komatireddy venkat reddy

టీఆర్‌ఎస్‌ ఎమ్మెల్యేలకు ఎదురుదెబ్బ

Submitted by arun on Mon, 06/04/2018 - 16:34

టీఆర్ఎస్‌ ఎమ్మెల్యేలకు హైకోర్టులో చుక్కెదురయ్యింది. కాంగ్రెస్‌ ఎమ్మెల్యేలు కోమటిరెడ్డి వెంకట్‌రెడ్డి, సంపత్‌కుమార్‌ శాసనసభ సభ్యత్వాల రద్దుపై సింగిల్‌ బెంచ్‌ తీర్పును సవాల్‌ చేస్తూ టీఆర్ఎస్‌ ఎమ్మెల్యేలు వేసిన పిటిషన్‌‌ను డివిజన్ బెంచ్ తోసిపుచ్చింది. ఇప్పటికే కాంగ్రెస్‌ ఎమ్మెల్యేల సభ్యత్వం రద్దును కొట్టివేసిన హైకోర్టు.. తాజాగా అప్పీల్‌ పిటిషన్‌ను కూడా తిరస్కరించింది. టీఆర్ఎస్ పిటిషన్‌ విచారించ దగినదా.. లేదా.. అనేదానిపై వేసవి సెలవుల ముందు వాదనలు విన్న ధర్మాసనం.. ఇవాళ తీర్పునిచ్చింది.

ముందు నేనే రాజీనామా చేస్తా: జానారెడ్డి

Submitted by arun on Mon, 06/04/2018 - 14:54

ఎమ్మెల్యేలంతా మూకుమ్మడి రాజీనామాలకు సిద్ధం కావాలన్న కోమటిరెడ్డి వ్యాఖ్యలకు సీఎల్పీ నేత జానారెడ్డి స్పందించారు. రాజీనామాల అంశం తనకు తెలియదని... ఆ విషయాన్ని కోమటిరెడ్డి ఇప్పుడే ప్రస్తావించారని హెచ్ఎంటీవీతో చెప్పారు. మూకుమ్మడి రాజీనామాలపై పార్టీలో చర్చిస్తామని... పీసీసీ అధ్యక్షుడు, అధిష్ఠానం దృష్టికి తీసుకెళ్తానని జానారెడ్డి తెలిపారు. అధిష్ఠానం నిర్ణయం ఎలా ఉంటే అలాగే ముందుకెళ్తామన్న జానారెడ్డి... రాజీనామా చేసేందుకు తానెప్పుడూ ముందుంటానని చెప్పారు.

నన్ను ఎమ్మెల్యేగా గుర్తించిన కేసీఆర్‌కు ధన్యవాదాలు: కోమటిరెడ్డి

Submitted by arun on Wed, 05/23/2018 - 14:25

కాంగ్రెస్ ఎమ్మెల్యే కోమటిరెడ్డి వెంకట్‌రెడ్డికి ముఖ్యమంత్రి కేసీఆర్ బుధవారం జన్మదిన శుభాకాంక్షలు తెలిపారు. ఈ మేరకు శుభాకాంక్షలు తెలియజేస్తూ కోమటిరెడ్డికి సీఎం లేఖ పంపారు. ‘మీకు హృదయపూర్వక జన్మదిన శుభాకాంక్షలు. మీరు ఆయురారోగ్యాలతో నిండు నూరేళ్లు ప్రజలకు సేవలందించాలని మనస్ఫూర్తిగా ఆ భగవంతుడిని కోరుకుంటున్నాను’. అని లేఖలో పేర్కొన్నారు. లేఖపై స్పందించిన కోమటిరెడ్డి వెంటకట్‌రెడ్డి తనకు శభాకాంక్షలు తెలిపిన ముఖ్యమంత్రికి ధన్యవాదాలు తెలిపారు.

కోమటిరెడ్డి, సంపత్‌ ఇష్యూలో కేసీఆర్‌‌ నెక్ట్స్‌ స్టెప్‌ ఏంటి?

Submitted by arun on Tue, 04/24/2018 - 14:17

కోమటిరెడ్డి వెంకట్‌రెడ్డి, సంపత్‌ కుమార్ శాసన సభ్యత్వాల రద్దు చెల్లదంటూ హైకోర్టు ఇచ్చిన తీర్పుపై కేసీఆర్‌ ఏం చేయబోతున్నారు? శాసన సభ్యత్వాల పునరుద్ధరణకు చర్యలు చేపడతారా? లేక కోర్టు తీర్పును అధిగమించేందుకు ప్రయత్నిస్తారా? ఇంతకీ ఎమ్మెల్యేల బహిష్కరణ అంశాన్ని కేసీఆర్‌ ఎలా డీల్‌ చేయబోతున్నారు?

హైకోర్టు తీర్పును.. అసెంబ్లీ పాటిస్తుందా.?

Submitted by arun on Thu, 04/19/2018 - 11:20

హైకోర్టు తీర్పుతో కోమటిరెడ్డి, సంపత్‌కు అసెంబ్లీకి రూట్ క్లియర్ అయినట్లేనా మాజీ ఎమ్మెల్యేలుగా సభ నుంచి బయటికొచ్చిన నేతలు మళ్లీ ఎమ్మెల్యేలుగా లోపల అడుగుపెడతారా..? ఇది పక్కనబెడితే.. హైకోర్టు తీర్పును.. అసెంబ్లీ పాటిస్తుందా.? గత సంఘటనలు ఏం చెప్తున్నాయ్.?

