Indian Army

రణక్షేత్రంలోనే కాదు జలవిలయంలోనూ సైన్యం సాయం

Submitted by arun on Mon, 08/20/2018 - 14:30

యుద్ధరంగంలో శతృవులను మట్టికరిపించే యోధులు వారు. సరిహద్దు వెంబడి పహారా కాస్తూ దేశాన్ని రక్షించే వీరులు వారు. దేశ ప్రజలంతా సుఖంగా నిద్రించేందుకు తమ ప్రాణాలు పణంగా పెట్టే ధీరులు వారు. ఇవాళ యావత్‌ దేశం భద్రంగా ఉందంటే సాహసానికి సిద్దంగా ఉన్న సైన్యం వల్లే. అలాంటి సైన్యం రణక్షేత్రంలోనే కాదు ప్రకృతి విపత్తుల్లో కూడా తమ సత్తా చాటుతోంది. మేమున్నామంటూ భరోసా కల్పిస్తోంది. ఇప్పుడు జల ప్రళయంలో చిక్కుకున్న కేరళలోనూ సైన్యం మరువలేని సాయం చేస్తోంది.

Image result for kerala floods army

ఇండియన్ ఆర్మీ సర్జికల్‌ స్ట్రైక్స్‌ వీడియో వైరల్‌

Submitted by arun on Thu, 06/28/2018 - 11:37

2016లో పాక్‌ ఆక్రమిత కశ్మీర్‌లో ఉగ్రవాద స్థావరాలే లక్ష్యంగా ఇండియన్ ఆర్మీ నిర్వహించిన సర్జికల్‌ స్ట్రైక్స్‌కి సంబంధించిన వీడియో బయటికొచ్చింది. తీవ్రవాదులకు గట్టి హెచ్చరికలు పంపుతూ 2016 సెప్టెంబర్‌లో చేపట్టిన ఈ సర్జికల్‌ స్ట్రైక్స్‌ అప్పట్లో పెను సంచలనం సృష్టించాయి. ఉడీ ఘటనకు ప్రతీకారంగా పీవోకే లక్ష్యంగా భారత ఆర్మీ ఈ దాడులు నిర్వహించింది. ఆ దాడులకు సంబంధించిన వీడియోలు దాదాపు ఏడాదిన్నర తర్వాత బయటికి వచ్చాయి. నాలుగు ఉగ్ర స్థావరాలను భారత సైన్యం ఏవిధంగా భూస్థాపితం చేసిందో ఈ వీడియోలో క్లియర్‌గా కనబడుతోంది.

ఉగ్ర కాల్పుల్లో గాయపడి పండంటి బిడ్డకు జన్మ

Submitted by arun on Mon, 02/12/2018 - 10:44

రెండ్రోజుల క్రితం జమ్ము కశ్మీర్ సుంజ్వాన్ ఉగ్రదాడిలో గాయపడిన గర్భిణి పండంటి బిడ్డకు జన్మనిచ్చింది. శనివారం ఆర్మీ కార్టర్స్‌లో ఉగ్రవాదులు జరిపిన కాల్పుల్లో.. రైఫిల్‌మ్యాన్ నజీర్‌ అహ్మద్‌తోపాటు ఆయన భార్య తీవ్రంగా గాయపడ్డారు. 35 వారాల గర్భిణి అయిన ఆమెను హుటాహుటిన ప్రత్యేక హెలికాప్టర్‌లో సైనిక ఆస్పత్రికి తరలించి శస్త్రచికిత్స చేశారు. సత్వారీలోని మిలటరీ ఆసుపత్రిలో సిజేరియన్ చేసిన తర్వాత ఆమె ఆడశిశువుకు జన్మనిచ్చింది. తల్లీకూతుళ్లు ఇద్దరూ ఆరోగ్యంగా ఉన్నారు.

జయహో జవాన్

Submitted by arun on Fri, 01/26/2018 - 11:23

దేశం లోపల మనం ఇంత భద్రంగా, ప్రశాంతంగా ఉన్నామంటే, అందుక్కారణం దేశం సరిహద్దుల్లో మన వీర సైనికుల పహారా. భూతలం, గగనతలం, సాగరంలోనూ, మన సైనికులు రాత్రనకా, పగలనకా ప్రాణాలకు తెగించి గస్తీ కాస్తున్నందుకే స్వేచ్చావాయువులు పీల్చుకోగలుగుతున్నాం. 

పాకిస్తాన్‌‌కు మరోసారి బుద్ధి చెప్పిన భారత్‌..ఏడుగురు పాక్‌ సైనికుల హతం

Submitted by arun on Mon, 01/15/2018 - 16:18

కాల్పుల విరమణ ఒప్పందాన్ని ఉల్లంఘిస్తూ పదేపదే కవ్వింపు చర్యలకు పాల్పడుతోన్న పాకిస్తాన్‌కు ఇండియన్‌ ఆర్మీ మరోసారి బుద్ధిచెప్పింది. యూరీ సైనిక స్థావరంపై ఉగ్రదాడికి ప్రతీకారంగా గతంలో సర్జికల్‌ స్ట్రైక్స్‌ నిర్వహించి నియంత్రణ రేఖ వెంబడి పాక్‌ తీవ్రవాద స్థావరాలను ధ్వంసంచేసిన భారత సైన్యం మరోసారి తమ సత్తా ఏంటో పాక్‌ సైన్యానికి రుచి చూపించింది. రాజౌరి సెక్టార్‌లో పాక్‌ సైన్యం కాల్పుల్లో భారత జవాను మరణించడంతో ఇండియన్‌ ఆర్మీ ప్రతీకారం తీర్చుకుంది. భద్రతా దళాలు జరిపిన కాల్పుల్లో ఏడుగురు పాక్ సైనికులు మరణించారు.