TRS

బ్రేకింగ్: డీఎస్‌తో ఉత్తమ్ కీలక సమావేశం

Submitted by arun on Thu, 09/13/2018 - 17:45

రాజ్యసభ సభ్యుడు డీ.శ్రీనివాస్‌ సొంత గూటికి చేరుకునేందుకు వేగంగా అడుగులు పడుతున్నాయి. ఇప్పటికే కాంగ్రెస్‌ పెద్దలతో టచ్‌లో ఉన్న డీఎస్‌తో  పీసీసీ చీఫ్‌ ఉత్తమ్ కుమార్ రెడ్డి భేటి అయ్యారు. పార్టీలోకి రావాలంటూ ఆహ్వానించిన ఆయన కలిసి కట్టుగా నడిచి పార్టీని అధికారంలోకి తెద్దామంటూ సూచించారు.  ఇందుకు సానుకూలంగా స్పందించిన డీఎస్ త్వరలోనే పార్టీలో చేరేందుకు హామి ఇచ్చినట్టు సమాచారం. తనతో పాటు ఎమ్మెల్సీ భూపతిరెడ్డి ఇతర టీఆర్ఎస్ ‌అసంతృప్తులను కాంగ్రెస్‌లోకి తీసుకెళ్లేందుకు డీఎస్‌ వ్యూహాలు రచిస్తున్నట్టు వార్తలు వినిపిస్తున్నాయి.

కేసీఆర్‌పై టీఆర్‌ఎస్‌ ఎమ్మెల్సీ సంచలన వ్యాఖ్యలు

Submitted by arun on Wed, 09/12/2018 - 15:28

టీఆర్ఎస్ ఎమ్మెల్సీ భూపతి రెడ్డి సొంత పార్టీపై తిరుగుబాటు చేశారు. టీఆర్‌ఎస్ అధినేత కేసీఆర్‌పై నిప్పులు చెరిగారు. అసెంబ్లీ ఎన్నికల్లో టీఆర్‌ఎస్ కు వ్యతిరేకంగా పని చేస్తానని స్పష్టం చేశారు. ఎన్నికల్లో తాను పోటీ చేస్తానని, నిజామాబాద్ రూరల్ నియోజకవర్గంలో టీఆర్‌ఎస్ అభ్యర్థి బాజిరెడ్డిని ఓడిస్తానని చెప్పారు. టీఆర్ ఎస్ పతనం నిజామాబాద్ జిల్లా నుంచి ప్రారంభం అవుతుందని భూపతిరెడ్డి తేల్చి చెప్పారు. ఇతర పార్టీల నుంచి వచ్చిన ఎమ్మెల్యేలు, ఎమ్మెల్సీలు రాజీనామా చేస్తే తాను కూడా ఇప్పుడే రాజీనామా చేస్తానని... లేకపోతే చేయను అన్నారు భూపతిరెడ్డి. నేను తప్పు చేస్తే ఎందుకు సస్పెండ్ చేయరు క్షమాపణ ఎందుకు చెప్పరు?

మాజీ ఎమ్మెల్యే ఓదెలు స్వీయా గృహనిర్బంధం

Submitted by arun on Tue, 09/11/2018 - 11:45

మంచిర్యాల జిల్లా చెన్నూరు ఎమ్మెల్యే టికెట్‌ ఇవ్వలనేదని మనస్థాపంతో.. మాజీ ఎమ్మెల్యే ఓదెలు స్వయంగా గృహనిర్బంధం వెళ్లారు. ఇంట్లో తాళం వేసుకుని నిరసన తెలుపుతున్నారు. ఓదెలుతో పాటు ఆయన కుటుంబ సభ్యులు కూడా గృహనిర్బంధంలోనే ఉన్నారు. 24 గంటల్లో టికెట్‌పై హామీ రాకుంటే కుటుంబంతో సహా ఆత్మహత్య చేసుకుంటా ఓదెలు చెప్పారు. కేసీఆర్ ను నమ్ముకుని రాజకీయాల్లోకి వచ్చానని 3సార్లు ఎమ్మెల్యేగా గెలిచినా తనకు టికెట్ ఎందుకు ఇవ్వరని ఓదెలు ప్రశ్నించారు. చెన్నూరు నియోజకవర్గం అభివృద్ధికి తాను ఎంతగానో కృషి చేశాననీ, అలాంటి తనను పక్కకు తప్పించడం దారుణమని ఓదేలు వాపోయారు.

