Telangana

హైదరాబాద్‌లో రెచ్చిపోతున్న యువత : జైలు ఊచలు..

Submitted by nanireddy on Wed, 11/21/2018 - 09:01

హైదరాబాద్ నగరంలో రోజురోజుకు యువకుల వెకిలి వేషాలు పెచ్చుమీరుతున్నాయి.  అడుగడుగునా చెక్‌పోస్టులు ఉన్నా.. పోలీసుల కంటపడకుండా ఆ సందుల్లోంచి, ఈ సందుల్లోంచి మళ్లీ మళ్లీ మెయిన్‌రోడ్లపైకి వస్తూ బైక్‌లపై స్టంట్లు చేశారు ఈ కుర్రాళ్లు. ముందుచక్రం గాల్లో లేపి డ్రైవ్ చేస్తూ ఒళ్లుగగుర్పొడిచేలా ఫీట్లు చేస్తున్నారు. పాతికేళ్ళు కూడా నిండని కుర్రాళ్లు ఇలా అర్థరాత్రిళ్లు రోడ్లపైకి వచ్చి ఈ ఫీట్లు చేస్తుండడంతో  మిగతా వాళ్ళు టెన్షన్ తో ఇబ్బందిపడ్డారు. అయితే ఇదేం కొత్త కాకపోయినా.. ఇలా ప్రవర్తించే కుర్రాళ్లను పట్టుకుని కౌన్సెలింగ్ ఇస్తున్నారు హైదరాబాద్ ట్రాఫిక్ పోలీసులు.

ఈనెల 23న కాంగ్రెస్ లోకి కొండా.. మరో ఇద్దరు చేరతారంటూ..

Submitted by nanireddy on Wed, 11/21/2018 - 07:49

టీఆర్‌ఎస్‌ పార్టీకి రాజీనామా చేసిన కొండా విశ్వేశ్వర్‌రెడ్డి కాంగ్రెస్ లో చేరేందుకు ముహూర్తం సిద్ధం చేసుకున్నారు. ఈనెల 23న సోనియాగాంధీ సమక్షంలో మేడ్చల్‌లో జరిగే బహిరంగసభలో కాంగ్రెస్‌ పార్టీలో చేరనున్నారు. కొంతకాలంగా కొండా టీఆర్‌ఎస్‌ ను వీడతారన్న వార్తలు వస్తున్నాయి. నిన్న(మంగళవారం) ఆయన పార్టీకి రాజీనామా చేస్తూ నిర్ణయం తీసుకున్నారు. అయితే టీఆర్ఎస్ కు ఎందుకు రాజీనామా చేయవలసి వచ్చిందో ఒక లేక రూపంలో వివరించారు. అయితే కొండా సరైన సమయం కోసం వేచిచూశారని, అందులో భాగంగానే కాంగ్రెస్‌ పార్టీలో చేరుతున్నారని గాంధీభవన్‌ వర్గాలు వెల్లడించాయి.

రెండు కాదు.. మూడు వికెట్లు: రేవంత్‌

Submitted by chandram on Tue, 11/20/2018 - 19:55

అధికార పార్టీ టీఆర్ఎస్ నుండి ఇద్దరు ఎంపీలు కాంగ్రెస్ గూటికి రానున్నరని ఇటివల చేసిన ప్రకటన ఇప్పుడు చూస్తే అర్థంమైతుందని రేవంత్ రెడ్డి తెలిపారు. చేవెళ్ల ఎంపీ కొండ విశ్వేర్ రెడ్డి టీఆర్ఎస్ పార్టీకి పంగా నామాలు పెట్టి రాజీనామా లేఖ కల్వకుంట్ల చంద్రశేఖరరావుకు పంపించారు. అయితే విశ్వేశ్వేర్ రెడ్డి రాజీనామాపై కాంగ్రెస్‌ కార్యనిర్వాహక అధ్యక్షుడు రేవంత్‌ రెడ్డి స్పందిస్తూ త్వరలో ముచ్చటగా మరో ఇద్దరు రాజీనామా చేసే అవకాశం ఉందని రేవంత్ రెడ్డి స్ఫష్టంచేశారు. వచ్చే నెల డిసెంబర్ 7లోపు రెండు వికెట్లు పడటం ఖాయామని చెప్పిను ఇప్పుడు మూడు వికెట్లు పడుతాయని తెలిపారు.

