kachiguda

నిజామాబాద్ మీదుగా కాచిగూడ - కరీంనగర్ ప్యాసింజర్ రైలు ప్రారంభం

Submitted by arun on Fri, 06/15/2018 - 17:11

తెలంగాణలో రూ.258 కోట్ల ఖర్చుతో రైల్వే అభివృద్ధి పనులు జరుగుతున్నాయని కేంద్ర మంత్రి పియూష్‌ గోయల్‌ చెప్పారు. 45 వేల కోట్లతో రాష్ట్రంలో సోలార్ ప్రాజెక్టులు ఏర్పాటు చేస్తున్నామని వెల్లడించారు. సికింద్రాబాద్  రైల్వే స్టేషన్‌లో పలు అభివృద్ధి పనులను పియూష్‌ గోయల్‌ ప్రారంభించారు. కరీంనగర్‌ వరకు పొడిగించిన కాచిగూడ-నిజామాబాద్‌ ప్యాసింజర్ రైలును వారు జెండా ఊపి రిమోట్‌ ద్వారా ప్రారంభించారు. సికింద్రాబాద్‌ రైల్వే స్టేషన్‌ లో నాల్గవ పాదచారుల వంతెన నిర్మాణానికి పియూష్‌ గోయల్ శంకుస్థాపన చేశారు. అన్ని రైల్వే స్టేషన్లు, పరిపాలన భవనాల్లో ఏర్పాటు చేసిన ఎల్‌ఈడీ లైట్లను ప్రారంభించారు.

నడిరోడ్డుపై గ్యాంగ్ వార్...హడలెత్తిన జనం!

Submitted by arun on Wed, 01/17/2018 - 14:30

హైదరాబాద్‌ కాచిగూడలో గ్యాంగ్‌ వార్‌ జరిగింది. నడిరోడ్డుపై ఇరువర్గాలు పరస్పరం దాడులకు పాల్పడ్డారు. వెంకటేశ్వరనగర్‌లో ఇరువర్గాలు నడిరోడ్డుపై బీభత్సం సృష్టించారు. గంటల తరబడి ఇరువర్గాలు కొట్టుకోవడంతో బస్తీవాసులు తీవ్ర భయాందోళనలకు గురయ్యారు. గ్యాంగ్‌ వార్‌ వెనుక ముగ్గురు రౌడీషీటర్లు ఉన్నట్లు తెలుస్తోంది. అయితే పోలీసులు మాత్రం ఓ కేసు పెట్టి వదిలేశారు. నడిరోడ్డుపై ఇంతపెద్ద గొడవ జరిగినా.. పోలీసులు పెట్టీ కేసు పెట్టి చేతులు దులుపుకోవడం విమర్శలకు తావిస్తోంది. ఈ ఘటనపై స్పందించిన కాచిగూడ ఇన్‌స్పెక్టర్‌ సత్యనారాయణ బైక్ విషయంలో ఈ గొడవ జరిగిందని తెలిపారు.