andhra pradesh

15 రూపాయలకే 3 పూటలా ఆహారం...రూ. 73 ఖరీదైన ఆహారం రూ. 15 కే అందచేత

Submitted by arun on Wed, 07/11/2018 - 18:13

పేదలకు తక్కువ ధరకే ఆహారం అందించే అన్న క్యాంటీన్లు ఆంధ్ర ప్రదేశ్‌లో ప్రారంభమయ్యాయి.మూడుపూటలా కలిపి 73 రూపాయలు ఖర్చయ్యే ఆహారాన్ని ప్రభుత్వం 15 రూపాయలకే అందిస్తోంది. తొలి విడతగా రాష్ట్రవ్యాప్తంగా 60 క్యాంటీన్లకు శ్రీకారం చుట్టారు. చౌక ధరలకే భోజనాన్ని అందించాలన్న లక్ష్యంతో ఆంధ్రప్రదేశ్‌ ప్రభుత్వం అన్న క్యాంటీన్లను ప్రారంభించింది. విజయవాడ భవానీపురంలో ముఖ్యమంత్రి చంద్రబాబు అన్న క్యాంటీన్‌‌ పథకానికి శ్రీకారం చుట్టారు. తర్వాత అక్కడి మహిళలతో కలిసి సీఎం భోజనం చేశారు. 

నిజంగా జనసేనపై కులముద్ర వేసే కుట్ర జరుగుతోందా?

Submitted by arun on Sat, 07/07/2018 - 09:27

జనసేన అధినేత పవన్ కల్యాణ్, పోరాట యాత్ర పేరుతో ఆంధ్రప్రదేశ్‌ అంతా తిరుగుతున్నారు. భారీగా జనం తరలివస్తున్నారు. పట్టణాలు, గ్రామాలు, కొండాకోనల్లోని గిరిజనుల దగ్గరకూ వెళ్లి అందర్నీ పలకరిస్తున్నారు పవన్. తెలుగుదేశం ప్రభుత్వమే లక్ష్యంగా విమర్శల బాణాలు సంధిస్తున్నారు. ఎన్నికల హామీలు ఏమయ్యాయి అవినీతి పాలన సాగుతోందంటూ చెలరేగిపోయి మాట్లాడారు. దీంతో తెలుగుదేశం నాయకులు కూడా పవన్‌పై విరుచుకుపడుతున్నారు. జనసేన, టీడీపీ మధ్య మాటల యుద్ధం తారాస్థాయికి చేరింది.

కేంద్రం న్యాయం చేయకుంటే సమరమే

Submitted by arun on Sat, 07/07/2018 - 08:46

విభజన హమీల విషయంలో  కేంద్రంతో మరింత దూకుడుగా వ్యవహరించాలని ఏపీ ప్రభుత్వం నిర్ణయించింది. ప్రజా ప్రయోజనాల విషయంలో రాజీ లేదంటూ మంత్రి వర్గం ప్రకటించింది.  సీఎం చంద్రబాబు అధ్యక్షతన సమావేశమయిన మంత్రి వర్గం పలు కీలక నిర్ణయాలు తీసుకుంది. వివిధ సంస్థలకు భూకేటాయింపులతో పాటు పట్టణాల్లో అక్రమ నిర్మాణాల క్రమబద్దీకరణకు ఆమోదం తెలిపింది.  నూతన ఐటీ పాలసీని ఆమోదించిన  ప్రభుత్వం నిరుద్యోగ ఉపాధి కల్పనే లక్ష్యంగా  ప్రయివేటు వ్యక్తులకు రాయితీలు ఇవ్వాలని నిర్ణయించింది. ఇదే సమయంలో  విభజన హామీల అమలు విషయంలో కేంద్రం తీరును నిరసిస్తూ న్యాయపోరాటం చేయాలని మంత్రివర్గం నిర్ణయించింది.

2019 ఎన్నికల బరిలో లోకేష్.. ఎక్కడ నుంచి పోటీ చేయబోతున్నారంటే...

