YSR Congress Party

గెలుపే లక్ష్యంగా పార్టీలో మార్పులకు శ్రీకారం...ఇన్‌ఛార్జులను మార్చేందుకు అధిష్టానం లిస్ట్‌ రెడీ

Submitted by arun on Sat, 09/22/2018 - 09:53

నాలుగేళ్లు పార్టీ కోసం పనిచేశారు. కేడర్‌‌ను కాపాడుకోవడానికి అష్టకష్టాలు పడ్డారు. ప్రజాసమస్యలపై పోరాటాలు చేశారు. పార్టీ కార్యక్రమాలను ప్రజల్లోకి తీసుకెళ్లారు. ప్రభుత్వ వైఫల్యాలను ఎండగట్టారు. వచ్చే ఎన్నికల్లో గెలుపే లక్ష్యంగా పార్టీని తీర్చిదిద్దారు. తీరా ఎన్నికలు దగ్గరకి వచ్చేసరికి టికెట్‌ రేసులో వెనుకబడిపోయారు. సర్వేల పేరుతో నియోజకవర్గ ఇన్‌ఛార్జులను మార్చేస్తుండటంతో వైసీపీలో పలువురు నేతలు ఆగ్రహంతో రగిలిపోతున్నారు.

మార్పులతో పార్టీకి కొత్త తలనొప్పులు...విజయవాడ ఈస్ట్ అండ్‌ వెస్ట్‌కి తగిలిన సెగ

Submitted by arun on Thu, 09/20/2018 - 10:48

సర్వేలు, సమీకరణాలు అంటూ నియోజకవర్గ ఇన్‌ఛార్జులను మార్చడం వైసీపీలో గందరగోళానికి దారితీస్తోంది. కృష్ణాజిల్లాలో తాజాగా జరిగిన నాయకత్వ మార్పు పార్టీ నేతలను అయోమయంలోకి నెట్టింది. విజయవాడ సెంట్రల్‌లో రాజుకున్న నిప్పు ఇప్పుడు జిల్లా మొత్తం అంటుకుంది.

వచ్చే ఎన్నికల్లో ఎలాగైనా అధికారంలోకి రావాలన్న పట్టుదలతో ఉన్న వైసీపీ అధినేత జగన్మోహన్‌రెడ్డి పార్టీలో మార్పులకు శ్రీకారం చుట్టారు. గెలుపే లక్ష్యంగా నియోజకవర్గ ఇన్‍ఛార్జులను మార్చే పని మొదలుపెట్టారు. గత ఎన్నికల్లో తక్కువ సీట్లు వచ్చిన రాజధాని ప్రాంతమైన కృష్ణాజిల్లా నుంచి ఈ మార్పులకు శ్రీకారం చుట్టారు.

వంగవీటి రాధా ఇంటి వద్ద ఒంటిపై పెట్రోల్ పోసుకున్న అనుచరులు

Submitted by arun on Mon, 09/17/2018 - 15:37

వైసీపీలో విజయవాడ్ సెంట్రల్ నియోజక వర్గం సీటు వివాదం ముదురుతోంది. వంగవీటి రాధాకు సెంట్రల్ సీటుపై హామీ ఇవ్వకపోవడాన్ని రాధా అనుచరులు నిరసిస్తున్నారు. రాధాకు కాకుండా సెంట్రల్ సీటు ఎవ్వరికి ఇచ్చినా  ఆ ప్రభావం చాలా నియోజక వర్గాలమీద పడుతుందని రాధా అనుచరులు ఆందోళన వ్యక్తం చేస్తున్నారు. రాధా ఇంటి వద్దకు భారీగా చేరుకున్న ఆయన అనుచరులు అక్కడున్న ఫ్లెక్సీలను చించేశారు. రాధాకు సెంట్రల్‌ సీటు ఇవ్వకపోతే ఆత్మహత్య చేసుకుంటామని కొందరు కార్యకర్తలు ఒంటిపై పెట్రోల్ పోసుకున్నారు. గమనించిన రాధా అడ్డుకుని వారించారు. ఇద్దరి కళ్లల్లో పెట్రోల్‌ పడడంతో వారిని ఆస్పత్రికి తరలించారు. ఇటువంటి చర్యలను తాను సహించేది లేదని..

