CM Chandrababu

ఢిల్లీ వేదికగా కేంద్రంపై చంద్రబాబు దాడి

Submitted by arun on Sat, 07/21/2018 - 14:50

ప్రస్తుతం జరుగుతున్న పోరాటం బీజేపీ, టీడీపీ మధ్య కాదని మెజార్టీకి, నైతికతకు మధ్య జరుగుతున్న పోరాటమని చంద్రబాబు అన్నారు. విభజన చట్టాలన్నింటినీ అమలు చేస్తామని అమరావతి శంకుస్థాపన సందర్భంగా మోడీ హామీ ఇచ్చారని గుర్తు చేశారు. 30 ఏళ్ల తర్వాత పూర్తి మెజార్టీ వచ్చిందని లోక్ సభలో మోడీ చెప్పారని ప్రజా తీర్పును తాము కూడా గౌరవిస్తామని చెప్పారు. 15 ఏళ్ల తర్వాత కేంద్రంపై అవిశ్వాసం పెట్టింది తామేనని చంద్రబాబు అన్నారు. 

చంద్రబాబుపై విజయసాయిరెడ్డి సంచలన వ్యాఖ్యలు

Submitted by arun on Thu, 07/19/2018 - 15:44

ముఖ్యమంత్రి చంద్రబాబునాయుడిపై వైఎస్సార్‌ కాంగ్రెస్‌ పార్టీ జాతీయ ప్రధాన కార్యదర్శి, రాజ్యసభ సభ్యుడు విజయసాయిరెడ్డి సంచలన వ్యాఖ్యలు చేశారు. చంద్రబాబు ఫోర్త్ జెండర్ అని...ఆడ, మగ, నపుంసక కాని మరో జీవి అని వ్యాఖ్యానించారు. ఫోర్త్ జెండర్ అంటే ప్రకృతి కార్యంలో కూడా డ్యుయల్ రోల్ ప్లే చేసే వ్యక్తి అని, చంద్రబాబు ఏపీకి సీఎంగా ఉంటూ ఫోర్త్ జెండర్‌గా ప్రజలను మోసం చేస్తున్నారని ఆరోపించారు. కాలానికి తగ్గట్లుగా చంద్రబాబు రంగులు మార్చుతారని ఎంపీ విమర్శించారు. చంద్రబాబు ఓవైపు బీజేపీతో రహస్య ఒప్పందం కొనసాగిస్తూనే.. మరోవైపు అవిశ్వాస తీర్మానాన్ని పెడుతున్నారని మండిపడ్డారు.

తిరుమల సంప్రోక్షణ వివాదంపై స్పందించిన సీఎం చంద్రబాబు

Submitted by arun on Tue, 07/17/2018 - 10:04

తిరుమల పుణ్యక్షేత్రంలో మహా సంప్రోక్షణ వివాదంపై ఏపీ సీఎం చంద్రబాబు స్పందించారు. ఆగమ శాస్త్రానుసారంగా పూజా కార్యక్రమాలు నిర్వహించాలని టీటీడీ, సీఎంవో అధికారులను సీఎం ఆదేశించారు. సంప్రోక్షణ సమయంలోనూ భక్తులకు దర్శనానికి అనుమతి ఇవ్వాలని, గతంలో మహా సంప్రోక్షణ సమయంలో పాటించిన నిబంధనలను అనుసరించాలని ఆయన సూచించారు. భక్తులకు ఇబ్బందులు కలగకుండా, పూజాది కార్యక్రమాలకు అంతరాయం కలగకుండా చర్యలు తీసుకోవాలని సీఎం చంద్రబాబు అధికారులను ఆదేశించారు. 