పార్టీ వీడడంపై క్లారిటీ ఇచ్చిన దానం

Submitted by arun on Mon, 09/10/2018 - 14:43

తాను పార్టీ మారుతున్నట్లు వస్తున్నవార్తల్నిదానం నాగేందర్ ఖండించారు. తను ఏ హోటల్‌లో ఉత్తమ్‌ను కలువలేదని తేల్చి చెప్పారు. కాంగ్రెస్ పార్టీ అభ్యర్ధులు టిక్కెట్లు దొరక్క తనపై తప్పుడు ప్రచారం చేస్తున్నారని మండిపడ్డారు. వాట్సప్ మెసేజ్‌లు చూసి ఎమోషనల్ అయ్యే నేతను కానని అన్నారు. కెసిఆర్ తనకు ఏ బాధ్యత ఇచ్చినా స్వీకరిస్తానని దానం తెలిపారు. ఎలాంటి షరతులు లేకుండానే టీఆర్‌ఎస్ పార్టీలో చేరా. 105 మంది జాబితాలో నా పేరు లేకపోవడం పట్ల నాకుఎలాంటి బాధలేదు. ఇష్టం ఉన్నవారికే సీటు ఇవ్వాలని టీఆర్‌ఎస్ అధిష్టానానికి చెప్పా. కాంగ్రెస్ పార్టీలో వీహెచ్, పొన్నాల లక్ష్మయ్య పరిస్థితి ఆటలో కాయిన్‌లా తయారైంది.

టీఆర్ఎస్ లో గళం విప్పిన అసంతృప్త నేతలు...సంతంత్రంగా బరిలోకి...

Submitted by arun on Mon, 09/10/2018 - 09:50

టీఆర్ఎస్ లో టిక్కెట్టు దక్కని అసంతృప్త నేతలు తమ గళాన్ని విప్పుతున్నారు. తమ అనుచరులతో కలిసి నిరసన వ్యక్తం చేస్తున్నారు. మరికొందరు నేతలు స్వతంత్రంగా బరిలోకి దిగాలని భావిస్తున్నారు. తెలంగాణ రాష్ర్ట సమితిలో అసెంబ్లీ అభ్యర్ధుల ఎంపికపై అసంతృప్త నేతలు అధిష్టానానికి తమ గళాన్ని వినిపిస్తున్నారు. టికెట్ ఆశించిన నేతలకు అవకాశం లభించకపోవడంతో అసంతృప్తితో ఉన్నవారు అధిష్టానంపై మండిపడుతున్నారు. పటాన్ చెరువు అసెంబ్లీ స్థానం నుంచి సిట్టింగ్ ఎమ్మెల్యే గూడెం మహిపాల్ రెడ్డికే తిరిగి కేటాయించడంతో ఆ పార్టీ నియోజకవర్గ ఇన్ చార్జ్ గాలి అనీల్ కుమార్ ఆగ్రహం వ్యక్తం చేశారు.

రాజకీయ చదరంగం మొదలాయే.

Submitted by arun on Sat, 09/08/2018 - 16:24


తొలి విడత జాబితాలో లేదు చోటు,

మరి మలి విడత ఆశలకు పోటు,

కనీసం ఒక నామినేటెడ్ పోస్టూతో పాటు,

భవిషత్తుకు ఇస్తారట కొంత మాటు. శ్రీ.కో. 

Tags

బీజేపీ, కేసీఆర్‌ లపై లోకేష్ ఫైర్..

Submitted by arun on Sat, 09/08/2018 - 13:10

ఆంధ్రప్రదేశ్ పంచాయితీరాజ్ శాఖామంత్రి నారా లోకేష్ బాబు బీజేపీ, టీఆర్ఎస్ అధినేత కేసీఆర్‌  పై విమర్శలు చేశారు. శుక్రవారం జరిగిన ఆంధ్రప్రదేశ్ అసెంబ్లీ సమావేశం లో లోకేష్ మాట్లాడుతూ కేంద్ర ప్రభుత్వం ఏది చెబితే కెసిఆర్ అది చేస్తున్నాడని విమర్శించాడు. కేంద్రం ఆదేశాల అనుగుణంగానే కెసిఆర్ తన ప్రభుత్వాన్ని నడిపిస్తున్నారని వ్యాఖ్యానించారు. 