ఎన్నికల వేళ ఆడియో టేపులు కలకలం

Submitted by chandram on Tue, 11/20/2018 - 19:13

ఎన్నికల వేళ ఆడియో టేపులు కలకలం సృష్టిస్తున్నాయి. కాంగ్రెస్, ఎం.ఐ.ఎం నేతల మధ్య సాగిన ఫోన్ సంభాషణలు హాట్ టాపిక్ గా మారాయి. నిర్మల్ లో ఎం.ఐ.ఎం సభ జరుగకుండా ఉండేందుకు కాంగ్రెస్ 25 లక్షలు ఆఫర్ చేసినట్లు ఆడియో టేపుల ద్వారా తెలుస్తోంది. ఈ విషయాన్ని అసదుద్దీన్ సభలో బహిరంగ పరిచారు. నామినేషన్లు ముగిసి ఎన్నికల ప్రచారం ఊపందుకున్న వేళ రాజకీయ దుమారం రేగుతోంది. ఒక పార్టీపై మరో పార్టీ ఆరోపణలు ప్రత్యారోపణలు చేసుకుంటున్నారు. సోమవారం నిర్మల్ లో ఎం.ఐ.ఎం. బహిరంగ సభ నిర్వహించింది. అయితే ఈ సభకు ముఖ్యఅతిథిగా ఎం.ఐ.ఎం. అధ్యక్షుడు అసదుద్దీన్ ఓవైసీ హాజరయ్యారు.

నా రాజీనామాకు ఐదు కారణాలు...

Submitted by chandram on Tue, 11/20/2018 - 18:57

ఎన్నికల వేళ టీఆర్ఎస్‌కు ఊహించని షాక్ తగిలింది. చేవేళ్ల నుంచి ప్రాతినిథ్యం వహిస్తున్న ఎంపీ కొండా విశ్వేశ్వర రెడ్డి పార్టీకి రాజీనామా చేశారు. ఈ మేరకు సీఎం కేసీఆర్‌కు రాజీనామా లేఖ పంపారు . వారం క్రితమే పార్టీకి రాజీనామా చేస్తారంటూ  వార్తలు వినిపించినా స్వయంగా విశ్వేశ్వర రెడ్డే ఖండించడంతో అంతా సద్దుమణిగిందనుకున్నారు. అనూహ్యంగా ఈ రోజు  రాజీనామా లేఖను పంపడంతో ఒక్కసారిగా రాజకీయ వాతావరణం వేడెక్కింది. సీఎం కేసీఆర్‌కు మూడు పేజీల లేఖ రాసిన ఆయన పలు అంశాలను ఇందులో ప్రస్తావించారు. తాజా పరిణామాలపై రేపు మీడియా సమావేశం నిర్వహించనున్నట్టెు  కొండా విశ్వేశ్వర్ రెడ్డి ప్రకటించారు.  

మొత్తం 3వేల 583 నామినేషన్లు దాఖలు: సీఈవో రజత్ కుమార్

Submitted by chandram on Tue, 11/20/2018 - 18:33

తెలంగాణలో వచ్చే ఎన్నికలను దృష్టిపెట్టుకొని ఓటింగ్ శాతం పెంచడంమే లక్ష్యంగా అవగాహన కార్యక్రమాలు చేపడుతున్నామని రాష్ట్రఎన్నికల ప్రధానధికారి రజత్ కుమార్ తెలిపారు. ఓటర్ స్లీప్ పంపీణీ మొదలు పెట్టి కుటుంబసభ్యులకే ఇవ్వాలని ఆదేశించారు. పోలింగ్ స్టేషన్ల పెంపు, మార్పునకు విజ్ఞప్తులు వచ్చాయి. తెలంగాణ రాష్ట్రంలో 32వేల 796 పోలింగ్ స్టేషన్లు ఉన్నాయి. సర్వీస్ ఓటర్లు 9వేల 445 మంది. లక్షా 60వేల 509 మంది పోలింగ్ సిబ్బందిని అవసరమవుతారని తెలిపారు. పోలింగ్ రోజు 30వేల మంది పోలీసులతో భారీ బందోబస్తు నిర్వహిస్తమని  తెలిపారు. కాగా తెలంగాణలో మొత్తం 3వేల 538 నామినేషన్లు దాఖలైనట్లు వెల్లడించారు.

టీఆర్‌ఎస్‌కు భారీ షాక్...

Submitted by arun on Tue, 11/20/2018 - 17:58

తెలంగాణ అసెంబ్లీ ఎన్నికలకు ముందు టీఆర్‌ఎస్‌కు భారీ షాక్ తగిలింది. చేవెళ్ల ఎంపీ కొండా విశ్వేశ్వరరెడ్డి టీఆర్ఎస్‌కు రాజీనామా చేశారు. తన రాజీనామా లేఖను తెలంగాణ భవన్‌కు పంపించారు. రాజీనామాకు గల కారణాలను బుధవారం మీడియా సమావేశంలో ప్రకటిస్తామని చెప్పారు. కొన్నాళ్లుగా పార్టీలో జరుగుతున్న పరిణామాలతో అసంతృప్తితో ఉన్న ఆయన పార్టీకి రాజీనామా చేస్తున్నట్లు పేర్కొన్నారు.

