amit shah

తెలంగాణ బీజేపీకి అమిత్ షా తలంటు...ముందస్తు వస్తే ఏం...

Submitted by arun on Sat, 07/14/2018 - 11:34

తెలంగాణ బీజేపీకి అమిత్ షా క్లాస్ పీకారు. ఓ పక్క ముందస్తు ఊహాగానాలు వినిపిస్తుంటే పార్టీ నేతలు నిద్దరోతున్నారంటూ మండిపడ్డారు. సాధ్యమైనంత త్వరగా పార్టీని దారికి తేకపోతే ఎన్నికల్లో గడ్డు పరిస్థితి ఎదుర్కొనాల్సి వస్తుందని హెచ్చరించారు.

బీజేపీ నేతలకు అమిత్ షా షాక్

Submitted by arun on Fri, 07/13/2018 - 17:05

తెలంగాణలో పార్టీ బలోపేతమే లక్ష్యంగా హైదరాబాద్‌‌లో అడుగు పెట్టిన బీజేపీ జాతీయ అధ్యక్షుడు అమిత్ షా వచ్చీ రావడంతోనే పార్టీ నేతలపై విరుచుకు పడ్డారు. నాంపల్లిలోని బీజేపీ కార్యాలయంలో పార్టీ విస్తారక్‌లతో భేటీ అయిన అమిత్‌ షా నేతలపై తీవ్ర ఆగ్రహం వ్యక్తం చేశారు. బూత్ కమిటీలు ఇష్టం వచ్చినట్లు పని చేస్తున్నాయని మండిపడ్డారు. బీజేపీ జాతీయ పార్టీ బూత్ కమిటీలకు  23 గైడ్‌లైన్స్ ఇస్తే వాటిని 12కి కుదించడంపై సీరియస్ అయ్యారు. అంతేకాదు బూత్ కమిటీలు ఏర్పాటు చేయని చోట ఈ నెల చివరికి  ఏర్పాటు చేయాలని డెడ్ లైన్ పెట్టారు.

తెలంగాణలో అమిత్ షా టూర్....కీలక అంశాలపై రివ్యూ చేయనున్న అమిత్ షా

Submitted by arun on Wed, 07/11/2018 - 11:15

చాలా రోజుల తర్వాత బీజేపీ జాతీయ అధ్యక్షుడు అమిత్ షా తెలంగాణలో పర్యటించబోతున్నారు. ఇందుకు రాష్ట్ర నాయకత్వం ఏర్పాట్లు చేస్తోంది. షా పర్యటనను పార్టీకి అనుకూలంగా మార్చుకునేందుకు నాయకులు కసరత్తు చేస్తున్నారు. పార్లమెంటు స్థానాల రివ్యూతో పాటు పుల్ టైమర్ల మీటింగ్‌తో షా ఒక్కరోజు పర్యటనలో బిజీగా గడపనున్నారు.

నోట్ల రద్దు.. గుట్టు రట్టు

Submitted by arun on Fri, 06/22/2018 - 13:46

నోట్ల రద్దుకు అనేక కారణాలు చెబుతోంది బీజేపీ. ఈ వ్యవహారం ఆ పార్టీకి వరంగా మారిందని ప్రతి పక్షాలు సైతం బలంగా చెబుతున్నాయి. తాజాగా బీజేపీ అధ్యక్షుడు అమిత్‌ షా డైరెక్టర్‌గావున్న అహ్మదాబాద్‌ జిల్లా సహకార బ్యాంకు (ఏడీసీబీ)లో నోట్ల రద్దు తర్వాత ఆ నోట్ల డిపాజిట్లు వెల్లువెత్తాయి. జిల్లా సహకార బ్యాంక్ అన్నింటిలోనూ ఈ బ్యాంక్‌కే ఎక్కువ డిపాజిట్లు వచ్చాయి. ఐదురోజుల్లో మొత్తం రూ.745.59 కోట్ల విలువైన రూ.500, రూ. 1000 నోట్లు జమ అయ్యాయి. ముంబైకి చెందిన ఆర్‌టీఐ కార్యకర్త మనోరంజన్‌ ఎస్‌.రాయ్‌ తన పిటిషన్‌ ద్వారా ఈ వివరాల్ని రాబట్టారు.