Submitted by arun on Thu, 06/28/2018 - 16:10

ఏపీ సీఎం చంద్రబాబు తనయుడు నారా లోకేష్ ప్రత్యక్ష ఎన్నికల్లో పోటీకి సై అంటూ రాజకీయాల్లో కొత్త చర్చకు తెరలేపారు. 2019 ఎన్నికల్లో బరిలోకి  దిగుతానంటూ ప్రకటించడంతో ఎక్కడి నుంచి పోటీ చేస్తారనేది ఆసక్తిగా మారింది. గెలుపుకంటే బంపర్ మెజార్టే లక్ష్యంగా నియోజకవర్గాన్ని ఎంపిక చేసుకున్నట్లు జోరుగా ప్రచారం జరుగుతోంది. తాత, తండ్రి, మామ నియోజకవర్గాల్లో ఎక్కడో ఒక చోటు నుంచి పోటీ చేస్తారంటూ ఊహాగానాలు వినిపిస్తున్నాయి. ఏపీ రాజకీయాల్లో సెంటర్ ఆఫ్ అట్రాక్షన్‌గా ఉంటూ తనదైన శైలిలో దూసుకుపోతున్న సీఎం తనయుడు నారా లోకేష్‌ 2019 ఎన్నికలపై దృష్టి సారించారు.

విశాఖ రైల్వే జోన్‌పై కేంద్రమంత్రి పీయూష్ గోయల్ సంచలన వ్యాఖ్యలు

Submitted by arun on Mon, 06/18/2018 - 15:57

విశాఖ రైల్వే జోన్‌పై కేంద్రం మళ్లీ పాత పాటే పాడింది. రైల్వే జోన్‌ ఇవ్వడం ఇష్టం లేదన్నట్టుగా రైల్వే మంత్రి పీయూష్ గోయల్ వింత వ్యాఖ్యలు చేశారు. రైల్వే జోన్ కావాలని అడిగే వారు చట్టంలో ఏముందో చూడాలన్నారు. విభజన చట్టంలో రైల్వే జోన్‌ అంశం పరిశీలించాలని మాత్రమే ఉందని, పరిశీలిస్తూనే ఉన్నామని చెప్పారు. ఇదే విషయాన్ని పార్లమెంట్‌లో కూడా చెప్పామని పీయూష్ సమర్ధించుకున్నారు.

ఎంపీలు, మంత్రుల భేటీలో చంద్రబాబు కీలక నిర్ణయాలు

Submitted by arun on Sat, 06/16/2018 - 11:42

విభజన హామీలపై పోరుకు టీడీపీ మళ్ళీ సిద్ధమౌతోంది.వచ్చే పార్లమెంట్‌ సమావేశాల్లో మరోసారి కేంద్రంపై అవిశ్వాసం పెట్టాలని పార్లమెంట్‌ను స్తంభింపజేయాలని నిర్ణయించింది. ఎంపీలు, మంత్రులతో భేటీ అయిన ముఖ్యమంత్రి చంద్రబాబు పలు కీలక నిర్ణయాలు తీసుకున్నారు. 

ఏపీ హోంగార్డులకు శుభవార్త

Submitted by arun on Fri, 06/15/2018 - 16:10

హోంగార్డుల దినసరి వేతనం మూడు వందల నుంచి ఆరు వందల రూపాయలకు పెంచుతున్నట్లు సీఎం చంద్రబాబు ప్రకటించారు. హోంగార్డుల మెటర్నిటీ సెలవులను మూడు నెలలకు పెంచుతునట్లు తెలిపారు. అమరావతిలో సీఎం చంద్రబాబును కలిసి హోంగార్డులు తమ సమస్యలను చెప్పుకున్నారు. ఇందుకు స్పందించిన ముఖ్యమంత్రి.. వెంటనే పలు నిర్ణయాలను ప్రకటించారు. హోంగార్డులకు జీతం పెంపుతో పాటు..రెండున్నర లక్షల రూపాయల వైద్య సేవలు అందిస్తామన్నారు. గృహనిర్మాణ పథకంలో హోంగార్డులకు ఇళ్ల కేటాయింపు విషయం పరిశీలించాలని సీఎం అధికారులకు ఆదేశాలు ఇచ్చారు. 

