CM Chandrababu Naidu

తిరుపతి మెట్లెక్కి బాబు ఓడిపోవాలని మొక్కుకుంటా!

Submitted by arun on Wed, 06/13/2018 - 15:41

టీడీపీ అధినేత చంద్రబాబుపై నిప్పులు చెరిగారు ఆ పార్టీ బహిష్కృత నేత మోత్కుపల్లి .  చంద్రబాబు తన పాలనతో ఏపీని  అవినీతి ప్రదేశ్‌గా మార్చారని మండిపడ్డారు. కులాల మధ్య చిచ్చు పెడుతూ పబ్బం గడుపుకుంటున్నారని ఆరోపించారు.  ఎన్టీఆర్‌ కుటుంబాన్ని మోసం చేసిన చంద్రబాబు‌... టీడీపీని నందమూరి ఫ్యామిలీకి  అప్పగించాలని... లేదంటే ప్రజలే వచ్చే ఎన్నికల్లో బుద్దిచెబుతారని ధ్వజమెత్తారు.  ప్రజాభీష్టం మేరకు వచ్చే ఎన్నికల్లో ఆలేరు నుంచే పోటీ చేస్తానన్న ఆయన  చంద్రబాబు ఓడిపోవాలని  మోకాళ్ల నొప్పులు ఉన్నా సరే  తిరుమల మెట్లు ఎక్కి మరీ మొక్కులు చెల్లించుకుంటానని అన్నారు.

కడప జిల్లా నాయకులకు క్లాస్ పీకిన చంద్రబాబు

Submitted by arun on Tue, 06/12/2018 - 11:52

ఎంపీ సీఎం రమేష్-వరదరాజులు రెడ్డి వివాదంపై కడప జిల్లా టీడీపీ నాయకులకు చంద్రబాబు క్లాస్ పీకారు. కలిసి పనిచేసుకోకుండా కలహాలేంటని ఆగ్రహం వ్యక్తం చేశారు. నేతల మధ్య ఈ తరహా విభేదాలు కరెక్ట్ కాదన్న బాబు... రాజకీయాల్లో ఇష్టారాజ్యంగా ప్రవర్తిస్తే.. బీజేపీకి పట్టిన దుర్గతే పడుతుందని సూచించారు.

వైసీపీ... ఓ డ్రామాల పార్టీ

Submitted by arun on Tue, 06/05/2018 - 17:07

వైసీపీ... ఓ డ్రామాల పార్టీ అన్నారు ముఖ్యమంత్రి చంద్రబాబునాయుడు. వైసీపీ ఎంపీల రాజీనామాలు కూడా డ్రామాలేనన్న చంద్రబాబు ఉపఎన్నికలు రాకూడదనే రాజీనామాలు ఆమోదించుకోవడం లేదని ఆరోపించారు. బీజేపీ, వైసీపీ కలిసి డ్రామాలు ఆడుతున్నాయన్న చంద్రబాబు స్పీకర్‌ను కలిసి రాజీనామాలు ఆమోదించకుండా కుట్రలు చేస్తున్నారని మండిపడ్డారు. రాజీనామాలు ఆమోదించుకుని వస్తే టీడీపీ సత్తా ఏంటో చూపిస్తామన్నారు. ఉపఎన్నికలు వచ్చుంటే బీజేపీ, వైసీపీని చిత్తుచిత్తుగా ఓడిస్తామన్న చంద్రబాబు 2019 ఎన్నికలు ఎలా ఉండేవో ఇప్పుడే తేలిపోయేదన్నారు.

అశోక్‌బాబు ప్రజాసేవలోకి రా.. : చంద్రబాబు

Submitted by arun on Sat, 06/02/2018 - 15:21

ఏపీ ఎన్జీవో ఉద్యోగ సంఘం అధ్యక్షుడు అశోక్‌బాబు మరో ఏడాదిలో రిటైరవుతున్నారని, కాబట్టి ప్రజాసేవలోకి (రాజకీయాల్లోకి) రమ్మని ఆయనను ఆహ్వానిస్తున్నానని ముఖ్యమంత్రి చంద్రబాబునాయుడు అన్నారు. విజయవాడ బెంజ్‌ సర్కిల్‌లో చేపట్టిన నవనిర్మాణ దీక్షలో ఆయన పాల్గొని ప్రసంగించారు. తిరుమల ఆలయంలో వజ్రం పోయిందంటున్నారని, ఈ విషయంలో సీబీఐ విచారణ పేరుతో అప్రతిష్టపాలు చేయాలనుకుంటున్నారని ఆయన చెప్పుకొచ్చారు. సాక్షాత్తు వేంకటేశ్వరస్వామిని కూడా తానే కాపాడతానని అన్నారు. సీబీఐ మాజీ జేడీ లక్ష్మీనారాయణ కూడా బీజేపీలో ఉన్నట్టే మాట్లాడుతున్నారని అన్నారు.

చంద్ర‌బాబు బ్లేమ్ గేమ్ బాగానే ఆడుతున్నారే : ప్రకాష్ జవదేకర్

Submitted by lakshman on Wed, 04/04/2018 - 20:19

ఏపీకి ప్ర‌త్యేక‌హోదా, ఎన్డీఏపై అవిశ్వాస తీర్మానం, కేంద్రం ఏపీకి చేస్తున్న సాయంపై ఏపీ సీఎం చంద్ర‌బాబు ఢిల్లీ ప‌ర్య‌ట‌న చేస్తున్నారు. ఇందులో భాగంగా ఢిల్లీలో బీజేపీయేత‌ర పార్టీల‌కు చెందిన ముఖ్య‌మంత్రుల్ని, ఎంపీల‌తో భేటీ అవుతున్నారు. కేంద్రం తీరును తూర్పార‌బ‌డుతున్నారు.  కేంద్ర ప్రభుత్వం ఏపీ రాష్ట్రానికి ఎలాంటి సహయం చేయలేదని విమర్శలు గుప్పిస్తున్నారు. ఆ విమ‌ర్శ‌ల‌పై  బీజేపీ కేంద్ర‌మంత్రి ప్ర‌కాష్ జ‌వ‌దేక‌ర్ ఘాటుగా స్పందించారు. 

