thu, 01/25/2018 - 12:32

ఉత్తర్‌ప్రదేశ్‌లో దారుణం జరిగింది. ముగ్గురు దుండగులు ఓ 60 ఏళ్ల వృద్ధురాలిని దారుణంగా కాల్చిచంపారు. తీవ్ర సంచలనం రేపిన ఈ ఘటన మీరట్‌లో జరిగింది. 60ఏళ్ల వృద్ధురాలు నిచేత్తర్‌ కౌర్‌ మరో మహిళతో కలిసి మంచంపై కూర్చుని కబుర్లు చెప్తోంది. ఇంతలో ఉన్నట్టుండి ముగ్గురు యువకులు తుపాకులతో వచ్చి నిచేత్తర్‌పై విచక్షణారహితంగా కాల్పులు జరిపారు. ఆమె శరీరంలోకి ఏకంగా పది బుల్లెట్లు దూసుకెళ్లాయి. దాంతో ఆమె అక్కడికక్కడే మృతిచెందింది. మృతురాలి పక్కనే ఉన్న మహిళను మాత్రం పారిపోమన్నారు. ఈ దారుణమంతా అక్కడే ఉన్న సీసీటీవీలో రికార్డు కావడంతో విషయం వెలుగులోకి వచ్చింది.