telangana

ప్రజలను ఆకట్టుకునే హామీలతో కాంగ్రెస్ ఎన్నికల మేనిఫెస్టో

Submitted by arun on Wed, 11/21/2018 - 16:40

తెలంగాణ ప్రజాక్షేత్రంలో ప్రజలను ఆకర్షించే హామీలతో కాంగ్రెస్ పార్టీ ఎన్నికల మేనిఫెస్టోను రూపొందించింది. ఇప్పటికే రెండు లక్షల రూపాయల రైతు రుణమాఫీ, నిరుద్యోగులకు నెలకు మూడు వేల రూపాయల భృతి లాంటి హామీలను ప్రకటించిన కాంగ్రెస్ గిరిజన, మైనార్టీ, వెనుకబడిన వర్గాలకు ప్రాధాన్యత కల్పించారు. 35 అంశాలతో రూపొందించిన కాంగ్రెస్ మేనిఫెస్టో ఈ నెల 23న జడ్చర్ల సభలో సోనియా చేతుల మీదుగా విడుదల చేయనున్నారు. 

భారీగా పెరిగిన తెలంగాణ నేతల ఆస్తులు

Submitted by arun on Wed, 11/21/2018 - 12:30

తెలంగాణ అసెంబ్లీ ఎన్నికల్లో పోటీ చేయనున్న అభ్యర్థుల ఆస్తులు నాలుగేళ్లలో గణనీయంగా పెరిగాయి. స్థిరాస్తి వ్యాపారాలు, కంపెనీల్లో పెట్టుబడులు, కాంట్రాక్టులు, వ్యవసాయ భూములు, గృహాలు ఇలా కోట్లాది రూపాయల విలువైన ఆస్తులు చూపించారు. టీఆర్ఎస్, కాంగ్రెస్, టీడీపీ, బీజేపీ ప్రధాన నాయకుల ఆస్తులు భారీగా పెరిగాయి. ఓ వైపు ఆస్తులు పెరుగుతున్నా ఆదాయం తగ్గుతోందని వెల్లడించారు.  ఇక ఆపద్ధర్మ ముఖ్యమంత్రి కేసీఆర్‌కు వ్యవసాయ ఆదాయం పెరిగింది. గత ఎన్నికల నాటికి 15.27 లక్షల ఆదాయం ఉండగా నాలుగేళ్లలో 2.07కోట్లకు పెరిగింది. కేటీఆర్ వార్షిక ఆదాయం గత ఎన్నికల నాటికి 51.09 లక్షలు ఉండగా 4.82కోట్లుగా చూపించారు. 

ఇక రంగంలోకి స్టార్‌ క్యాంపెయినర్లు

Submitted by arun on Tue, 11/20/2018 - 11:52

తెలంగాణ అసెంబ్లీ ఎన్నికల్లో అభ్యర్థులకు మద్దతుగా ప్రచారం చేసేందుకు వివిధ రాజకీయ పార్టీలు ‘స్టార్‌ క్యాంపెయినర్‌’ జాబితాను తయారు చేసి ఎన్నికల సంఘానికి సమర్పించాయి. పార్టీ, పదవి తదితర వివరాలు లేఖల్లో ప్రస్తావించాయి. టీఆర్‌ఎస్‌ తరఫున పార్టీ అధినేత కేసీఆర్‌తో పాటు 15 మంది స్టార్‌ క్యాంపెయినర్ల జాబితాను సమర్పించారు.

మహాకూటమిలో పట్టుబట్టి 14 సీట్లు దక్కించుకున్న టీడీపీ చివరకు...

Submitted by arun on Mon, 11/19/2018 - 17:50

మహాకూటమిలో పట్టుబట్టి 14 సీట్లు దక్కించుకున్న టీడీపీ చివరకు 13 స్ధానాలకే పరిమితమైంది. చివరి నిమిషం వరకు అభ్యర్ధులను ప్రకటించకపోవడంతో  పఠాన్ ‌చెరుకు అభ్యర్ధి ఖరారు కాలేదు. దీంతో 13 స్ధానాలతోనే సరిపెట్టుకోవాల్సి వచ్చింది. అయితే ఇదే స్ధానం నుంచి కాంగ్రెస్ బరిలోకి దిగింది. పొత్తులో భాగంగా స్ధానం కేటాయించిన పోటీ చేయక పోవడంపై  స్ధానిక నేతలు, కార్యకర్తలు తీవ్ర ఆగ్రహం వ్యక్తం చేశారు. టీడీపీ నుంచి నందీశ్వర్ గౌడ్ పార్టీ టికెట్ ఆశించారు. ఇందుకోసమే కాంగ్రెస్ నుంచి టీడీపీలో చేరారు. అయినా ఫలితం దక్కలేదు. అయితే ప్రజా కూటమి ప్రయోజనాల కోసమే పోటీ చేయలేదని టీ టీడీపీ అధ్యక్షుడు ఎల్.రమణ స్పష్టం చేశారు.

Tags

పొత్తుల్లో భాగంగానే టికెట్ లేట్..

