Rajya Sabha

ప‌రిశీల‌న‌లో వైజాగ్ రైల్వేజోన్ : పీయూష్‌ గోయల్‌

Submitted by arun on Tue, 02/06/2018 - 16:57

ఆంధ్రప్రదేశ్‌ రైల్వే జోన్‌ డిమాండ్‌పై రైల్వే మంత్రి పీయూష్‌ గోయల్‌ స్పందించారు. ఏపీ ఎంపీల ఆందోళనలపై స్పందించిన పీయూష్‌ ఏపీకి రైల్వే జోన్‌ కేటాయింపు పరిశీలనలో ఉందన్నారు. అయితే రైల్వే జోన్‌ విషయంలో సరిహద్దు రాష్ట్రాలతో సంప్రదింపులు జరపాల్సి ఉందన్నారు. రైల్వే జోన్ సాధ్యాసాధ్యాలపై పరిశీలన చేయాలని మాత్రమే చట్టంలో ఉందని, కాంగ్రెస్ సరిగా చేసి ఉంటే ఈ సమస్యలు వచ్చేవి కావని పీయూష్‌ గోయల్‌ వ్యాఖ్యానించారు. అదే విధంగా టీడీపీ ఎంపీలు లోక్‌సభలో కూడా ఫ్లకార్డులు పట్టుకుని ఆందోళన చేపట్టారు. ఏపీకి న్యాయం చేయాలని, విభజన హామీలు నెరవేర్చాలని డిమాండ్ చేస్తున్నారు.

ఖాళీగా ఉండేకంటే పకోడా అమ్మడం మంచిదే

Submitted by arun on Mon, 02/05/2018 - 17:27

పకోడీలు అమ్ముకుంటే తప్పేంటని, అందులో సిగ్గుచేటైన వ్యవహారం ఏముందని బీజేపీ జాతీయ అధ్యక్షుడు అమిత్‌షా ప్రశ్నించారు. రోడ్డుపై ఎవరైనా పకోడీలు అమ్ముకుని రూ.200 సంపాదిస్తే, దానినే ఉద్యోగంగా భావించాలంటూ మోదీ చేసిన వ్యాఖ్యలపై సోషల్ మీడియాలో దుమారం రేగడం, కాంగ్రెస్ సైతం విమర్శలు గుప్పించడంపై అమిత్‌షా రాజ్యసభలో స్పందించారు. పెద్దలసభలో శనివారంనాడు అమిత్‌షా తొలి ప్రసంగం చేస్తూ, కాంగ్రెస్ పకోడా రాజకీయాలు చేస్తోందన్నారు. ఉద్యోగం చిన్నది కావచ్చు, పెద్దది కావచ్చు, అది సిగ్గుచేటు కాదని అన్నారు. 'పకోడీలు అమ్ముకునే వాళ్లు అడుక్కోవడం లేదు కదా?' అని ప్రశ్నించారు.

ఆ ప్రకటన చూసి నేనూ మోసపోయా

Submitted by arun on Fri, 12/29/2017 - 17:53

నకిలీ ప్రకటనలకు తను కూడా మోసపోయానని ఉపరాష్ట్రపతి వెంకయ్య నాయుడు రాజ్యసభలో తెలిపారు. సమాజ్‌వాదీ పార్టీ ఎంపీ నరేశ్‌ అగర్వాల్‌ నకిలీ ప్రకటనలపై లేవనెత్తిన చర్చలో భాగంగా వెంకయ్యనాయుడు మాట్లాడారు. సులువుగా బరువు తగ్గడానికి వచ్చిన ఓ ప్రకటనను చూసి మోసపోయానన్నారు. వెయ్యి రూపాయల మందులతో బరువు తగ్గొచ్చన్న ప్రకటనకు డబ్బులు చెల్లించి ఆర్డర్‌ బుక్‌ చేశానన్నారు. ట్యాబ్లెట్లు అందిన తర్వాత  మెయిల్‌ వచ్చిందని, అందులో మరో వెయ్యి రూపాయలు చెల్లిస్తే మీకు అవసరమైన ఒరిజనల్‌ ట్యాబ్లెట్లు పంపిస్తామని ఉందని ఆయన పేర్కొన్నారు. దీంతో మోసపోయానని గ్రహించి వినియోగదారుల సంబంధిత మంత్రిత్వ శాఖకు ఫిర్యాదు చేశానన్నారు.

ఎంపీలే కాదు.. ఎమ్మెల్యేలదీ అదేమాట

Submitted by arun on Mon, 12/25/2017 - 16:16

ఎంపీలేకాదు.. ఎమ్మెల్యేల జీతాలూ పెంచాలన్న వాదనలు అప్పుడప్పుడు వినిపిస్తుంటాయి పెరుగుతున్న ఖర్చులు, జీవన ప్రమాణాల నేపధ్యంలో ప్రస్తుతం వస్తున్న జీతం ఏ మాత్రం సరిపోదని మన ప్రజాప్రతినిధులంటున్నారు అసలు మన ప్రజా ప్రతినిధుల జీత భత్యాలు, అలవెన్సులు ఎలా ఉంటాయ్?

జీతాలు పెంచాలంటూ ఎంపీల వేడుకోలు

Submitted by arun on Mon, 12/25/2017 - 16:13

వారు తలుచుకుంటే తిమ్మిని బమ్మి చేయగలరు ఏ ప్రాజెక్టునైనా పట్టాలెక్కించగలరు.. లెక్క తప్పితే.. అటకెక్కించగలరు.. అధికారం అనే మంత్ర దండానికి అపరిమితమైన పవరుంటుంది. అభివృద్ధి రథం పగ్గాలు ఉండేది వారి చేతిలోనే.. తాము చెప్పిందే.. వేదం.. చేసిందే శాసనం.. ఇది మన పార్లమెంటు ప్రతినిధుల విశ్వరూపం.. ఇన్ని తిరుగులేని అధికారాలతో అద్భుతంగా పనిచేయాల్సిన వీరు జీతాలు పెంచాలంటూ ఇప్పుడు కొత్త డిమాండ్ లేవనెత్తుతున్నారు.. ఈ డిమాండ్ సరైనదేనా?

రాజ్యసభ ప్రసంగంలో విఫలమైన సచిన్‌

Submitted by arun on Thu, 12/21/2017 - 16:39

క్రికెట్ దిగ్గజం సచిన్ రమేశ్ టెండూల్కర్ తొలిసారి పార్లమెంటులో ప్రసంగించాలన్న ఆకాంక్ష నెరవేరలేదు. మాజీ ప్రధాని మన్మోహన్ సింగ్, పాకిస్తాన్‌లను ముడిపెడుతూ ఇటీవల ప్రధాని మోదీ చేసిన వ్యాఖ్యలపై రాజ్యసభలో రగడ కొనసాగుతూనే ఉంది. కాంగ్రెస్ సభ్యుల నినాదాల మధ్య  క్రీడల అంశంపై మాట్లాడేందుకు సచిన్ సభలో లేచి నిలుచున్నారు. కానీ ఆందోళనలు మిన్నంటాయి. ప్రధాని క్షమాపణలు చెప్పాలంటూ కాంగ్రెస్ సభ్యులు పట్టుబట్టారు. భారీగా అరుపులు, కేకలు వినిపించారు. సభ గందరగోళంగా మారింది. సచిన్ టెండూల్కర్ క్రీడల అంశంపై మాట్లాడలేకపోయారు. దీంతో తన అరంగేట్ర ప్రసంగంలో సచిన్ రాజ్యసభలో విఫలమయ్యారు.