కేసీఆర్‌ సర్కార్‌పై సినీ నటి ఖుష్బూ విమర్శలు

Submitted by arun on Tue, 11/20/2018 - 17:41

టీఆర్ఎస్ పాలనంతా అక్రమాలపుట్టగా మారిందని సినీ నటి, కాంగ్రెస్ నేత ఖుష్బూ అన్నారు. అధికారంలోకి రావడానికి ఎన్నో హామీలు ఇచ్చిన కేసీఆర్ నాలుగున్నరేళ్ళకు కూడా మాట నిలబెట్టుకోలేదని తప్పు పట్టారు. కేసీఆర్‌కు అధికారం దక్కగానే ఆయనలో దుర్బుద్ధి ప్రారంభమై ఒక్క మంచి పనీ చేయలేదని తెలంగాణ ఎన్నికల ప్రచారంలో భాగంగా గాంధీ భవన్‌‌కు వచ్చిన ఖుష్బూ అన్నారు. తెలంగాణ ఏర్పాటు తర్వాత కేసీఆర్ కుటుంబానికి తప్ప మరెవకీ మేలు జరగలేదని ఖుష్బూ విమర్శించారు. రూ.300 కోట్లతో ప్రగతిభవన్‌ కట్టుకున్న కేసీఆర్‌కు సొంత కారులేదట! అని ఖుష్బూ ఆశ్చర్యంవ్యక్తం చేశారు.

కేటీఆర్, చెన్నమనేని రమేశ్‌ను భారీ మెజార్టీతో గెలిపించాలి..

Submitted by arun on Tue, 11/20/2018 - 17:35

తెలంగాణలో రాబోయే రోజుల్లో కోటి ఎకరాలకు సాగునీరందిస్తామన్నారు సీఎం కేసీఆర్. ప్రస్తుతం పండించిన పంటలకు గిట్టుబాటు ధర రావడంలేదని సిరిసిల్లలో జరిగిన ఎన్నికల ప్రచార సభలో కేసీఆర్ ఆవేదన వ్యక్తం చేశారు. పంటలకు గిట్టుబాటు ధర కల్పించేలా తెలంగాణ వ్యాప్తంగా ఆహార శుద్ది కేంద్రాలు ఏర్పాటు చేస్తామన్న కేసీఆర్ ఇందులో IKP మహిళా సంఘాల్ని భాగస్వామ్యం చేస్తామని చెప్పారు. IKP మహిళా సంఘాల్లో పని చేసే వారిని శాశ్వాత ఉద్యోగులుగా మార్చి ఫుడ్ ప్రాసెసింగ్ యూనిట్లలో పని కల్పిస్తామని హామీ ఇచ్చారు.

అసదుద్దీన్ ఆరోపణలపై స్పందించిన మహేశ్వర్‌రెడ్డి

Submitted by arun on Tue, 11/20/2018 - 16:32

నిర్మల్‌లో ఎంఐఎం అధినేత అసదుద్దీన్ చేసిన‌ అరోపణలను డిసీసీ అధ్యక్షుడు మహెశ్వర్ రెడ్డి ఖండించారు. నిర్మల్  ఎన్నికల ప్రచారానికి రావద్దని ఇరవై ఐదు లక్షల రూపాయల ఆఫర్‌ చేశానని అసదుద్దీన్ చేసిన‌ వ్యాఖ్యలపై మహేశ్వర్ రెడ్డి మండిపడ్డారు. ఆఫర్ చేసినట్లు ఆధారాలు బయట పెట్టాలని సవాల్ చేశారు‌. ఆరోపణలు నిజమైతే ఎన్నికల నుండి తప్పుకోవడమే కాదు, రాజకీయ సన్యాసం తీసుకుంటానని అన్నారు. అసదుద్దీన్ సభకు జనం రాకపోవడం వల్ల ఇలాంటి వ్యాఖ్యలు చేశారని  విమర్శించారు. అసదుద్దీన్ స్థాయి రూ.25లక్షలు అని తాము భావించడం లేదని అన్నారు. అసద్‌కు డబ్బు ఇవ్వాల్సిన అవసరం తమకు లేదని మహేశ్వర్‌రెడ్డి స్పష్టం చేశారు.