character is Priority

స్వభావమే ప్రధానం

Submitted by arun on Thu, 01/18/2018 - 15:04

రామబాణం దెబ్బ రుచి చూసినవాడిగా చెబుతున్నా - సీతాపహరణ ఆలోచన  మానుకో అని మారీచుడు జరగబోయేపరిణామాలతోపాటు రావణుడికి చెప్పాడు. రావణుడు వినలేదు. సీతమ్మ మందలించింది . వినలేదు. హనుమ హెచ్చరించాడు. వినలేదు. విభీషణుడు సవరించబోయాడు. వినలేదు. మండోదరి మధనపడింది. వినలేదు. పంచభూతాలు బిక్కుబిక్కుమన్నాయి.  అష్టదిక్పాలకులు చెట్టుకొకరు పుట్టకొకరు పారిపోయారు.  మద్యం - మగువల మత్తులో తూలిపోయాడు. చివరకు పోయాడు. 

నాకు మంచి తెలుసు - కానీ చేయాలనిపించదు . నాకు చెడు తెలుసు - కానీ చేయకుండా ఉండలేను . స్వభావో దురతిక్రమః - నా స్వభావం ఇంతే . నేను మారను . మారాలని అనుకోవడంలేదు - అన్నాడు రావణుడు.