‘అందుకే సురేశ్‌ రెడ్డి పార్టీ వీడారు’

Submitted by arun on Sat, 09/08/2018 - 10:06

మాజీ స్పీకర్‌ సురేశ్‌రెడ్డి వెళ్తే తమ పార్టీకి ఎలాంటి నష్టం లేదని కాంగ్రెస్‌ సీనియర్ నాయకుడు మధుయాష్కి తెలిపారు. సిట్టింగ్ స్పీకర్‌గా ఉండి కూడా తర్వాతి ఎన్నికల్లో గెలవలేని వ్యక్తిని టీఆర్ఎస్‌ స్వాగతించిందంటే ఆ పార్టీ గెలుపోటములు సూచిస్తున్నాయని.. మదుయాష్కి ఎద్దేవా చేశారు. ఈ క్రమంలోనే సురేశ్‌ రెడ్డి పార్టీ ఎందుకు మారాల్సి వచ‍్చిందో మధుయాష్కీ స్పష్టం చేశారు. సురేష్‌ రెడ్డికి టికెట్‌ ఇ‍వ్వకూడదని ఆలోచిస్తున్నామని, అందుకే ఆయన పార్టీ మారాడన్నారు.  మురికి నీరు కొట్టుకుపోతే, కొత్త నీరు వస్తుందంటూ సురేష్‌ రెడ్డి పార్టీ మారడాన్ని ఎద్దేవా చేశారు.

కౌంటర్‌ ఆపరేషన్‌కు దిగిన కాంగ్రెస్‌...కాంగ్రెస్‌లోకి డీఎస్‌, కొండా సురేఖ‌, బాబు మోహన్‌?

Submitted by arun on Sat, 09/08/2018 - 09:25

తెలంగాణలో ఆపరేషన్‌ ఆకర్ష్‌ జోరందుకుంది. ముందస్తు ఎన్నికలకు వెళ్లిన టీఆర్ఎస్‌ రెండో దశ ఆపరేషన్‌ మొదలు పెట్టగా కాంగ్రెస్‌ కౌంటర్‌ ఆపరేషన్‌కు దిగింది. టీఆర్ఎస్‌లో అసంతృప్తులకు కాంగ్రెస్‌ గాలం వేస్తోంది. ఈ నెల 12న కాంగ్రెస్‌లోకి భారీగా వలసలుంటాయని టీ.కాంగ్రెస్‌ నేతలు చెబుతున్నారు. టీఆర్ఎస్‌ రాజ్యసభ సభ్యుడు డీఎస్‌తో పాటు కొండా సురేఖ దంపతులు, నందీశ్వర్‌గౌడ్‌, టీఆర్ఎస్‌ మాజీ ఎమ్మెల్యే బాబు మోహన్‌ రాహుల్‌ సమక్షంలో కాంగ్రెస్‌ తీర్థం పుచ్చుకోనున్నట్టు తెలుస్తోంది. 

Tags

సురేష్‌రెడ్డి హస్తం పార్టీనీ వీడటం...ఇద్దరు సిట్టింగ్‌లలో టెన్షన్

Submitted by arun on Fri, 09/07/2018 - 16:09

అధికార పార్టీ ఆపరేషన్ ఆకర్ష్ కొనసాగిస్తోంది. హస్తం పార్టీ నేతలే లక్ష్యంగా అధికార టీఆర్ఎస్ పావులు కుదుపుతోంది. కాంగ్రెస్ పార్టీలో కీలక నేతగా పేరున్న మాజీ స్పీకర్ సురేష్‌రెడ్డిని టీఆర్ఎస్ పార్టీలోకి ఆహ్వానించింది. సురేష్‌రెడ్డి కూడా హస్తానికి హ్యాండిచ్చి.. కారులో షికారుకు సై అన్నారు. ఈనెల12న తన అనుచరులతో టీఆర్ఎస్ తీర్దం పుచ్చుకోనున్నారు. సురేష్‌రెడ్డి పార్టీ వీడనుండటం వల్ల నిజామాబాద్ జిల్లా కాంగ్రెస్‌కు కొలుకోలేని దెబ్బతగిలింది. ఆయన పార్టీ మార్పుతో రెండు నియోజకవర్గాలపై తీవ్ర ప్రభావం పడనుంది. సురేష్‌రెడ్డి రాకతో ఆయన ఎక్కడి నుంచి పోటీ చేస్తారన్నది ఉత్కంఠగా మారింది.