high court

తెలంగాణ ప్రభుత్వానికి హైకోర్టులో చుక్కెదురు

Submitted by arun on Fri, 07/06/2018 - 17:32

తెలంగాణ ప్రభుత్వానికి హైకోర్టులో చుక్కెదురైంది. గత నెల 21న ప్రభుత్వం విడుదల చేసిన జీవో నెం.7పై కోర్టు స్టే విధించింది. ఏడాది పాటు ప్రొఫెషనల్ కోర్సుల్లో స్పోర్ట్స్ కోటాను పరిగణనలోకి తీసుకోవద్దని కోర్టు ఆదేశించింది.ఇటీవల తెలంగాణ ప్రభుత్వం జారీ చేసిన జీవో నెంబర్‌-7 వల్ల స్పోర్ట్స్‌ కోటా అభ్యర్థులకు అన్యాయం జరుగుతుందని నీలేరాయ్‌, కాలేశ్రేయ అనే ఇద్దరు స్పోర్ట్స్‌ అభ్యర్థులు హైకోర్టులో పిటిషన్‌ దాఖలు చేశారు. పిటిషన్‌పై శుక్రవారం హైకోర్టు విచారణ చేపట్టింది.

తెలంగాణ సర్కార్‌కు హైకోర్టు షాక్‌!

Submitted by arun on Fri, 06/15/2018 - 16:36

శాసనసభ సభ్యత్వం రద్దు కేసులో కోమటిరెడ్డి వెంకట రెడ్డి, సంపత్‌ వేసిన కోర్టు ధిక్కార పిటిషన్‌‌ను హైకోర్టులో విచారించింది. తెలంగాణ అసెంబ్లీ కార్యదర్శి, న్యాయశాఖ కార్యదర్శికి హైకోర్టు నోటీసులు జారీ చేసింది. తదుపరి విచారణ జులై 13కి వాయిదా వేసింది. కోమటిరెడ్డి వెంకట రెడ్డి, సంపత్‌ శాసన సభ్యత్వాన్ని పునద్ధరించాలంటూ కొద్ది రోజుల క్రితం హైకోర్టు తీర్పు ఇవ్వగా దానిని అమలు చేయకపోవడంతో కోమటిరెడ్డి వెంకట రెడ్డి, సంపత్‌ మరోసారి హైకోర్టును ఆశ్రయించారు. 

అగ్రిగోల్డ్ ఆస్తుల వేలానికి లైన్ క్లియర్

Submitted by arun on Fri, 06/08/2018 - 18:51

అగ్రిగోల్డ్‌ ఆస్తుల వేలానికి.. త్రిసభ్య కమిటీ ఏర్పాటుకు హైకోర్టు ఆమోదం తెలిపింది. త్రిసభ్య కమిటీలో జిల్లా కలెక్టర్‌, రిజిస్ట్రార్‌, లీగల్‌ సర్వీస్‌ సెక్రటరీ ఉండాలని సూచించింది. త్రిసభ్య కమిటీతో కలిసి.. సీఐడీ ఆస్తులు వేలం వేయాలని కోర్టు ఆదేశించింది. ఇదే తరహాలో..అన్ని జిల్లాల్లో ఆస్తుల వేలం ప్రక్రియ కొనసాగించాలని తెలిపింది న్యాయస్థానం. మొదట గుర్తించిన 10 ఆస్తుల్లో 5 ఆస్తుల వేలానికి పబ్లిసిటీ ఇచ్చి.. 6 వారాల్లో వేలం పూర్తి చేయాలని చెప్పింది కోర్టు. తదుపరి విచారణ జూన్‌ 25కు వాయిదా వేసింది హైకోర్టు.
 

