Bhadradri Kothagudem

భద్రాద్రి కొత్తగూడెం జిల్లాలో ఆర్టీసీ బస్సు బోల్తా

Submitted by arun on Sat, 08/11/2018 - 11:49

భద్రాద్రి కొత్తగూడెం జిల్లాలో పెను ప్రమాదం తృటిలో తప్పింది. బూర్గంపాడు మండలం రెడ్డిపాలెం దగ్గర ఆర్టీసీ బస్సు బోల్తా పడింది. భద్రాచలం నుంచి విజయవాడ వెళుతుండగా సారపాక వంతెన  సమీపంలో అదుపు తప్పి పక్కనున్న 40 అడుగుల లోతు పొలాల్లోకి వెళ్లి  బోల్తా పడింది. ప్రమాదానికి గురైన బస్సులొ 40 మంది ప్రయాణీకులున్నట్టు గుర్తించారు. రోడ్డుపైనున్న గుంతలను తప్పించే క్రమంలో బస్సు అదుపు తప్పినట్టు డ్రైవర్ తెలియజేశాడు. బస్సు బోల్తా పడిన పక్కనే వాగు భారీగా ప్రవహిస్తూ ఉండటంతో ప్రయాణీకులు ఆందోళనకు గురయ్యారు. ప్రమాదం జరిగిన విషయం తెలిసిన వెంటనే చుట్టుపక్కల వారు గ్రామస్తుల సహకారంతోనే ప్రయాణీకులను పైకి తెచ్చారు.

భార్య కాపురానికి రావటం లేదంటూ సెల్ టవర్ ఎక్కిన భర్త

Submitted by arun on Sat, 02/17/2018 - 14:41

భార్య కాపురానికి రావటం లేదంటూ భర్త ...సెల్ టవర్ ఎక్కి హల్ చల్ చేశారు. భద్రాద్రి కొత్తగూడెం జిల్లా అయ్యన్నపాలెం గ్రామానికి చెందిన రాధాకృష‌్ణ..కవితను రెండో వివాహం చేసుకున్నారు. భర్తతో గొడవపడి భార్య పుట్టింటికి వెళ్లిపోయింది. మనోవేదన చెందిన భర్త...పెనుబల్లి మండలంలోని సెల్ టవర్ ఎక్కాడు. కిందకు దూకి ఆత్మహత్య చేసుకుంటానని బెదిరించాడు. ఘటనస్థలి వద్దకు పోలీసులు వచ్చారు. సెల్ టవర్ ఎక్కిన రాధాకృష్ణకు అతడి భార్యతో సెల్ ఫోన్ లో మాట్లాడించి కిందకు దించారు. సుమారు 4 గంటలపాటు సాగిన హై డ్రామాకు పుల్ స్టాప్ పడింది. 
 

ప్రియుడిని చితకబాదిన ప్రేయసి

Submitted by arun on Sat, 01/06/2018 - 15:16

ప్రేమించానన్నాడు పెళ్లిచేసుకుంటాన్నాడు. నువ్వే నా ప్రపంచం అంటూ కలరింగ్‌ ఇచ్చాడు. మాయమాటలు చెప్పి  గర్భవతిని చేశాడు. తీరా పెళ్లెప్పుడు చేసుకుందాం అని ప్రియురాలు నిలదీయడంతో  ఖంగుతిన్నాడు. లవర్‌ నుంచి తప్పించుకునేందుకు నానా సాకులు చెప్పాడు. అంతటితో ఆగకుండా మరో యువతితో చెట్టాపట్టాలేసుకు తిరుగుతున్నాడు. దీంతో మోసపోయానని గ్రహించిన బాధితురాలు అపర కాళిలా మారింది. ప్రాణంగా భావించిన  ప్రియుడినే చితకబాది మరీ పోలీసులకు అప్పగించిన ఘటన  భద్రాద్రి కొత్తగూడెం జిల్లా పాల్వంచలో జరిగింది.