బీజేపీ సంచలన నిర్ణయం... రాష్ట్రంలో గవర్నర్ పాలనకు రంగం సిద్ధం?

Submitted by arun on Tue, 06/19/2018 - 14:56

జమ్మూ కశ్మీర్‌లో పీడీపీ, బీజేపీ మధ్య బంధం ముగిసిపోయింది. జమ్మూకశ్మీర్‌‌లో ప్రభుత్వం నుంచి బయటకు వస్తున్నట్లు బీజేపీ నేతలు ప్రకటించారు. మద్దతు ఉపసంహరిస్తూ...గవర్నర్‌ ఎన్‌ఎన్‌ వోహ్రాకు లేఖను పంపారు. బీజేపీ మంత్రులతో అమిత్ షా చర్చించిన తర్వాత...మద్దతు ఉపసంహరించుకుంటూ నిర్ణయం తీసుకున్నారు. అదే విధంగా రాష్ట్రంలో గవర్నర్ పాలనకు ఆదేశాలు వెలువడతాయని సమాచారం. ఈ పరిణామాలపై నేషనల్ కాన్ఫరెన్స్ చీఫ్, మాజీ ముఖ్యమంత్రి ఫరూఖ్ అబ్దుల్లా మాట్లాడుతూ ఇది ఎప్పుడో జరగవలసిందని, ఇది ఊహించిన పరిణామమేనని చెప్పారు.

బీజేపీ-వైసీపీ నేతలు నిజంగా కలిశారా....కలిస్తే టీడీపీ ఎందుకు తప్పుపడుతోంది?

Submitted by arun on Sat, 06/16/2018 - 12:20

ఎప్పుడూ కలవరు, కలిసే ఛాన్స్‌లేదన్న వాళ్లు కలిస్తే సెన్సేషన్. ఎన్నటికైనా కలవాలనుకున్నవాళ్లు కలిస్తే ఎమోషన్. కానీ కలవరు, కలవకూడదు, కలిసే అవకాశంలేదనుకున్నవాళ్లు కలిస్తే కొత్త డౌట్స్ క్రియేషన్. ఇప్పుడు తెలుగు రాష్ట్రాల్లో ఇదే కన్‌ఫ్యూజన్. ఎవరు ఎవర్ని కలిసినా, అపార్థాలకు దారితీస్తోంది. ఇదిగో వారి అక్రమ సంబంధమంటూ, ప్రత్యర్థులు వేలెత్తి చూపుతున్నారు. ఢిల్లీ పెద్దలతో వైసీపీ నేతలు రహస్య సమావేశమయ్యారని టీడీపీ ఆరోపించడం, ఏపీలో కొత్త రంగులు అద్దుకుంటున్న రాజకీయానికి అద్దంపడుతోంది...ఇంతకీ కలిశారా....కలవలేదా...బీజేపీ-వైసీపీ ఫ్రెండ్‌షిప్‌ ఎస్టాబ్లిష్‌ చేయడంలో టీడీపీ వ్యూహమేంటి? 

బీజేపీకి ఊహించని షాక్‌ ...తాజా సర్వేతో మోడీ, అమిత్ షాల్లో కలవరం

Submitted by arun on Mon, 06/11/2018 - 11:15

వచ్చే ఎన్నికల్లో బీజేపీ పరాభవం తప్పదా ? నాలుగేళ్ల కమలదళం పాలనపై ప్రజలు విసుగెత్తిపోయారా ? ప్రభుత్వం ప్రవేశపెట్టిన పథకాలతో గ్రాఫ్‌ పెరిగిందని బీజేపీ నేతలంటుంటే....సర్వేలు ఏం చెబుతున్నాయ్ ? 2014 ఎన్నికల్లో సొంతంగా మెజార్టీ సాధించిన కాషాయ దళానికి ఓటర్లు షాకివ్వనున్నారా ? 150 సీట్లు కూడా గెల్చుకోలేని స్థితికి పార్టీ దిగజారిపోయిందా ? ఇటీవల నిర్వహించిన సర్వేలో ఏం తేలింది. 