కాంగ్రెస్‌ ఎమ్మెల్యేలు రాజీనామాలకు సిద్ధం కావాలి : కోమటిరెడ్డి

Submitted by arun on Mon, 06/04/2018 - 14:30

హైకోర్టు ఇచ్చిన తీర్పు సీఎం కేసీఆర్‌కు చెంపపెట్టని కాంగ్రెస్ నేత కోమటిరెడ్డి వెంకటరెడ్డి అన్నారు. సోమవారం న్యాయస్థానం ఇచ్చిన తీర్పుపై స్పందించిన ఆయన మీడియాతో మాట్లాడుతూ ఫిరాయింపు ఎమ్మెల్యేలతో ఎలా పిటిషన్‌ వేయిస్తారని ప్రశ్నించారు. రాజ్యాంగం, న్యాయ వ్యవస్థపై సీఎం కేసీఆర్‌కు నమ్మకం లేదని ఆయన విమర్శించారు. కోర్టు తీర్పు అనుకూలంగా ఉన్నా.. తమ నాయకులే తమను పట్టించుకోవడం లేదని ఆవేదన వ్యక్తం చేశారు కోమటిరెడ్డి వెంకటరెడ్డి. ఎమ్మెల్యేలను కాపాడుకోవాల్సిన బాధ్యత సీఎల్పీ లీడర్‌గా జానారెడ్డిపై ఉందన్నారు. తమ పదవులను పునరుద్దరించకుంటే.. కాంగ్రెస్‌ ఎమ్మెల్యేలు రాజీనామాలకు సిద్ధం కావాలన్నారు కోమటి రెడ్డి.

టీఆర్ఎస్ ప్రభుత్వానికి మరోసారి చుక్కెదురు

Submitted by arun on Mon, 06/04/2018 - 11:02

టీఆర్ఎస్‌ ఎమ్మెల్యేలకు హైకోర్టులో చుక్కెదురయ్యింది. కాంగ్రెస్‌ ఎమ్మెల్యేలు కోమటిరెడ్డి వెంకట్‌రెడ్డి, సంపత్‌కుమార్‌ శాసనసభ సభ్యత్వాల రద్దుపై సింగిల్‌ బెంచ్‌ తీర్పును సవాల్‌ చేస్తూ టీఆర్ఎస్‌ ఎమ్మెల్యేలు వేసిన పిటిషన్‌‌ను హైకోర్టు తోసిపుచ్చింది. ఇప్పటికే కాంగ్రెస్‌ ఎమ్మెల్యేల సభ్యత్వం రద్దును కొట్టివేసిన హైకోర్టు... తాజాగా అప్పీల్‌ పిటిషన్‌ను కూడా తిరస్కరించింది.

ఎమ్మెల్యేల బహిష్కరణ; హైకోర్టు సంచలన తీర్పు

Submitted by arun on Tue, 04/17/2018 - 14:41

తెలంగాణ ప్రభుత్వానికి హైకోర్టులో ఎదురుదెబ్బ తగిలింది. కాంగ్రెస్ ఎమ్మెల్యేలు కోమటిరెడ్డి వెంకట్‌రెడ్డి, సంపత్‌కుమార్‌ల శాసనసభ్యత్వాలను రద్దు చేస్తూ తీసుకున్న నిర్ణయాన్ని ఉమ్మడి హైకోర్టు కొట్టివేసింది.  అసెంబ్లీ గెజిట్ నోటిఫికేషన్‌ను రద్దుచేసిన హైకోర్టు వీరిద్దరిని ఎమ్మెల్యేలుగా  కొనసాగించాలంటూ ఉత్తర్వులు జారీ చేసింది.  దీంతో కోమటిరెడ్డి వెంకటరెడ్డి, సంపత్‌లు ఎమ్మెల్యేలుగా కొనసాగనున్నారు. 

తెలంగాణ జన సమితి సభకు హైకోర్టు గ్రీన్‌సిగ్నల్

Submitted by arun on Mon, 04/16/2018 - 15:53

తెలంగాణ జన సమితి సభకు హైకోర్టు అనుమతి ఇచ్చింది. ఈనెల 29న సరూర్‌నగర్‌ గ్రౌండ్‌లో సభ నిర్వహించుకునేందుకు మూడ్రోజుల్లో అనుమతి ఇవ్వాలని పోలీసులను ఆదేశించింది. పొల్యూషన్ కారణంగా నగరంలో సభకు ప్రభుత్వం అనుమతి ఇవ్వకపోవడంతో ఆ పార్టీ నేతలు హైకోర్టును ఆశ్రయించారు. కోర్టు తీర్పుపై తెలంగాణ జన సమితి పార్టీ నేతలు ఆనందం వ్యక్తంచేశారు.

