telangana

తెలంగాణలో జోరందుకున్ననామినేషన్లు

Submitted by chandram on Wed, 11/14/2018 - 18:23

రాష్ట్రవ్యాప్తంగా నామినేషన్ల పర్వం జోరందుకుంది. ముఖ్యంగా అధికార పార్టీ టీఆర్‌ఎస్‌లో నామినేషన్ల సందడి నెలకొంది. ముఖ్యమంత్రి కేసీఆర్‌తోపాటు పలువురు ప్రముఖులు నామినేషన్లు దాఖలు చేశారు.

మధ్యాహ్నం తెలంగాణ బీజేపీ మూడో లిస్ట్..

Submitted by arun on Wed, 11/14/2018 - 10:29

బిజెపి మూడో జాబితా ప్రకటించేందుకు సిద్ధమైంది. ఢిల్లీ వెళ్లిన బిజెపి నేతలు అమిత్ షా, నడ్డాలతో భేటీ కానున్నారు. మిగతా స్థానాల అభ్యర్థులపై వారితో చర్చిస్తారు. 30 పైగా స్థానాలకు అభ్యర్థులను బిజెపి ఈరోజు ప్రకటించే అవకాశం ఉంది. బిజెపి మూడో జాబితాలో మహబూబ్ నగర్ పద్మాజా రెడ్డి, కొడంగల్ నాగురావు నామోజీ, కొల్హాపూర్ సుధాకర్, జడ్చర్ల మాదిని శ్రీనివాస్, నల్గొండ షణ్ముఖ, ఇబ్రహీంపట్నం అశోక్ గౌడ్, చేవెళ్ల ప్రకాష్,  పరిగి ప్రహ్లాద్ లేదా కాసాని, చొప్పదండి బొడిగే శోభ, మంచిర్యాల అరవింద్ రెడ్డి, జుక్కల్ నాయుడు ప్రకాష్, ఎల్లారెడ్డి బాణాల లక్ష్మారెడ్డి పేర్లు ఉండే అవకాశం ఉంది. 

Tags

తెలంగాణలోకి మావోయిస్టు యాక్షన్‌ టీమ్స్‌

Submitted by chandram on Tue, 11/13/2018 - 18:12

త్వరలో ఎన్నికలు జరుగనున్న నేపథ్యంలో తెలంగాణలోకి మావోయిస్టుల యాక్షన్‌ టీమ్స్‌ ప్రవేశించాయని పోలీసులు తెలిపారు. నిఘా వర్గాల నుంచి తమకు సమాచారం అందిందని తెలిపారు. దీనికి సంబంధించి మావోల ఫోటోలను విడుదల చేసిన పోలీసులు జయశంకర్‌ భూపాలపల్లి, భద్రాద్రి కొత్తగూడెం, వరంగల్‌ అర్బన్‌, రూరల్‌ జిల్లాల్లో యాక్షన్‌ టీమ్‌ కదలికలు ఉన్నాయని తెలిపారు. ఏజెన్సీ ప్రాంతాల్లో ప్రచారం నిర్వహించే ముందు తమకు సమాచారం అందించాలని నాయకులకు పోలీసులు ఆదేశాలు జారీ చేశారు. ఇప్పటికే ప్రచారంలో ఉన్న టీఆర్ఎస్‌ నాయకులకు అదనపు భద్రత కల్పిస్తున్నట్లు పోలీుసలు తెలిపారు.

కూటమికి కాంగ్రెస్ బారీ షాక్..

