Ratha Saptami

సూర్యుడి రథం కదలకపోతే ?

Submitted by arun on Wed, 01/24/2018 - 17:50

అది లంకలో యుద్ధ భూమి. మొదటి రోజు రామ - రావణుల మధ్య బీకరమయిన యుద్ధం జరిగింది. రెండు వైపులా మహా వీరులందరూ కేవలం ప్రేక్షకులుగా భూమ్యాకాశాలు బద్దలయ్యే ఆ యుద్ధాన్ని నోరెళ్ళబెట్టి చూస్తున్నారు. ఒక దశలో సాక్షాత్తు శ్రీరామచంద్రుడే ఆలోచనలో పడ్డాడు - వీడిని గెలవడం అంత తేలిక కాదేమో అని. ఆ క్షణంలో అగస్త్యుడు ప్రత్యక్షమయ్యాడు. "రామ రామ మహాబాహో !" అంటూ ఆదిత్య హృదయం బోధించి, సూర్యుడిని ప్రార్థించి ఆ బలంతో వెంటనే రావణుడిని సంహరించు - అని వచ్చినంత వేగంగా వెళ్ళిపోయాడు. రాముడు అలాగే చేశాడు. అప్పటి నుండి లోకానికి ఆదిత్య హృదయం అందింది.