Telangana

కేసీఆర్ ఆసక్తికర వ్యాఖ్యలు...టీఆర్‌ఎస్‌‌ను కాంగ్రెస్‌లో విలీనం చేయమని కోరారు

Submitted by arun on Wed, 12/12/2018 - 18:12

మీడియా చిట్‌చాట్‌లో కేసీఆర్ ఆసక్తికర వ్యాఖ్యలు చేశారు. తెలంగాణ రాష్ట్రం ఇచ్చాక సోనియాకు కృతజ్ఞతలు తెలిపేందుకు వెళ్లగా టీఆర్‌ఎస్‌‌ను కాంగ్రెస్‌లో విలీనం చేయమని కోరారని తెలిపారు. అయితే తనను టీపీసీసీ అధ్యక్షుడ్ని చేయమని అడిగానని, అయితే తన ప్రతిపాదనను సోనియా తిరస్కరించారని అన్నారు. అలాగైతే టీఆర్‌ఎస్‌‌ను విలీనం చేసినా కాంగ్రెస్‌‌‌కు ప్రయోజనం ఉండదని చెప్పానన్నారు. అయితే తెలంగాణ రాష్ట్రం ఇచ్చాక అసలు టీఆర్‌ఎస్‌ ఉనికే ఉండదని హేళన చేశారని, అదే సమయంలో తమ నేతలను కాంగ్రెస్‌‌లోకి లాక్కుని అవమానించారని చెప్పారు. 

నా అనుచరులను ఇబ్బంది పెట్టొద్దని టీఆర్‌ఎస్‌‌ను కోరుతున్నా

Submitted by arun on Wed, 12/12/2018 - 18:06

ప్రజా తీర్పును గౌరవించి ఓటమిని స్వీకరిస్తున్నట్లు కోమటిరెడ్డి వెంకట్‌రెడ్డి అన్నారు. ప్రజలను డబ్బుతో ప్రలోభాలకు గురిచేశారన్న కోమటిరెడ్డి పదవి లేకున్నా ప్రజలకు సేవ చేస్తానన్నారు. కార్యకర్తలు అధైర్యపడొద్దని ఎవరికి ఏ సమస్య వచ్చినా అండగా ఉంటానంటా భరోసా ఇచ్చారు. తన అనుచరులను ఇబ్బంది పెట్టొద్దని అధికార పార్టీ నేతలను కోరారు. అయితే నల్గొండను కేసీఆర్‌‌ దత్తత తీసుకుని అభివృద్ధి చేయాలని కోరారు కోమటిరెడ్డి వెంకట్‌రెడ్డి‌. ఎన్నికల్లో గెలుపొందిన ఎమ్మెల్యేలకు కోమటిరెడ్డి అభినందనలు తెలిపారు.

రాబోయే ఎన్నికలకు సిద్ధమవుతున్నాం: ఎల్ రమణ

Submitted by arun on Wed, 12/12/2018 - 17:49

దేశ రాజకీయాల్లో పెను మార్పులకు తెలంగాణ ప్రజాకూటమి దోహదపడుతుందన్నారు టీటీడీపీ అధ్యక్షుడు ఎల్.రమణ. రాబోయే ఎన్నికలకు సిద్ధమవుతున్నామని తెలిపారు. తెలుగుదేశం పార్టీపై బీజేపీ కుట్రలకు పాల్పడుతోందని తమను విమర్శించే హక్కు బీజేపీ నేతలకు లేదని అన్నారు. అధికారపక్ష దూకుడును కొంతవరకు అడ్డుకున్నామని తెలిపారు. గెలుపు, ఓటములు రాజకీయాల్లో సాధారణమే అని చెప్పారు.  ప్రజాస్వామ్య గొంతుకగా టీడీపీ పని చేస్తుందని తెలిపారు. హైదరాబాదులోని ఎన్టీఆర్ ట్రస్టు భవన్ లో మీడియాతో మాట్లాడుతూ ఆయన ఈ వ్యాఖ్యలు చేశారు. ఈ సందర్భంగా ఎన్నికల్లో గెలుపొందిన కేసీఆర్ కు శుభాకాంక్షలు తెలిపారు.