ఆయన రాకతో చంద్రబాబుకు ముచ్చెమటలు పడుతున్నాయి: రోజా

Submitted by arun on Wed, 07/11/2018 - 14:45

పోలవరం పనులు పరిశీలించేందుకు కేంద్రమంత్రి గడ్కరీ వస్తున్నారనగానే.. చంద్రబాబుకు ముచ్చెమటలు పడుతున్నాయన్నారు వైసీపీ ఎమ్మెల్యే రోజా. ఏ కేంద్రమంత్రి వచ్చినా పట్టించుకోని బాబు.. గడ్కరీ వస్తున్నారన్నగానే.. కేబినెట్ మీటింగ్ పెట్టి మంత్రులెవరినీ వెళ్లొద్దని చెప్పి తానే ముందు వెళ్లారన్నారు. దీనిని బట్టే పోలవరం పనుల్లో ఎన్ని అవకతవకలు జరిగాయో అర్థం చేసుకోవచ్చన్నారు రోజా. చిత్తూరు జిల్లా ఎస్వీపురంలోని ప్రభుత్వ పాఠశాలకు ఆర్కే రోజా ట్రస్టు ద్వారా సీలింగ్ ఫ్యాన్లు అందజేశారు.

ముందస్తు ఎన్నికలపై చంద్రబాబు కీలక వ్యాఖ్యలు

Submitted by arun on Fri, 07/06/2018 - 10:57

ముందస్తు ఎన్నికలపై చంద్రబాబు కీలక వ్యాఖ్యలు చేశారు. పార్లమెంట్‌కి ముందస్తు ఎన్నికలు వస్తే సిద్ధమేనన్న చంద్రబాబు అసెంబ్లీకి మాత్రం షెడ్యూల్‌ ప్రకారమే ఎన్నికలకు వెళ్తామని తేల్చిచెప్పారు. మంత్రివర్గ విస్తరణపైనా చంద్రబాబు కీలక వ్యాఖ్యలు చేశారు. ముస్లిం మైనారిటీల సభ కంటే ముందుగా ఆ వర్గంలో ఒకరికి కేబినెట్‌లో స్థానం కల్పించనున్నట్లు తెలిపారు.

నేడు ఏపీ కేబినెట్ భేటీ...10లక్షల మందికి నిరుద్యోగ భృతి ఇచ్చేందుకు ప్లాన్

Submitted by arun on Fri, 07/06/2018 - 10:34

విభజన హామీల అమలుపై కేంద్రం తీరును నిరసిస్తూ ఈరోజు ఏపీ కేబినెట్‌ తీర్మానం చేయనుంది. ఆంధ్రప్రదేశ్‌కు ప్రత్యేక హోదా ఇవ్వలేమంటూ సుప్రీంలో కేంద్రం దాఖలు చేసిన అఫిడవిట్‌‌కు కౌంటర్‌ వేయడంపై కీలకం నిర్ణయం తీసుకోనున్నారు. ఇక ప్రభుత్వం ప్రతిష్టాత్మకంగా భావిస్తోన్న నిరుద్యోగ భృతి విధివిధానాలకు ఆమోదముద్ర వేయనున్నారు. అలాగే విశాఖ మెట్రోరైల్‌, అగ్రిగోల్డ్ ఆస్తుల వేలం, గ్రామదర్శి ప్రోగ్రామ్‌పై కీలక నిర్ణయాలు తీసుకోనున్నారు. 

దీక్ష విరమించిన సీఎం రమేశ్.. చంద్రబాబు ఏం చెప్పారు..?

Submitted by arun on Sat, 06/30/2018 - 14:49

కడప ఉక్కు పరిశ్రమ కోసం గత 11 రోజులుగా దీక్ష చేస్తున్న సీఎం రమేష్ దీక్ష విరమించారు. ఉక్కు పరిశ్రమ సాధించే వరకు పోరాడతామంటూ సీఎం చంద్రబాబు హామి ఇవ్వడంతో ఆయన దీక్ష విరమణకు అంగీకరించారు.  సీఎం చేతుల మీదుగా నిమ్మరసం అందుకున్న అనంతరం దీక్ష విరమించారు. బీటెక్ రవితో  కలసి ఈ నెల 20న దీక్షకు దిగిన సీఎం రమేష్  స్పష్టమైన ప్రకటన వచ్చే వరకు దీక్ష విరమణ లేదని ప్రకటించారు. శరీరంలో కిటోన్ లెవల్స్ పెరుగుతున్నాయంటూ వైద్యులు హెచ్చరించినా ఏ మాత్రం పట్టించుకోకుండా దీక్ష కొనసాగించారు.