ఎమ్మెల్యేల సభ్యత్వం రద్దుపై హైకోర్టులో విచారణ

Submitted by arun on Mon, 04/09/2018 - 15:27

కోమటిరెడ్డి, సంపత్ కుమార్‌ల శాసన సభ్యత్వ రద్దుపై హైకోర్టులో విచారణ జరిగింది. ఈ కేసులో కోర్టు ఆదేశాల మేరకు కౌంటర్ దా‌ఖలు చేసిన తెలంగాణ ప్రభుత్వం అసెంబ్లీ, ప్రభుత్వం వేర్వేరంటూ పేర్కొంది.  దీనిపై రిప్లై కౌంటర్ దాఖలు చేసిన కోమటిరెడ్డి, సంపత్ కుమార్‌ల సభ్యత్వ రద్దుపై సభలో ఒకలా, బయట మరోలా, కోర్టులో ఇంకోలా ప్రభుత్వం చెబుతోందని కోర్టు దృష్టికి తీసుకొచ్చారు. కోర్టుకు అడ్వకేట్ జనరల్ హామీ ఇచ్చినట్టుగానే శాసనసభలోని దృశ్యాలను అందివ్వాలంటూ విన్నవించారు. ఇప్పటికీ అడ్వకేట్ జనరల్ రాజీనామా ఆమోదం పొందలేదంటూ కోర్టు దృష్టి తీసుకొచ్చారు. ఇరు వర్గాల వాదనలు విన్న హైకోర్టు తీర్పును రిజర్వులో ఉంచింది.   

కోమటిరెడ్డి, సంపత్‌లకు హైకోర్టులో ఊరట

Submitted by arun on Mon, 03/19/2018 - 17:11

కోమటిరెడ్డి వెంకట్‌రెడ్డి, సంపత్‌కుమార్‌ శాసన సభ్యత్వాల రద్దు కేసులో హైకోర్టు కీలక ఉత్తర్వులు ఇచ్చింది. ఆరు వారాలపాటు ఎన్నికల ప్రక్రియ చేపట్టవద్దంటూ ఈసీని ఆదేశించింది. శాసన సభ్యత్వాల రద్దు కేసులో కోమటిరెడ్డి వెంకట్‌రెడ్డి, సంపత్‌కుమార్‌‌‌లకు స్వల్ప ఊరట లభించింది. శాసన సభ్యత్వాల రద్దు‌ను సవాలు చేస్తూ కోమటిరెడ్డి, సంపత్‌లు హైకోర్టును ఆశ్రయించారు. పిటిషన్‌ను విచారణకు స్వీకరించిన హైకోర్టు మధ్యంతర ఉత్తర్వులు ఇచ్చింది. శాసన సభ్యత్వాలు రద్దుచేసిన రెండు స్థానాల్లో ఆరు వారాలపాటు నోటిఫికేషన్‌ ఇవ్వొద్దని, అలాగే ఎలాంటి ఎన్నికల ప్రక్రియ చేపట్టొద్దని కేంద్ర ఎన్నికల సంఘాన్ని ఆదేశించింది.

శాసన సభ్యత్వాల రద్దుపై హైకోర్టులో విచారణ

Submitted by arun on Mon, 03/19/2018 - 16:05

కాంగ్రెస్ ఎమ్మెల్యేల సభ్యత్వం రద్దు పిటిషన్‌ను హైకోర్టు విచారణకు స్వీకరించింది. వారంలోగా కౌంటర్ దాఖలు చేయాలని రాష్ట్ర ప్రభుత్వం, అసెంబ్లీ కార్యదర్శికి నోటీసులు జారీ చేసింది. ఈ నెల 22న ఒరిజినల్ సీసీ ఫుటేజ్ సీల్డ్ కవర్‌లో సమర్పించాలని ఆదేశించింది. ఎన్నికల నోటిఫికేషన్‌పై వారంపాటు స్టే విధిస్తే అభ్యంతరమా అని ఈసీని కూడా కోర్టు ప్రశ్నించింది. దీనిపై సాయంత్రం మూడున్నరకు తమ నిర్ణయాన్ని తెలుపుతామని ఈసీ కోర్టుకు తెలిపింది.