కేసీఆర్‌ రాజీనామా

Submitted by arun on Wed, 12/12/2018 - 17:27

తెలంగాణ రాష్ట్ర సమితి శాసనసభాపక్ష నాయకుడిగా కేసీఆర్‌ ఏకగ్రీవంగా ఎన్నికయ్యారు. తెలంగాణ భవన్‌లో సమావేశమైన టీఆర్‌ఎస్‌ ఎమ్మెల్యేలు కేసీఆర్‌‌ను టీఆర్‌ఎస్‌‌ఎల్పీ నేతగా ఎన్నుకున్నారు. తనను శాసనసభా పక్ష నాయకుడిగా ఏకగ్రీవంగా ఎన్నుకున్న ఎమ్మెల్యేలకు టీఆర్‌ఎస్‌ అధినేత కేసీఆర్‌ ధన్యవాదాలు తెలిపారు. రాజ్‌భవన్‌లో గవర్నర్‌‌ను కలిసిన టీఆర్‌ఎస్‌ ఎమ్మెల్యేలు కేసీఆర్‌‌ను టీఆర్‌ఎస్‌ శాసనసభాపక్ష నాయకుడిగా ఎన్నుకున్నట్లు తెలిపారు. టీఆర్‌ఎస్‌‌ఎల్పీ నేతగా కేసీఆర్‌‌‌ ఏకగ్రీవంగా ఎన్నికైన ప్రతిని నర్సింహన్‌‌కు అందజేసి ప్రభుత్వ ఏర్పాటుకు టీఆర్‌ఎస్‌‌ను ఆహ్వానించాలని కోరారు.

హోదా విషయంలో బాబు మూర్ఖంగా మాట్లాడుతున్నారు : కేసీఆర్‌

Submitted by arun on Wed, 12/12/2018 - 16:52

ప్రత్యేక హోదాపై ఏపీ సీఎం చంద్రబాబుకే క్లారిటీ లేదని టీఆర్‌ఎస్ అధినేత కేసీఆర్‌ విమర్శించారు. ప్రత్యేక హోదాతో వచ్చేది ఏముందని పెద్ద పెద్ద డైలాగులు కొట్టారని, హోదా విషయంలో బాబు మూర్ఖంగా మాట్లాడుతున్నారని ఆయన ఆరోపించారు. ప్రత్యేక హోదా అడిగేవాళ్లు మూర్ఖులని చంద్రబాబు అన్నారని, ఇప్పుడు ఆయనే హోదా అడుగుతున్నారని కేసీఆర్‌ గుర్తుచేశారు. తెలంగాణ సీఎం కేసీఆర్‌ జర్నలిస్టులకు తీపి కబురు చెప్పారు. పెండింగ్‌లో ఉన్న ఇళ్ల స్థలాల సమస్యలను త్వరలోనే పరిష్కరించి రాష్ట్ర, జిల్లా స్థాయి జర్నలిస్టులకు ఇళ్ల స్థలాలను కేటాయిస్తామని స్పష్టం చేశారు.

త్వరలోనే పంచాయతీ ఎన్నికలు : సీఎం కేసీఆర్

Submitted by arun on Wed, 12/12/2018 - 16:34

తెలంగాణలో త్వరలోనే పంచాయతీ ఎన్నికలు జరుగుతాయని సీఎం కేసీఆర్ ప్రకటించారు. వారం రోజుల్లో పంచాయతీరాజ్ ఎన్నికలపై నోటిఫై చేస్తామని తెలిపారు. పంచాయతీ ఎన్నికలపై హైకోర్టు తీర్పును అమలు చేస్తామన్న కేసీఆర్‌ పంచాయతీరాజ్ ఎన్నికలకు సమాయత్తం కావాలని ఎమ్మెల్యేలకు ఆదేశాలిచ్చామన్నారు.100 రోజుల్లో పంచాయతీ ఎన్నికలను పూర్తి చేయాలని కోర్టు ఆదేశాలివ్వడంతో ప్రభుత్వం ఏర్పడి ఉండాలి కాబట్టి తనతో పాటు మరొకరు రేపు ప్రమాణస్వీకారం చేసే అవకాశం ఉంది. ఐదారు రోజుల్లో మిగతా వారు ప్రమాణస్వీకారం చేసి మంత్రివర్గాన్ని ఏర్పాటు చేసుకుంటామని కేసీఆర్ స్పష్టం చేశారు.

రైతుబంధు దేశవ్యాప్తంగా అమలు చేస్తాం: కేసీఆర్

Submitted by arun on Wed, 12/12/2018 - 16:13

తెలంగాణ ముందస్తు ఎన్నికల్లో భారీ మెజారిటీతో ఘన విజయం సాధించిన టీఆర్‌ఎస్‌ అధినేత కె.చంద్రశేఖరరావు ఆ పార్టీ శాసభసభా పక్షనేతగా బుధవారం ఏకగ్రీవంగా ఎన్నికయ్యారు. ఈ సందర్భంగా తెలంగాణ భవన్‌లో ఏర్పాటు చేసిన విలేకరుల సమావేశంలో మాట్లాడుతూ... ఎన్నికల సంఘం పూర్తి గెజిట్‌ విడుదలైన తర్వాతే ప్రభుత్వం ప్రమాణ స్వీకారం చేస్తుందని తెలిపారు. తాను ముఖ్యమంత్రిగా తెలంగాణలో ప్రవేశ పెట్టిన రైతుబంధు పథకాన్ని దేశవ్యాప్తంగా అమలు చేస్తామని కేసీఆర్ అన్నారు. బుధవారం ఏర్పాటు చేసిన మీడియా సమావేశంలో ఆయన మాట్లాడుతూ రైతుబంధు పథకం దేశ వ్యాప్తంగా అమలు చేస్తే ఎంత పెట్టుబడి అవుతుందో తనకు ఒక అంచనా ఉందని పేర్కొన్నారు.