శ్రీదేవి మృతిపై చంద్రబాబుకూ డౌటా?

Submitted by arun on Wed, 02/28/2018 - 16:35

దిగ్గజ నటి శ్రీదేవి మరణంపై అనేక రకాల అనుమానాలు పొడసూపిన వేళ ఏపీ సీఎం చంద్రబాబు కూడా ఆ ప్రభావంతో కొంత అనుమానాస్పదంగా మాట్లాడారు. తెలుగు తెరపై ఒక వెలుగు వెలిగిన ఆ నటికి నివాళిగా నిన్న టీడీపీ సమన్వయ కమిటీ సమావేశంలో రెండు నిమిషాలు మౌనం పాటించారు. అనంతరం చంద్రబాబు చంద్రబాబు సహా టీడీపీ నేతలు సంతాపం తెలిపారు. ఈ సందర్భంగా చంద్రబాబు నాయుడు మాట్లాడుతూ... ఆమె ప్రపంచ వ్యాప్తంగా అభిమానులను సంపాదించుకోవడం అరుదైన అంశమని కొనియాడారు. అదే సమయంలో శ్రీదేవి మృతి పట్ల రకరకాల వాదనలు వస్తున్నాయని అన్నారు.

కేంద్రంపై విరుచుకుప‌డ్డ సీఎం చంద్ర‌బాబు

Submitted by arun on Mon, 02/19/2018 - 15:26

సీఎం చంద్రబాబు మరోసారి కేంద్రంపై విరుచుకుపడ్డారు. విభజన చట్టంలో పేర్కొన్న అనేక హామీలు అమలు కావడం లేదని, సమస్యలు ఎందుకు పరిష్కరించడం లేదో కేంద్రం ప్రజలకు సమాధానం చెప్పాల్సిన అవసరం ఉందని అన్నారు. ప్రజల మనోభావవాలు దెబ్బతినకుండా కేంద్ర వ్యవహరించాలని సూచించారు.

ప్రతిపక్ష నేత జగన్‌పైనా సీఎం మండిపడ్డారు. కేంద్రంపై అవిశ్వాసమంటున్న జగన్‌ అసెంబ్లీ, పార్లమెంట్‌ చట్టాలు తెలుకొని మాట్లాడాలని హితవు పలికారు. టీడీపీ దూరమైతే బీజేపీతో పొత్తు పెట్టుకోవాలని వైసీపీ ప్రయత్నిస్తోందని చంద్రబాబు ఆరోపించారు. 

సీఎం కేసీఆర్, సీఎం చంద్ర‌బాబుపై క్రిమిన‌ల్ కేసు న‌మోదు

Submitted by lakshman on Tue, 02/13/2018 - 09:02

దేశంలోని వివిధ రాష్ట్రాలు, కేంద్రపాలిత ప్రాంతాల 31 మంది ముఖ్యమంత్రులలో 11 మంది (35శాతం)పై క్రిమినల్ కేసులున్నాయి. ఇది ఏ రాజకీయ నాయకుడో చేసిన ఆరోపణ కాదు... నామినేషన్ల దాఖలు సందర్భంగా అభ్యర్థులు దాఖలు చేసే ఎన్నికల ప్రమాణ పత్రాలలో స్వయంగా వారే పేర్కొన్న వాస్తవం. ఈ విషయాన్ని ప్రజాస్వామ్య సంస్కరణల సంఘం (ఏడీఆర్), జాతీయ ఎన్నికల పరిశీలన సంస్థ (ఎన్‌ఈడబ్ల్యూ)ల సంయుక్త నివేదిక వెల్లడించింది. ఈ జాబితాలో...

రాష్ట్రంలో టీడీపీని ఓడించే శక్తి ఏపార్టీకి లేదు: చంద్రబాబు

Submitted by arun on Sun, 01/21/2018 - 15:07

ఏపీలో టీడీపీని ఓడించే శక్తి ఏ పార్టీకి లేదని సీఎం చంద్రబాబునాయుడు అన్నారు. గుంటూరు జిల్లా ఉండవల్లిలోని చంద్రబాబు నివాసంలో టీడీపీ ఒకరోజు వర్క్ షాప్ జరిగింది. ఎంపీలు, ఎమ్మెల్యేలు, కార్యకర్తలు పాల్గొన్న ఈ వర్క్ షాప్ లో చంద్రబాబు మాట్లాడుతూ, ఎన్నికలంటే గతంలో ప్రభుత్వ వ్యతిరేకత మీద ఆధారపడి ఉండేవని, ఇప్పుడు అలా లేదని, పనితీరునే ప్రజలు ప్రమాణంగా తీసుకుంటున్నారని అన్నారు.
నేతల పనితీరు బాగుంటే ప్రజలు నిరంతరం ఆదిరిస్తారని, భవిష్యత్తును దృష్టిలో పెట్టుకుని నాయకులు ప్రణాళికలు రచించుకోవాలని ఈ సందర్భంగా చంద్రబాబు సూచించారు.