akhila priya

అమరావతికి ఆళ్లగడ్డ పంచాయతీ

Submitted by arun on Tue, 04/24/2018 - 11:14

కర్నూలు జిల్లా ఆళ్లగడ్డలో మంత్రి భూమా అఖిలప్రియ సీనియర్ నేత ఏవీ సుబ్బారెడ్డిల మధ్య పంచాయతి అమరావతి చేరింది. తాజా ఘటనలను తీవ్రంగా పరిగణించిన సీఎం చంద్రబాబు ఇరు వర్గాలను అమరావతి రావాలంటూ ఆదేశించారు.  ఈ రోజు ఆళ్లగడ్డలో జరుగుతున్న శోభా నాగిరెడ్డి వర్ధంతి కార్యక్రమాల్లో పాల్గొన్న అనంతరం  ఇరు వర్గాలు అమరావతి చేరుకోనున్నాయి. కలిసి పని చేయాలంటూ ఇప్పటికే పలు సార్లు సూచించినా ఫలితం లేకపోవడంతో  సీఎం చంద్రబాబు తీవ్ర ఆగ్రహం వ్యక్తం చేశారు. వ్యక్తుల కంటే పార్టీ ప్రతిష్ట ముఖ్యమని ఆయన ఇప్పటికే స్పష్టం చేసిన నేపధ్యంలో ఈ భేటి తీవ్ర ఉత్కంఠను రేపుతోంది,. 

man held on charge of forging ap minister signature

Submitted by admin on Sun, 09/10/2017 - 20:34

ఉద్యోగం కోసం ఓ వ్యక్తి మంత్రి అఖిల ప్రియ సంతకాన్ని ఫోర్జరీ చేయడం కలకలం రేపింది. అలీ అనే వ్యక్తికి వారం రోజుల్లో పర్యాటకశాఖలో ఉద్యోగం ఇవ్వాలంటూ అఖిల ప్రియ సిఫారసు చేసినట్లుగా ఆమె సంతకం (ఫోర్జరీ) ఉన్న లేఖ వచ్చినట్లు మంత్రి పేషీ సిబ్బంది ఫిర్యాదు చేశారు. పెదకూరపాడుకు చెందిన అలీ అనే వ్యక్తి ఈ దుశ్చర్యకు పాల్పడినట్లు తెలిపారు. కేసు నమోదు చేసిన అధికారులు దర్యాప్తు చేపట్టారు. తన సంతకం ఫోర్జరీ కావడంపై మంత్రి అఖిల ప్రియ స్పందించారు. తన ఛాంబర్‌కు ఓ వ్యక్తి ఉద్యోగం కోసం వచ్చాడని, ఆయన తెచ్చిన లెటర్లలో తన సంతకం ఉండడంతో తనకు సందేహం కలిగిందని చెప్పారు.