నాతో పాటు మరొకరు ప్రమాణం చేస్తారు: కేసీఆర్‌

Submitted by arun on Wed, 12/12/2018 - 15:25

టీఆర్ఎస్ గెలవాల్సింది 88 కాదని, 106 సీట్లన్నారు సీఎం కేసీఆర్‌. మీడియాతో చిట్‌చాట్‌ నిర్వహించిన కేసీఆర్‌ చిన్న చిన్న లోపాల వల్లే కొన్ని సీట్లు కోల్పోయామని తెలిపారు. తనతో పాటు మరొకరు ప్రమాణం చేస్తారని చెప్పారు. ఇప్పటివరకు అసెంబ్లీలో తానే సీనియర్‌నని తన తర్వాత రెడ్యానాయక్‌, దయాకర్‌రావు సీనియర్లని కేసీఆర్‌ అన్నారు. ఖమ్మంలో తమ పార్టీ అంతర్గత విబేధాల వల్లే ఓడిపోయామని పేర్కొన్నారు. గెలిచిన వాళ్లే కాదు గెలవని వాళ్లు కూడా తనకు ముఖ్యమేనని స్పష్టం చేశారు. గెలవని వాళ్లను కూడా కలవాలి వాళ్లతో మాట్లాడాలి అని కేసీఆర్ చెప్పారు. తమ పార్టీలో ఇంకా చాలా మంది చేరబోతున్నారని కేసీఆర్ పేర్కొన్నారు.
 

లగడపాటి సర్వేల సన్యాసం తీసుకోవాల్సిందే: రోజా

Submitted by arun on Wed, 12/12/2018 - 14:41

తెలుగు దేశం పార్టీని ఆంధ్రప్రదేశ్ ప్రజలు తరిమికొడుతారని అందుకు సిద్ధంగా ఉన్నారని వైసీపీ ఎమ్మెల్యే రోజా స్పష్టం చేశారు. తెలంగాణలో కాంగ్రెస్ అధికారంలోకి రాకపోవడానికి చంద్రబాబే కారణమని చెప్పిన ఆమె బాబు రాజకీయ నేరగాడు, చేతగాని దద్ధమ్మ అని ధ్వజమెత్తారు. తెలంగాణలో వచ్చిన ఫలితాలను చూసి ఏపీ ప్రజలు సంతోషపడ్డారని రోజా పేర్కొన్నారు.  లగడపాటి సర్వేల సన్యాసం తీసుకోవాల్సిందే అని వైసీపీ ఎమ్మెల్యే రోజా వ్యాఖ్యానించారు. తెలంగాణ ప్రజల హక్కుల్ని కేసీఆర్‌ సాధించారని కొనియాడారు. జగన్‌ని ఆశీర్వదించిన రోజునే రాజన్న రాజ్యం వస్తుందన్నారు. గ్రామాల్లో టీడీపీ వాళ్లు కనిపించే పరిస్థితి ఉండదని తెలిపారు.

Tags

శాసనసభా పక్ష నేతగా కేసీఆర్‌ ఏకగ్రీవ ఎన్నిక

Submitted by arun on Wed, 12/12/2018 - 14:13

టీఆర్ఎస్ శాసనసభాపక్ష నేతగా కేసీఆర్ ఏకగ్రీవంగా ఎన్నికయ్యారు. కొత్తగా ఎన్నికైన 88 మంది శాసన సభ్యులు తెలంగాణ భవన్లో కేసీఆర్‌ను తమ నేతగా ఎన్నుకున్నారు. తర్వాత టీఆర్‌ఎస్‌ఎల్పీ చేసిన తీర్మానాన్ని కేసీఆర్ స్వయంగా గవర్నర్ నరసింహన్‌కు సమర్పిస్తారు. ప్రభుత్వ ఏర్పాటుకు గవర్నర్‌ను అనుమతి కోరతారు. రేపు మధ్యాహ్నం రాజ్‌భవన్‌లో ప్రమాణ స్వీకారం చేస్తారు. తెలంగాణ ఎన్నికల్లో అఖండ విజయాన్ని సొంతం చేసుకున్న టీఆర్‌ఎస్‌ అధినేత కేసీఆర్ రేపు రెండోసారి సీఎంగా బాధ్యతలు చేపడతారు. రేపు మధ్యాహ్నం ఒకటిన్నరకు కేసీఆర్ పదవీ ప్రమాణం చేస్తారు. కేసీఆర్ జాతక రీత్యా పండితులు ఈ ముహూర్తాన్ని ఖరారు చేశారు.