2019 నాటికి పోలవరం పూర్తిచేస్తాం: చంద్రబాబు

Submitted by arun on Mon, 06/11/2018 - 16:55

2019 నాటికి పోలవరం ప్రాజెక్టు పూర్తయ్యేలా చర్యలు తీసుకుంటామని సీఎం చంద్రబాబు అన్నారు. పోలవరం ప్రాజెక్టు నిర్మాణంలో కీలకమైన డయాఫ్రంవాల్‌ పూర్తయిన సందర్భంగా చంద్రబాబు సోమవారం పోలవరం ప్రాజెక్టును సందర్శించారు. ఈ సందర్భంగా పైలాన్‌ను ఆవిష్కరించారు. పోలవరం నిర్మాణంలో డయాఫ్రంవాల్‌ పూర్తిచేయడం ఓ చరిత్ర అని.... పోలవరం పూర్తయితే 7 లక్షల ఎకరాలకు నీరందుతుంది తెలిపారు. ఎవరెన్ని అడ్డంకులు పెట్టినా సకాలంలో ప్రాజెక్టు పూర్తి చేస్తామని సీఎం స్పష్టం చేశారు. నిర్మాణంలో పాలుపంచుకుంటున్న కార్మికులు, ఇంజినీర్లు, కాంట్రాక్టర్లను అభినందించారు.

చంద్రబాబును ఓడించడం ఈజీ కాదు : బీజేపీ

Submitted by arun on Sat, 06/09/2018 - 14:49

‘చంద్రబాబును ఓడించడం మామూలు విషయం కాదు. ఆయన్ని ఓడించడానికి ముందు చాలా శక్తులను ఓడించాలి. ఇంకా ఎన్నో ప్రణాళికలు వేయాల్సి ఉంది. ఆయనను మళ్లీ ముఖ్యమంత్రి కానివ్వకుండా చేయడమే మా ధ్యేయం’’ అని బీజేపీ జాతీయ ప్రధాన కార్యదర్శి మురళీధరరావు పేర్కొన్నారు. ఢిల్లీలో మీడియాతో ఇష్టాగోష్టిగా మాట్లాడుతూ ఆయన ఈ వ్యాఖ్యలు చేశారు. ఈ ఎన్నికల్లో టీడీపీ ఓడిపోతే తన అస్తిత్వానికే ముప్పువుంటుందని, అందుకే తనదైన శైలిలో రాజకీయ క్రీడను చంద్రబాబు మొదలుపెట్టారని అన్నారు. ఎన్నికలను ఆరునెలల ముందు ఎన్డీయే నుంచి టీడీపీ బయటకు వస్తుందని తాము అనుకున్నామని, కానీ, తమ అంచనాలకు భిన్నంగా ఏడాదికి ముందే చంద్రబాబు బయటకువచ్చారని తెలిపారు.

కృష్ణాజిల్లాకు పిడుగుల హెచ్చరిక

Submitted by arun on Sat, 06/02/2018 - 15:42

ఆంధ్ర ప్రదేశ్‌కు మరోసారి పిడుగు ముప్పు పొంచి ఉంది. కృష్ణా జిల్లాలోని పలు ప్రాంతాలకు పిడుగులు పడే అవకాశం ఉందని విపత్తుల నిర్వహణ శాఖ హెచ్చరికలు జారీ చేసింది. చాట్రాయి, విసన్నపేట, తిరువూరు, ఎ.కొండూరు, వత్సవాయి, ఆగిరిపల్లి, విజయవాడ రూరల్ మండలాల్లో పిడుగులు పడే అవకాశం ఉందని తెలిపింది. ప్రజలు అప్రమత్తంగా ఉండాలని అధికారులు సూచించారు. 

చిత్తూరు జిల్లా చంద్రగిరిలో శ్రీకృష్ణదేవరాయల వారి కోటపై పిడుగు పడింది. పిడుగు ధాటికి....రాజగోపురం పెచ్చులూడిపోయింది. ఎత్తయిన రాజగోపురంపై పిడుగులు పడకుండా అధికారులు చర్యలు తీసుకోకపోవడం వల్లే అపురూప కట్టడం పాడవుతోందని పర్యాటకులు విమర్శించారు.