Submitted by arun on Tue, 11/13/2018 - 10:01

కళ్లు కాయలు కాసేలా అభ్యర్థులు, నేతలు ఎదురుచూసిన కాంగ్రెస్ జాబితా ఎట్టకేలకు విడుదలైంది. అయితే మహాకూటమిలో మిత్రపక్షాలైన టీజేఎస్, సీపీఐలు కోరిన స్థానాల్లో సైతం కాంగ్రెస్ తన అభ్యర్థులను ప్రకటించి.. షాక్ ఇచ్చింది. వరుస భేటీలు, గంటల కొద్ది చర్చలు, మరెన్నో సమాలోచనలు సీట్లపై ఎడతెగని పంచాయతీలు తెలంగాణలో మహా కూటమి ఏర్పడిన తర్వాత జరిగిన పరిణామాలు ఇవి. చివరకి ఎలక్షన్ నోటిఫికేషన్ విడుదల అయ్యే వరకు కూడా సీట్ల సర్ధుబాటుపై భాగస్వామ్య పార్టీలకు క్లారిటీ రాని పరిస్థితి. అయితే, ప్రజలు ఎదురుచూసిన కాంగ్రెస్ జాబితా ఎట్టకేలకు విడుదల అయ్యింది.

వరంగల్ కాంగ్రెస్‌లో అసమ్మతి సెగలు

Submitted by chandram on Sun, 11/11/2018 - 14:22

వరంగల్ అర్బన్‌ జిల్లా కాంగ్రెస్‌లో అసమ్మతి సెగలు ఎగిసి పడ్డాయి. వరంగల్ పశ్చిమ టికెట్ నాయిని రాజేందర్ రెడ్డికి ఇవ్వాలంటూ అనుచరులు, పార్టీ కార్యకర్తలు ఆందోళనకు దిగారు.  హన్మకొండలోని పార్టీ కార్యాలయంగేటుకు తాళాలు వేసి దీక్షకు దిగారు. గ్రేటర్ కాంగ్రెస్  అధ్యక్షుడు శ్రీనివాస్‌తో పాటు ఇతర కార్యకర్తలు ఆందోళన దిగారు. రాజేందర్‌ రెడ్డికి టికెట్ ఇవ్వకపోతే ఆత్మహత్య చేసుకుంటామంటూ కార్యకర్తలు హెచ్చరించారు. తమ నేతకు టికెట్ ఇవ్వకపోతే పార్టీకి మూకుమ్మడి రాజీనామాలు చేస్తామంటూ స్ధానిక ప్రజాప్రతినిధుల వార్నింగ్‌ ఇచ్చారు. కార్యకర్తల ఆందోళనతో రంగంలోకి దిగిన సీనియర్ నేతలు బుజ్జగించే పనిల్లో పడ్డారు. 

నేడు టీఆర్‌ఎస్ అభ్యర్థులకు బి-ఫారాల పంపిణీ

Submitted by chandram on Sun, 11/11/2018 - 10:44

నేడు ఎన్నికల నోటిఫికేషన్ విడుదల కానుండటంతో తమ అభ్యర్థుల నామినేషన్ల కోసం బి-ఫారాలను అందించబోతోంది టీఆర్ఎస్. తెలంగాణ భవన్‌లో నేటి సాయంత్రం 4గంటలకు ఆపద్ధర్మ ముఖ్యమంత్రి కేసీఆర్ స్వయంగా బి-ఫారాలు అందించనున్నారు. 107 మంది అభ్యర్థులకు బి-ఫారాలను అందించి, మార్గనిర్దేశం చేయనున్నారు గులాబీ బాస్. మరోవైపు పార్టీ మేనిఫెస్టోను కూడా ఆయన ప్రకటించనున్నట్టు తెలుస్తోంది. 

కూటమిలో సీట్ల కుంపట్లు.. తెగేదాకా లాగుతారా?

Submitted by arun on Sat, 11/10/2018 - 16:14

సీట్ల సర్ధుబాటుపై ఇంకా క్లారిటీ ఇవ్వని కాంగ్రెస్ పై ఒత్తిడి పెంచేందుకు సిద్ధమతున్నాయి మహకూటమిలోని భాగస్వామ్య పార్టీలు. హైదరాబాద్ లోని ఓ హోటల్ లో భేటీ అయిన ఎల్.రమణ, కోదండరాం, చాడ వెంకటరెడ్డి మహాకూటమిలో సీట్ల సర్దుబాటుపై చర్చించారు. కాంగ్రెస్ సీపీఐకి మూడు స్థానాలనే ఇస్తామనడంతో ఐదు స్థానాలు కావాలని ఆ పార్టీ డిమాండ్ చేస్తోంది. టీడీపీకి 14 సీట్లు ఇస్తామన్నడంతో మరో రెండు సీట్లు కావాలని తెలంగాణ టీడీపీ డిమాండ్ చేస్తోంది. కాసేపట్లో పార్క్ హయత్ హోటల్‌లో కాంగ్రెస్‌తో భాగస్వామ్య పార్టీ నేతలు భేటీకానున్నాయి. టీడీపీ, సీపీఐ, టీజేఎస్ లు సీట్లపై తాడోపేడో తేల్చుకోవడానికి సిద్ధమవుతున్నాయి.

