narendra modi

సిక్కింలో తొలి ఎయిర్‌పోర్ట్‌ను ప్రారంభించిన మోడీ

Submitted by arun on Mon, 09/24/2018 - 13:11

ప్రధాని మోదీ సిక్కీంలో తొలి విమానాశ్రయాన్ని ప్రారంభించారు. గ్యాంగ్‌టక్‌కు 33 కిలోమీటర్ల దూరంలోని పాక్యాంగ్‌లో విమానాశ్రయాన్ని ఆయన ప్రారంభించారు. ఈ విమానాశ్రయం సిక్కీం ప్రజలకు ఇతర రాష్ర్టాలతో కనెక్టివిటీని పెంచుతుందని ఆశాభావం వ్యక్తం చేశారు. 2009లో పాక్యాంగ్ విమానాశ్రయానికి శంకుస్థాపన జరగగా ఇది పూర్తవడానికి 9 ఏండ్లు పట్టింది. 201 ఎకరాల్లో నిర్మించిన ఈ విమానాశ్రయం పాక్యాంగ్ గ్రామానికి 2 కిలోమీటర్ల ఎత్తులో ఉంటుంది. సముద్ర మట్టానికి 4500 అడుగుల ఎత్తులో ఉంటుంది. ఈ విమానాశ్రయాన్ని ఎయిర్‌పోర్ట్స్ ఆథారిటీ ఆఫ్ ఇండియా నిర్మించింది.

భారత్‌పై విషం చిమ్మిన ఇమ్రాన్ ఖాన్

Submitted by arun on Mon, 09/24/2018 - 12:33

పాక్‌ ప్రధాని ఇమ్రాన్‌ నోరు పారేసుకున్నారు. ముందు చూపు లేని తక్కువ స్థాయి వ్యక్తులు ఉన్నత స్థానాల్లో ఉన్నారంటూ మోడీని ఉద్దేశించి ఘాటు విమర్శలు చేశారు. పాక్‌తో చర్చలకు భారత్‌ నో చెప్పినందుకు ఇమ్రాన్‌ విషం చిమ్మారు. పాకిస్థాన్ తో చర్చలకు భారత్ వెనక్కి తగ్గడంపై పాక్ ప్రధాని ఇమ్రాన్ ఖాన్ ఆగ్రహం వ్యక్తం చేశారు. చర్చలకు సిద్దమన్న తమ ప్రతిపాదనను తిరస్కరించడం నిరాశకు గురిచేసిందన్నారు. తన ప్రతిపాదనపై వెనక్కితగ్గడంతో భారత ప్రభుత్వాన్ని తప్పుబడుతూ ఇమ్రాన్‌ ఖాన్‌ ట్విటర్‌ వేదికగా ధ్వజమెత్తారు.

రాఫెల్ డీల్‌పై రాజుకుంటున్న వివాదం...మోడీపై విరుచుకుపడ్డ రాహుల్ గాంధీ

Submitted by arun on Sat, 09/22/2018 - 16:54

రాఫెల్‌ ఒప్పందం విషయంలో కాంగ్రెస్‌ అధ్యక్షుడు రాహుల్‌ గాంధీ మరోసారి ప్రధాని మోదీపై తన విమర్శనాస్త్రాలు సంధించారు. రాఫెల్‌ పేరుతో మోదీ, అనిల్‌ అంబానీలు రక్షణశాఖపై సర్జికల్‌ దాడులు చేశారని దుయ్యబట్టారు. ఫ్రాన్స్ అధ్యక్షుడు హోలాండే చేసిన వ్యాఖ్యలపై మోడీ ఇప్పటికైనా స్పందించాలని రాహుల్ డిమాండ్ చేశారు. యుద్ధ విమానాల ధరల విషయంలో రక్షణ మంత్రి నిర్మలా సీతారామన్ అబద్ధాలు చెబుతున్నారని రాహుల్ మండిపడ్డారు. ఈ స్కాంపై ప్రధాన మంత్రి నరేంద్ర మోదీ జవాబు చెప్పాల్సిన అవసరం ఉందని డిమాండ్‌ చేశారు.   

