ke prabhakar

కర్నూలు స్థానిక సంస్థల ఎమ్మెల్సీ ఎన్నిక ఏకగ్రీవం

Submitted by arun on Fri, 12/29/2017 - 12:48

కర్నూలు స్థానిక సంస్థల ఎమ్మెల్సీని టీడీపీ కైవసం చేసుకుంది. ఎమ్మెల్సీగా టీడీపీ అభ్యర్థి కేఈ ప్రభాకర్  ఏకగ్రీవంగా ఎన్నిక కానున్నారు. నామినేషన్ల పర్వానికి ముందే ప్రధాన ప్రతిపక్షం వైసీపీ పోటీ నుంచి వైదొలిగింది.  బీఎస్పీ అభ్యర్థి దండు శేషు యాదవ్ నామినేషన్ ను తిరస్కరించారు.  స్వతంత్ర అభ్యర్థిగా బరిలో దిగిన పులి జయప్రకాష్ రెడ్డి ఇవాళ నామినేషన్ ఉపసంహరించుకున్నారు. అటు  బైరెడ్డి రాజశేఖర్ రెడ్డి అనుచరుడు, మాజీ జడ్పీటీసీ పుల్యాల నాగిరెడ్డి నాగిరెడ్డి తన నామినేషన్ కు ఉపసంహరించుకున్నారు. దీంతో కేఈ ప్రభాకర్  ఏకగ్రీవ ఎన్నికకు  లైన్ క్లియర్ అయింది. 


 

కేఈ బ్రదర్స్‌కు చంద్రబాబు న్యూఇయర్‌ గిఫ్ట్

Submitted by arun on Tue, 12/26/2017 - 16:55

కేఈ బ్రదర్స్‌కి సీఎం చంద్రబాబు కాస్త అడ్వాన్స్‌గా న్యూఇయర్‌ గిఫ్ట్ ఇచ్చారు. మొదటి నుంచి పార్టీనే నమ్ముకొని తన వెంటే ఉంటూ నమ్మకస్తుడిగా మెలుగుతున్న కేఈ బ్రదర్స్‌‌లో ప్రభాకర్‌కు ఎమ్మెల్సీ కట్టబెట్టారు బాబు. కర్నూలు జిల్లా స్థానిక సంస్థల ఎమ్మెల్సీ స్థానానికి కేఈ ప్రభాకర్‌ను ఎంపిక చేసిన చంద్రబాబు- కర్నూలు కోటలో పార్టీ పునాదులను పటిష్ఠం చేయబోతున్నారా? కర్నూలు జిల్లాలో తెలుగుదేశానికి పునర్వైభవం తీసుకొచ్చే ఎత్తుగడలో ఇది భాగమా?