ఉద్యమకారులకు కాంగ్రెస్‌ మొండిచేయి... మరి నెక్స్ట్‌ ఏంటి?

Submitted by santosh on Sat, 11/10/2018 - 12:04

తెలంగాణ కాంగ్రెస్ ఉద్యమకారులకు మొండి చెయ్యి చూపించిచేలా కనిపిస్తోంది. గత ఎన్నికల ముందు ఉద్యమాలు చేసి ఉద్యమపార్టీలో టిక్కెట్టు రాక కాంగ్రెస్ గూటికి చేరినా... ఉద్యమకారులను హస్తం పార్టీ పట్టంచుకోవడం లేదు. ప్రతిపక్ష పార్టీలో పార్టీ గొంతుకగా పనిచేసిన పొత్తుల పేరుతో ఉద్యమ నాయకులుగా పేరును నేతలకు టిక్కెట్టు దక్కేలా కనపించడం లేదు. దీంతో పార్టీ నిన్న మొన్నటి వరకు హుషారుగా కనిపించిన నేతలంతా నైరాష‌్యంలో ఉన్నట్టు కనిపిస్తోంది. 

కాంగ్రెస్ అభ్యర్ధుల జాబితాపై అధినేత రాహుల్ గాంధీ అసంతృప్తి

Submitted by arun on Fri, 11/09/2018 - 13:35

వారాల తరబడి సమీక్షలు, రోజులకు రోజులు చర్చలు సాగించి  కాంగ్రెస్ కేంద్ర ఎన్నికల కమిటీ రూపొందించిన జాబితాపై అధినేత రాహుల్ గాంధీ తీవ్ర అసంతృప్తి వ్యక్తం చేశారు. జాబితాను పున: పరిశీలించాలంటూ కేంద్ర ఎన్నికల కమిటీని ఆదేశించారు.  తెలంగాణ ఉద్యమానికి మూల కేంద్రంగా నిలిచిన ఓయూ విద్యార్ధులకు టికెట్లు ఎందుకు కేటాయించలేదని రాహుల్ ప్రశ్నించారు. దీంతో కమిటీ సభ్యులు సమాధానం చెప్పలేక  సీఈసీ సభ్యులు నీళ్లు నమిలారు. మొత్తం అభ్యర్ధుల జాబితాను వెనక్కు పంపిన రాహుల్  పూర్తి స్ధాయిలో పరిశీలించి కొత్త జాబితాను సిద్ధం చేయాలంటూ ఆదేశించారు.  
 

తెలంగాణలో మావోయిస్టుల కలకలం...పలువురు ప్రజాప్రతినిధులకు బహిరంగ లేఖలు

Submitted by arun on Fri, 11/09/2018 - 10:35

తెలంగాణలో విధ్వంసానికి మావోయిస్టులు కుట్ర చేస్తున్నారా ?  ఎన్నికళ వేళ హింసాత్మక ఘటనలకు పాల్పడటం ద్వారా ఉనికి చాటుకునే ప్రయత్నం చేస్తున్నారా ? ఎన్నికలను బహిష్కరించాలంటూ మండల కేంద్రాల్లో సైతం ప్రచారం చేయడం ద్వారా మావోయిస్టులు పోలీసులకు సవాల్ విసురుతున్నారా ?  ఏపీ తరహాలోనే ప్రజా ప్రతినిధులను టార్గెట్‌ చేసుకున్నట్టు వస్తున్న వార్తల్లో వాస్తవమెంత ..?