వైసీపీలో రాజీనామాల కలకలం...రాధాకు టికెట్ దక్కకపోవడంతో...

Submitted by arun on Mon, 09/17/2018 - 12:21

కృష్ణాజిల్లా వైసీపీలో రాజీనామాల వ్యవహారం కలకలం రేపుతోంది. విజయవాడ సెంట్రల్ నియోజకవర్గం సీటును వంగవీటి రాధాకృష్ణకు ఇవ్వకపోవడంపై ఆయన అనుచరులు అసంతృప్తి వ్యక్తం చేస్తున్నారు. ఉయ్యూరు కౌన్సిల్, జిల్లా ఫ్లోర్ లీడర్ పదవులకు వంగవీటి శ్రీనివాస ప్రసాద్ రాజీనామా చేశారు. జగన్ వైఖరిపై మనస్థాపంతో రాజీనామాలు చేస్తున్నట్టు చెబుతున్నారు. సెంట్రల్ సీటును మల్లాది విష్ణుకు కేటాయించే యోచనలో వైసీపీ అధిష్టానం ఉండటంతో అనుచరులు, పార్టీ నేతలతో వంగవీటి రాధాకృష్ణ చర్చలు జరుపుతున్నారు. 

వైసీపీకి మరో ఎదురుదెబ్బ.. టీడీపీలోకి కీలక నేత

Submitted by arun on Wed, 09/12/2018 - 10:46

వైసీపీ చీఫ్ జగన్మోహన్ రెడ్డికి కాకినాడ నేత చెలమలశెట్టి సునీల్ షాకిచ్చారు. ప్రస్తుతం కాకినాడ పార్లమెంట్ నియోజకవర్గానికి వైసీపీ ఇన్‌చార్జ్‌గా ఉన్న ఆయన టీడీపీ తీర్థం పుచ్చుకునేందుకు రంగం సిద్ధం చేశారు. అక్టోబరు రెండో తేదీన చెలమలశెట్టి సునీల్‌ టీడీపీలోకి చేరుతున్నారని తెలిసింది. ఆయనను వైసీపీ కాకినాడ పార్లమెంట్‌ నియోజకవర్గం ఇన్‌చార్జి బాధ్యతల నుంచి ఆ పార్టీ అధిష్ఠానం తప్పించినట్టు సమాచారం.

వైసీపీలో చేరిన మాజీ సీఎం కుమారుడు

Submitted by arun on Sat, 09/08/2018 - 14:49

మాజీ ముఖ్యమంత్రి నేదురుమల్లి జనార్ధన్‌రెడ్డి కుమారుడు రాంకుమార్‌రెడ్డి వైసీపీ తీర్థం పుచ్చుకున్నారు. ఆ పార్టీ అధ్యక్షుడు జగన్‌మోహన్‌రెడ్డి సమక్షంలో రాంకుమార్‌రెడ్డి వైసీపీలో చేరారు. ప్రజాసంకల్పయాత్రలో భాగంగా శనివారం విశాఖ జిల్లా పెందూర్తి నియోజకవర్గంలో పాదయాత్ర చేస్తున్న వైఎస్‌ జగన్‌ కండువా కప్పి రామ్‌కుమార్‌ను, ఆయన అనుచరులను పార్టీలోకి ఆహ్వానించారు. నేదురుమల్లి జనార్ధన్ రెడ్డి 1990, డిసెంబర్ 17 నుంచి 1992, అక్టోబర్ 9 వరకు ఏపీ సీఎంగా సేవలందించారు. ప్రజలకు రాజకీయ నాయకులపై ఉండాల్సింది అభిమానం, నమ్మకమని ఇవి దివంగత నేత రాజశేఖర్‌ రెడ్డి నెలకొల్పారని నేదురుమల్లి రామ్‌కుమార్‌ అన్నారు.

వైసీపీ కొత్త ప్లాన్...