‘కేసీఆర్‌కు ఆ తీరిక కూడా లేదు’

Submitted by arun on Sat, 04/14/2018 - 15:55

సీఎం కేసీఆర్‌కు... అంబేద్కర్ కి నివాళులు అర్పించే అంత తీరిక లేదని కాంగ్రెస్‌ నేత కోమటిరెడ్డి  అన్నారు. నల్లగొండలోని కార్యక్రమంలో అంబేద్కర్ విగ్రహానికి పూలమాల వేసి నివాళులు అర్పించారు. అన్ని రాష్ట్రాల ముఖ్యమంత్రులు అంబేద్కర్‌కు నివాళులు అర్పిస్తుంటే, కేసీఆర్ మాత్రం అహంకారంతో ప్రగతి భవన్ లోనే ఉంటున్నారని కోమటిరెడ్డి విమర్శించారు. కేసీఆర్‌ వ్యవహరించిన తీరు సిగ్గుచేటు. ఈ అంశాన్ని తీవ్రంగా ఖండిస్తున్నాం’ అని ఆయన తెలిపారు.

ఎమ్మెల్యేల శాసన సభ్యత్వం కేసులో హైకోర్టు సీరియస్

Submitted by arun on Tue, 04/03/2018 - 16:13

తెలంగాణ ప్రభుత్వంపై హైకోర్టు అసహనం వ్యక్తం చేసింది. కాంగ్రెస్ ఎమ్మెల్యేలు కోమటిరెడ్డి వెంకటరెడ్డి, సంపత్ కుమార్ శాసన సభ్యత్వం రద్దుపై జరిగిన విచారణలో తెలంగాణ సర్కార్ కౌంటర్ దాఖలు చేయకపోవడాన్ని హై కోర్టు సీరియస్‌గా తీసుకుంది. ప్రభుత్వ తీరును తప్పుబట్టిన కోర్టు విచారణను ఈ నెల 6వ తేదీకి వాయిదా వేసింది. శాసనసభలో క్రమశిక్షణ ఉల్లంఘించారనే కారణంతో కాంగ్రెస్ ఎమ్మెల్యేలు కోమటిరెడ్డి వెంకట్ రెడ్డి, సంపత్ శాసన సభ్యత్వం రద్దు చేసిన కేసు కొలిక్కి రావడం లేదు. ఈ ఘటనపై జరిగిన విచారణలో కౌంటర్ దాఖలు చేయాల్సిన తెలంగాణ ప్రభుత్వం మరోసారి పిటిషన్ దాఖలు చేయకపోవడంతో కేసు మళ్లీ వాయిదా పడింది. 

నన్ను చంపాలని టీఆర్ఎస్ ప్రభుత్వం ప్రయత్నిస్తోంది

Submitted by arun on Wed, 03/21/2018 - 13:15

మాజీ మంత్రి, శాసనసభ్యత్వం కోల్పోయిన కాంగ్రెస్ నేత కోమటిరెడ్డి వెంకటరెడ్డి సంచలన వ్యాఖ్యలు చేశారు. తనను చంపేందుకు ముఖ్యమంత్రి కేసీఆర్ ప్రభుత్వం ప్రయత్నిస్తోందని ఆయన అన్నారు. తమకు గన్ మెన్లను తొలగించడం ఈ కుట్రలో భాగమేనని అన్నారు. తనకు ఏమి జరిగినా ప్రభుత్వానిదే బాధ్యత అని చెప్పేంత పిరికిపందను కానని చెప్పారు. కేసీఆర్ నీ బుల్లెట్ కంటే నా గుండె చాలా గట్టిదని అన్నారు. ఈ ఉదయం సంపత్ తో కలసి ఆయన ఢిల్లీ వెళ్లారు. అంతకు ముందు మీడియాతో మాట్లాడుతూ, ఆయన ఈ వ్యాఖ్యలు చేశారు. ఢిల్లీలో మధ్యాహ్నం 3 గంటలకు వీరిద్దరూ ఎన్నికల కమిషన్ ను కలవనున్నారు.

‘కేసీఆర్‌కు మమత బెనర్జీ మొట్టికాయలు వేశారు’

Submitted by arun on Tue, 03/20/2018 - 16:23

తెలంగాణ ముఖ్యమంత్రి కేసీఆర్‌ థర్డ్ ఫ‌్రంట్‌ గురించి మాట్లాడటం విడ్డూరంగా ఉందన్నారు కాంగ్రెస్‌ నేత కోమటిరెడ్డి వెంకటరెడ్డి. ఒక వైపు మోడికి మద్దతిస్తూ మరోవైపు థర్డ్ ఫ్రంట్‌ అంటే ఎలా అని కోమటిరెడ్డి ప్రశ్నించారు. ఫ్లోరైడ్‌ సమస్యను పరిష్కరించేందుకు కూర్చి వేసుకుని నీళ్లు తీసుకొస్తానన్న కేసీఆర్‌...ఆ సమస్యను గాలికి వదిలేశారని మండిపడ్డారు. నిన్న కోల్‌కతాకు వెళ్లిన కేసీఆర్‌కు మమత బెనర్జీ మొట్టికాయలు వేశారన్నారు. మోదీకి మద్దతు తెలుపుతూ థర్డ్ ఫ్రంట్ అంటే ఎలా అని మమత కేసీఆర్‌ను నిలదీశారన్నారు. మమత బెనర్జీది సాధారణ జీవితం అని, ఆమెను చూసైనా కేసీఆర్ విలాసవంతమైన జీవితానికి స్వస్తి చెప్పాలన్నారు.