Governor Narasimhan

అందుకే వాళ్లను నగరం నుంచి బహిష్కరించాం: కేసీఆర్‌

Submitted by arun on Mon, 07/16/2018 - 12:03

హిందువుల ఆరాధ్య దైవమైన శ్రీరాముడిపై అనుచిత వ్యాఖ్యలు చేసిన సినీ విమర్శకుడు కత్తి మహేశ్‌ను, ఆయనకు వ్యతిరేకంగా ర్యాలీ చేపట్టేందుకు సిద్ధమైన ఆధ్యాత్మిక గురువు స్వామి పరిపూర్ణానందను హైదరాబాద్ పోలీసులు నగరం నుంచి బహిష్కరించిన సంగతి విదితమే. వీరిద్దరి బహిష్కరణను ముఖ్యమంత్రి కేసీఆర్ సమర్థించుకున్నారు. ఆదివారం గవర్నర్ నరసంహన్‌తో భేటీ అయిన కేసీఆర్ వారిద్దరిపై వేటుకు గల కారణాలను వివరించారు. శాంతిభద్రతలకు ముప్పుగా పరిణమిస్తే ఎవరినీ ఉపేక్షించబోమని స్పష్టం చేశారు. వారిపై వేటు వేయడానికి అదే కారణమన్నారు.

గవర్నర్‌పై మంత్రి నక్కా ఆనంద్‌బాబు సంచలన వ్యాఖ్యలు

Submitted by arun on Wed, 04/25/2018 - 16:43

గవర్నర్ నరసింహన్ పై ఏపీ మంత్రి నక్కా ఆనంద్‌బాబు సంచలన వ్యాఖ్యలు చేశారు. గవర్నర్ వ్యవస్థకు నరసింహన్ కళంకితమని విమర్శించారు. రాజకీయ వ్యవహారాల్లో గవర్నర్ జోక్యం చేసుకుంటున్నాడని, కేంద్రానికి సంధానకర్తగా ఉంటున్నాడని ఆరోపించారు. మోడీ, అమిత్  షాలు మాఫియా ముఠా అని, ప్రతిపక్ష నేత జగన్ తో కలిసి కుట్రలు చేస్తున్నారని మండిపడ్డారు. జనసేన అధ్యక్షుడు పవన్ కల్యాణ్ కు గవర్నర్ పిలపించి మాట్లాడాల్సింన అవసరం ఏముంది అని మంత్రి నక్కా ఆనంద్ బాబు ప్రశ్నించారు. 
 

గవర్నర్‌కు ఢిల్లీ నుంచి ఆకస్మిక పిలుపు

Submitted by arun on Tue, 04/24/2018 - 11:23

తెలుగు రాష్ట్రాల గవర్నర్‌ నరసింహన్‌కు ఢిల్లీ నుంచి పిలుపు వచ్చింది. ఈరోజు మధ్యాహ‌్నం ఢిల్లీ బయల్దేరి వెళ్లనున్న గవర్నర్‌‌ రెండ్రోజులపాటు కేంద్ర పెద్దలను కలవనున్నారు. ముఖ్యంగా ప్రధాని మోడీ, హోంమంత్రి రాజ్‌నాథ్‌సింగ్‌తో భేటీకానున్నారు. తెలుగు రాష్ట్రాల్లో పాలన, రాజకీయ పరిస్థితులపై కేంద్రానికి నివేదిక ఇవ్వనున్నట్లు తెలుస్తోంది. ఇటీవల ఏపీ, తెలంగాణ ముఖ్యమంత్రులతో సమావేశమైన గవర్నర్‌‌ రెండు రాష్ట్రాల్లో నెలకొన్న సమస్యలు, ఇతర అంశాలను తెలుసుకున్నారు. అయితే ఇటు టీఆర్‌ఎస్‌ సర్కార్ అటు టీడీపీ ప్రభుత్వం రెండూ కూడా కేంద్రంపై పోరుబాట పట్టడంతో గవర్నర్‌ ఢిల్లీ టూర్‌ ఆసక్తికరంగా మారింది. 
 

కుట్రలకు వేదికగా రాజ్‌భవన్: రేవంత్

Submitted by arun on Tue, 03/20/2018 - 17:12

రాజ్‌ భవన్‌ రాజకీయాలకు, కుట్రలకు కేరాఫ్‌ అడ్రస్‌గా మారిందని కాంగ్రెస్‌ నేత రేవంత్‌రెడ్డి ఆరోపించారు. గవర్నర్‌ నిమ్మకు నీరెత్తినట్లు వ్యవహరిస్తున్నారన్న రేవంత్‌ ప్రభుత్వం ఇష్టానుసారంగా ప్రవర్తిస్తోందన్నారు. ప్రజల ఆకాంక్షలకు అనుగుణంగా గవర్నర్‌ ప్రసంగం లేకపోవడంతో కాంగ్రెస్‌ ఎమ్మెల్యేలు నిరసన తెలిపారన్నారు.  మోడి ఎజెండాను అమలు చేయడానికి రాజ్‌భవన్‌ను వాడుకుంటున్నారని అందుకు నరసింహన్ పదవీకాలం ముగిసినా అతన్ని కొనసాగిస్తున్నారని ఆరోపించారు.