Submitted by chandram on Sun, 11/18/2018 - 14:28

మహా కూటమి పొత్తుల్లో భాగంగానే తనకు టికెట్ లేట్ అయిందని కాంగ్రెస్ నేత పొన్నాల లక్ష్మయ్య స్పష్టం చేశారు. హైదరాబాద్ పార్క్ హయత్ హోటల్ లో కాంగ్రెస్ బుజ్జగింపుల కమిటీని ఆయన కలిశారు. వీలున్నంతవరకు అందరికి కాంగ్రెస్ హైకమాండ్ న్యాయం చేస్తుందని పొన్నాల లక్ష్మయ్య అన్నారు. తను 35 సంవత్సరాలు కాంగ్రెస్ పార్టీలోనే ఉన్నా అయినా మరీ అధిష్ఠానం ఎందుకుఅలాచేసిందో తెలియదు కాని పార్టీ కలిపితీసుకపోయే భాధ్యతను మరింత భుజనవెసుకోని గెలుపుకోసమే కృషిచేస్తనని పొన్నాల తెలిపారు.

మహాకూటమిలో మరో ట్విస్ట్

Submitted by chandram on Sun, 11/18/2018 - 13:11

మహాకూటమిలో మరో ట్విస్ట్ చోటు చేసుకుంది. మిత్రపక్షాలకు కేటాయించిన స్ధానాల్లో  స్నేహపూర్వక పోటీ చేయాలని కాంగ్రెస్ భావిస్తోంది.  గ్రేటర్ పరిధిలోని ఇబ్రహీంపట్నంలో పోటీకి కాంగ్రెస్ నేతలు సిద్ధమయినట్టు సమాచారం. పార్టీ అభ్యర్ధిగా మల్‌రెడ్డి రంగారెడ్డి నామినేషన్ వేసేందుకు సిద్ధమవుతున్నారు. బుజ్జగింపుల కమిటీ సమావేశం అనంతరం మీడియాతో చిట్‌‌చాట్ చేసిన మల్‌రెడ్డి రంగారెడ్డి కాంగ్రెస్ తరపున తాను బరిలోకి దిగుతున్నట్టు ప్రకటించారు. కాంగ్రెస్ బీఫాంతోనే పోటీ చేస్తానని స్పష్టం చేశారు.

నేడే కాంగ్రెస్ తుది జాబితా విడుదల

Submitted by chandram on Sun, 11/18/2018 - 11:55

కాంగ్రెస్ అభ్యర్ధుల తుది జాబితా నేడు విడుదల కానుంది. మహాకూటమి పొత్తుల్లో భాగంగా 94 స్దానాల్లో పోటీ చేయాలని నిర్ణయించిన కాంగ్రెస్  ఇప్పటి వరకు మూడు విడతల్లో 88 మంది అభ్యర్ధులను ప్రకటించింది. మిగిలిన 6 స్ధానాలను అభ్యర్ధులను నేడు ఖరారు చేయనుంది. ప్రస్తుతం గ్రేటర్ పరిధిలోని పటాన్‌చెరు, రాజేంద్ర నగర్‌, సికింద్రాబాద్‌ స్ధానాలతో పాటు  కోరుట్ల, నారాయణఖేడ్‌, నారాయణపేట్‌ స్ధానాల్లో ఆశావాహులు అధికంగా ఉండటంతో అభ్యర్ధులను ఖరారు చేయలేదు.

అసంతృప్తులపై దృష్టి సారించిన కాంగ్రెస్ అధిష్టానం

Submitted by arun on Sat, 11/17/2018 - 17:47

రోజురోజుకు పెరుగుతున్న అసంతృప్తులపై కాంగ్రెస్ అధిష్టానం దృష్టి సారించింది. రెబల్స్‌గా పోటీ చేయాలని భావిస్తున్న అసంతృప్తులను బుజ్జగించేందుకు  ప్రత్యేక కమిటీని ఏర్పాటు చేసింది. కర్నాటక మంత్రి శివకుమార్, పాండిచ్చేరి సీఎం నారాయణస్వామితో పాటు మంత్రి మల్లాది కృష్ణారావులతో కమిటీని ఏర్పాటు చేశారు. అసంతృప్తులతో స్వయంగా మాట్లాడనున్న కమిటీ సభ్యులు పార్టీకి సహకరించాలని కోరనున్నారు.  రెండు రోజుల పాటు హైదరాబాద్‌లోనే కమిటీ సభ్యులు బస చేయనున్నారు. జిల్లాల వారిగా అసంతృప్త నేతల జాబితాను సిద్ధం చేసిన నేతలు కమిటీ సభ్యులకు అందజేశారు. 

కేసీఆర్ కుటుంబంపై సంచలన వ్యాఖ్యలు చేసిన నటి ఖుష్బూ

Submitted by arun on Sat, 11/17/2018 - 11:19

తెలంగాణ ఆపద్ధర్మ ముఖ్యమంత్రి కేసీఆర్‌పై ప్రముఖ నటి, కాంగ్రెస్ అధికార ప్రతినిధి ఖుష్బూ సంచలన ఆరోపణలు చేశారు. బతకమ్మచీరల పేరుతో 222 కోట్ల కుంభకోణానికి పాల్పడ్డారని ఆరోపించారు. నిన్న మహాబూబ్ నగర్ జిల్లా జడ్చర్లలో కాంగ్రెస్ తరుపున ఎన్నికల ప్రచారం నిర్వహించిన  ఖుష్బూ కేసీఆర్ కుటుంబంలోని నలుగురి కోసం నాలుగు కోట్ల తెలంగాణ ప్రజల్ని పీడిస్తున్నారని విమర్శించారు. కేసీఆర్ సెక్రటేరియట్‌కు వెళ్లకుండా ప్రజాధనంతో నిర్మించుకున్న ప్రగతిభవన్‌లో ఉంటూ ప్రజాసమస్యలు పట్టించుకోవట్లేదని అన్నారు.