నాలుగు రోజుల్లో పెట్రోలు ధరలను నేలకు దించుతాం: అమిత్ షా

Submitted by arun on Wed, 05/23/2018 - 10:44

కర్ణాటక ఎన్నికల తర్వాత ప్రారంభమైన పెట్రో ధరల పెరుగుదల కొనసాగుతోంది. ఎన్నడూ లేనంతగా మంగళవారం ఢిల్లీలో పెట్రోల్‌ ధర రూ.76.87కు చేరుకోగా, ముంబైలో రూ.84.70కి చేరింది. పెట్రో ధరల పరుగుపై దేశవ్యాప్తంగా నిరసనలు వెల్లువెత్తుతుండడంతో బీజేపీ చీఫ్ అమిత్ షా స్పందించారు. మరో నాలుగు రోజుల్లో ఈ సమస్య నుంచి ప్రధాని మోదీ గట్టెక్కిస్తారని పేర్కొన్నారు.

బీజేపీ నుంచి వలసలకు హైకమాండ్ బ్రేక్

Submitted by arun on Wed, 04/25/2018 - 11:05

ఏపీలో బీజేపీ నుంచి నేతల వలసలకు హైకమాండ్ బ్రేక్ వేసింది. అమిత్‌ షా ఫోన్‌ కాల్‌తో.. వైసీపీలో చేరాలనుకున్న కన్నా లక్ష్మీనారాయణ మనసు మార్చుకున్నారు. బీజేపీలోనే కొనసాగాలని నిర్ణయించుకున్నారు. ఇదిలా ఉంటే.. బీజేపీ నేతలను వైసీపీలో చేర్చుకోవద్దని.. జగన్‌కు అమిత్ షా మెసేజ్ పెట్టారు. వాస్తవానికి.. కన్నా లక్ష్మీనారాయణ ఇవాళ వైసీపీలో చేరేందుకు ముహూర్తం కూడా ఫిక్స్ చేసుకున్నారు. ఇంతలోనే.. ఢిల్లీ నుంచి అమిత్ షా.. ఒక్క ఫోన్ కాల్‌తో అంతా సెట్ చేసేశారు. దీంతో.. వైసీపీలో చేరకుండా ఉండేందుకు.. కన్నా లక్ష్మీనారాయణ ఆస్పత్రిలో చేరారని ప్రచారం జరుగుతోంది.

కంభంపాటి హరిబాబుకు కొత్త పదవి

Submitted by arun on Wed, 04/18/2018 - 16:26

బీజేపీ జాతీయ కార్యవర్గ సభ్యుడిగా కంభంపాటి హరిబాబును పార్టీ అధిష్ఠానం నియమించింది. ఈ మేరకు బీజేపీ జాతీయ అధ్యక్షుడు అమిత్ షా ఆదేశాలు జారీ చేశారు. కాగా, ఏపీ బీజేపీ అధ్యక్ష పదవికి కంభంపాటి హరిబాబు ఇటీవల రాజీనామా చేసిన విషయం తెలిసిందే. ఆయన రాజీనామా అంశం సర్వత్రా చర్చనీయాంశమైంది. పార్టీలో అంతర్గతంగా వస్తున్న విమర్శలు నేపథ్యంలో మనస్తాపం చెంది పార్టీ పదవికి హరిబాబు రాజీనామా చేసి ఉంటారనే వాదన బలంగా వినిపించింది. అయితే మిత్రపక్షం టీడీపీతో చెడిన తర్వాత అధ్యక్ష మార్పు తప్పదన్న ప్రచారం జరుగుతున్న నేపథ్యంలో పార్టీ అధిష్టానం ఆదేశాల మేరకే రాజీనామా చేశారనేవి మరో వాదన.