గణతంత్ర వేడుకలకు హాజరు కాలేకపోయిన సీఎం

Submitted by arun on Fri, 01/26/2018 - 13:19

విజయవాడలో ఏపీ ప్రభుత్వం ఘనంగా గణతంత్ర వేడుకలు నిర్వహించింది. ఇందిరా గాంధీ మున్సిపల్ స్టేడియంలో జాతీయ జెండాను గవర్నర్‌ నరసింహన్‌ ఎగురవేశారు. తర్వాత పోలీసుల గౌరవ వందనం స్వీకరించారు. ఏపీ ప్రభుత్వ గణతంత్ర వేడుకలకు ముఖ్యమంత్రి చంద్రబాబు నాయుడు హాజరుకాలేకపోయారు. కొద్ది రోజులుగా దావోస్ పర్యటనలో ఉన్న చంద్రబాబు సమయానికి అమరావతి చేరుకోలేకపోయారు. విమానం ఆలస్యం కారణంగా సీఎం రిపబ్లిక్ డే కార్యక్రమానికి హాజరు కాలేదు. అయితే సీఎం సతీమణి భువనేశ్వరి, మనవడు దేవాన్ష్‌ వేడుకల్లో పాల్గొన్నారు. ఈ కార్యక్రమంలో సీఎం చంద్రబాబు మనవడు నారా దేవాన్ష్‌ ప్రత్యేక ఆకర్షణగా నిలిచాడు.

తెలంగాణ ప్రభుత్వం అభివృద్ధిలో దూసుకెళ్తోంది: గవర్నర్‌

Submitted by arun on Fri, 01/26/2018 - 11:44

సికింద్రాబాద్‌ పరేడ్‌గ్రౌండ్‌లో ఘనంగా గణతంత్ర వేడుకలు నిర్వహించారు. ఈ సందర్భంగా గవర్నర్‌ నరసింహన్‌ జాతీయ జెండాను ఆవిష్కరించారు. పోలీసుల గౌరవ వందనాన్ని గవర్నర్‌ స్వీకరించారు. అనంతరం ప్రజలనుద్దేశించి గవర్నర్ మాట్లాడుతూ అన్ని వర్గాల ప్రజల ఆకాంక్షలను నెరవేరుస్తూ.. తెలంగాణ ప్రభుత్వం అభివృద్ధిలో దూసుకెళ్తోందని కితాబిచ్చారు. జాతీయ సగటు కంటే మిన్నగా 18 శాతం వృద్ధి రేటుతో పరుగులు పెడుతోన్న తెలంగాణ దేశ నిర్మాణంలో కీలక పాత్ర పోషిస్తున్నదని గవర్నర్‌ నరసింహన్‌ చెప్పారు. అన్నిటికి అన్ని రంగాల్లో అద్భుతమైన ప్రగతి సాధించిందన్నారు. 

పెద్దాయనకు మద్దెల దరువు

Submitted by arun on Tue, 01/23/2018 - 19:14

తెలుగు రాష్ట్రాల ఉమ్మడి గవర్నర్ ఈఎస్ఎల్ నరసింహన్ మీద విమర్శలు నానాటికీ పెరుగుతున్నాయి. ఆంధ్రా మీద సవతి తల్లి ప్రేమ చూపుతున్నాడంటున్న ఏపీ బీజేపీ నాయకులు ఏపీకి ప్రత్యేకమైన గవర్నర్ ను కేటాయించాలని డిమాండ్ చేస్తున్నారు. అటు తెలంగాణలో అధికార పక్షానికే పూర్తిగా వంత పాడుతున్నాడంటూ టీ-కాంగ్రెస్ నేతలు విమర్శిస్తున్నారు. మరోవైపు అసలు గవర్నర్ వ్యవస్థనే రద్దు చేయాలని సీపీఐ డిమాండ్ చేస్తూండడం విశేషం. 

గవర్నర్‌ నరసింహన్‌ టీఆర్‌ఎస్‌లో చేరాలి

Submitted by arun on Sun, 01/21/2018 - 15:23

కాళేశ్వరం ప్రాజెక్టు అత్యద్భుతమంటూ గవర్నర్ నరసింహన్ ప్రశంసలు కురిపించిన సంగతి తెలిసిందే. ఈ ప్రాజెక్టును పూర్తి చేసిన ముఖ్యమంత్రి కేసీఆర్ ను కాళేశ్వరం చంద్రశేఖరరావుగా, మంత్రి హరీష్ రావును కాళేశ్వర్ రావుగా ఆయన అభివర్ణించారు. ఈ నేపథ్యంలో గవర్నర్ పై టీసీఎల్పీ ఉపనేత జీవన్‌ రెడ్డి ఆదివారం మండిపడ్డారు. కాళేశ్వరం ప్రాజెక్టు పరిశీలన అనంతరం గవర్నర్‌ నరసింహన్‌ టీఆర్‌ఎస్‌ ప్రాజెక్టు ఏజెంట్‌లా మాట్లాడారని ఫైర్‌ అయ్యారు.