Submitted by arun on Tue, 09/04/2018 - 09:45

ఇంటింటికీ వైసీపీ కార్యక్రమానికి ఆ పార్టీ సిద్ధమవుతోంది. 100 రోజులపాటు రాష్ట్రంలోని ప్రతి ఇంటికీ ఆయా నియోజకవర్గాల్లోని నేతలు వెళ్లేలా దిశానిర్దేశం చేయనున్నారు పార్టీ అధినేత జగన్. విశాఖలో జరగనున్న ఎమ్మెల్యేలు, పార్టీ నేతల సమావేశంలో ఎన్నికలకు సిద్ధంగా ఉండాలని జగన్ పిలుపు ఇవ్వనున్నట్టు తెలుస్తోంది. 

బ్రాహ్మణికి 9 కోట్లకు పైగా జీతం వస్తోంది.. ఎందుకు బయటపెట్టరు?

Submitted by arun on Mon, 08/13/2018 - 15:21

ఏపీ సీఎం నారా చంద్రబాబు నాయుడు, జిల్లాకో మైనింగ్‌ డాన్‌ను తయారు చేశారని, మైనింగ్‌, ఎర్రచందనం, ఇసుక, మట్టి, భూ కబ్జా,కాల్‌మనీ మాఫియాలకు చంద్రబాబే డాన్‌ అని వైఎస్సార్‌సీపీ అగ్రనేత భూమన కరుణాకర్‌ రెడ్డి తూర్పారబట్టారు.  హైకోర్టు తప్పుబట్టినా కూడా మైనింగ్‌ మాఫియాకు సహకరిస్తున్నారని, టీడీపీ ఎమ్మెల్యే యరపతినేని ఆధ్వర్యంలోనే అక్రమ మైనింగ్‌ జరిగిందని, జరుగుతుందని వ్యాఖ్యానించారు.

ముసుగులు తొలగిపోయాయ్..2019లో ఎవరు ఎవరెవరితో ...

Submitted by arun on Fri, 08/10/2018 - 11:35

నిన్నటి రాజ్యసభ డిప్యూటీ ఛైర్మన్ ఎన్నిక 2019 ఎన్నికల తీరును కళ్లకు కడుతోందా?  ఇన్నాళ్లూ గుంభనంగా వ్యవహరించిన పార్టీలన్నీ రాజ్యసభ డిప్యూటీ ఛైర్మన్ ఎన్నిక సందర్భంగా తమ వైఖరిని బయటపెట్టక తప్పలేదా?2019లో యూపీఏ వర్సెస్ ఎన్డీఏ యుద్ధంలో ప్రాంతీయ పార్టీలలో ఏ పార్టీ ఎటువైపు? ఈ అంశంపై క్లారిటీ వచ్చిందా?

డిప్యూటీ చైర్మన్ ఎన్నికపై వైసీపీ అనూహ్య నిర్ణయం...

Submitted by arun on Thu, 08/09/2018 - 11:26

రాజ్యసభ డిప్యూటీ చైర్మన్ ఎన్నికల ముందు వైఎస్ఆర్ కాంగ్రెస్ పార్టీ అనూహ్య నిర్ణయం తీసుకుంది... ఇప్పటి వరకు ఎన్డీఏ అభ్యర్థికి వ్యతిరేకంగా ఓటు వేస్తామని చెబుతూ వచ్చిన ఆ పార్టీ... ఇప్పుడు రాజ్యసభ డిప్యూటీ చైర్మన్ ఎన్నికల ఓటింగ్‌కు దూరంగా ఉంటామని ప్రకటించింది. నిన్నటివరకూ విపక్షాల అభ్యర్థికి మద్దతిస్తామని చెప్పిన ఆ పార్టీ, నేడు అనూహ్యంగా తన మనసు మార్చుకుంది. ఈ ఎన్నికలకు దూరంగా ఉండాలని నిర్ణయించుకున్నామని, ఓటింగ్ ను బాయ్ కాట్ చేస్తున్నామని ఆ పార్టీ రాజ్యసభ ఎంపీ విజయసాయిరెడ్డి ప్రకటించారు.