ఎంపీ మాటలను కట్ అండ్ పేస్ట్ చేశారు: చంద్రబాబు

Submitted by arun on Fri, 06/29/2018 - 12:43

టీడీపీ ఎంపీలపై ముఖ్యమంత్రి చంద్రబాబు ఆగ్రహం వ్యక్తం చేశారు. ఎవరు పడితే వారు.. ఏది పడితే అది మాట్లాడకూడదని హెచ్చరించారు. ధర్మపోరాటంపై కుట్రలు చేసేందుకు ప్రయత్నిస్తున్నారని.. కొందరు తప్పుడు వీడియో క్లిప్పింగులు తీస్తున్నారని చెప్పారు. టీడీపీ ఎంపీలతో టెలికాన్ఫరెన్స్ లో మాట్లాడిన చంద్రబాబు.. సరదాగా కూడా అలాంటి వ్యాఖ్యలు చేయకూడదన్నారు. వీడియోను ఎవరు తీశారు.. ఎందుకు ప్రసారం చేశారన్న దానిపై విచారణ చేయిస్తామన్నారు. 

ఐకానిక్‌ టవర్‌ నిర్మాణానికి చంద్రబాబు శంకుస్థాపన

Submitted by arun on Fri, 06/22/2018 - 12:30

ఏపీ రాజధాని అమరావతి నిర్మాణంలో అత్యంత కీలకంగా భావిస్తున్న ఐకానిక్ టవర్ నిర్మాణానికి సీఎం చంద్రబాబు నాయుడు శంకుస్ధాపన చేశారు. ఏపీ ఎన్‌ఆర్టీ సొసైటీ ఆధ్వర్యంలో  ఐదు ఎకరాల విస్తీర్ణంలో 36 అంతస్తుల భవనాలను 500 కోట్ల వ్యయంతో 158 మీటర్ల మేర నిర్మించనున్నారు.  రాయపూడిలోని ప్రభుత్వ భవనాల సముదాయానికి చేరువలో ఐకానిక్‌ టవర్‌ నిర్మాణం ద్వారా ప్రత్యక్షంగా 5 వేల మందికి పరోక్షంగా 30 వేల మందికి ఉపాధి లభించనుంది.    ఈ టవర్‌ను ఏ ఆకారంలో  అత్యాధునికమైన సౌకర్యాలతో  ఆహ్లాదకరమైన వసతులతో నిర్మించనున్నారు. భూగోళం రూపంలో తిరిగే రెస్టారెంట్‌  ఐకానిక్‌ టవర్‌ ప్రత్యేక ఆకర్షణగా నిలవనుంది.

మంత్రి గంటా ఎపిసోడ్ మరో మలుపు

Submitted by arun on Thu, 06/21/2018 - 14:08

మంత్రి గంటా ఎపిసోడ్ మరో మలుపు తిరిగింది. ముఖ్యమంత్రి చంద్రబాబు నాయుడు ఫోన్ సంభాషణ తర్వాత మంత్రి గంటా శ్రీనివాసరావు అలకవీడారు. ఎయిర్ పోర్ట్ లో సీఎం చంద్రబాబును రిసీవ్ చేసుకున్నారు. ఆయనతో పాటు పలు కార్యక్రమాలలో పాల్గొనున్నారు. విశాఖ టూర్ అనంతరం మరోమారు సీఎంతో భేటి కానున్నారు.