భారత్ - పాక్ సంబంధాలు బలపడుతాయా...విదేశాంగ మంత్రుల భేటీ ఏం సాధించనుంది ?

Submitted by arun on Fri, 09/21/2018 - 13:52

భారత్.....పాకిస్థాన్.... ఈ రెండు దేశాల మధ్య మిత్రత్వం కంటే శత్రుత్వమే అధికంగా కొనసాగుతోంది.  పాకిస్థాన్ లో సైన్యం ప్రాబల్యం అధికం కావడంతో పౌర ప్రభుత్వం మాటకు విలువ లేకుండా పోయింది. ఇటీవల  మాజీ క్రికెటర్ ఇమ్రాన్ ఖాన్ సారథ్యంలో కొత్త పౌర ప్రభుత్వం ఏర్పడింది. తాజాగా ఆయన భారత ప్రధాని మోడీకి ఒక లేఖ రాశారు. రెండు దేశాల మధ్య చర్చలను తిరిగి ప్రారంభించాలని కోరారు. అందుకు భారతదేశం కూడా సానుకూలంగా స్పందించింది. మరి రెండు దేశాల మధ్య చర్చలు సాధ్యపడుతాయా ? స్నేహసంబంధాలు బలపడుతాయా ?శాంతి ప్రయత్నాలను పాకిస్థాన్ సైన్యం సహిస్తుందా ?

మోదీ కోసం సాహసం...13 వేల అడుగుల ఎత్తు నుంచి...

Submitted by arun on Tue, 09/18/2018 - 15:13

ప్రధాని నరేంద్రమోడీకి మహారాష్ట్రకు చెందిన ఓ మహిళా స్కై డైవర్ వినూత్నంగా జన్మదిన శుభాకాంక్షలు తెలిపారు. శీతల్ మహాజన్ ఏకంగా 13 వేల అడుగుల పై నుంచి కిందికి దూకూతూ మోడీకి విషెస్ చెప్పారు. తనకు ఇష్టమైన స్కై డైవింగ్‌ చేస్తూ ప్రధానికి జన్మదిన శుభాకాంక్షలు చెప్పాలనుకుంది పారాజంపర్‌ శీతల్‌ మహజన్‌. వెంటనే ఆకాశంలో 13 వేల అడుగుల ఎత్తు వరకు విమానంలో చేరుకుంది. ‘ప్రధాని మోదీకి శుభాకాంక్షలు’ అని రాసి ఉన్న పేపర్‌ను చేతిలో పట్టుకుని అక్కడి నుంచి దూకేసింది. అమెరికాలోని చికాగోలో ఈ సాహసం చేసింది శీతల్‌.

కేరళలో ప్రధాని మోడీ ఏరియల్ సర్వే...తక్షణ సాయం కింద ఐదు వందల కోట్లు విడుదల

Submitted by arun on Sat, 08/18/2018 - 13:27

గడచిన వందేళ్లలో ఎన్నడూ లేనంతగా కకావికలమైన కేరళను ఆదుకునేందుకు కేంద్రం ముందుకొచ్చింది.  వరద ప్రభావిత ప్రాంతాల్లో పర్యటించిన ప్రధాని నరేంద్ర మోడీ  తక్షణ సాయం కింద రాష్ట్రానికి ఐదు వందల కోట్ల సాయాన్ని ప్రకటించారు.  దీంతో పాటు  వరదల్లో మృతి చెందిన వారి కుటుంబాలకు 2లక్షలు, తీవ్రంగా గాయపడిన బాధితులకు  50 వేల రూపాయల చొప్పున నష్టపరిహారం కేంద్ర ప్రభుత్వం నుంచి అందిస్తామని వెల్లడించారు.  రాష్ట్రంలోని వరద ప్రభావిత ప్రాంతాల్లో అరగంట పాటు హెలికాఫ్టర్ ద్వారా ఏరియల్ సర్వే నిర్వహించిన ఆయన వరద నష్టంపై  సమీక్ష  సమావేశం నిర్వహించారు.

బీజేపీ ప్రధాన కార్యాలయానికి వాజ్‌పేయి పార్థివదేహం...

Submitted by arun on Fri, 08/17/2018 - 11:38

మాజీ ప్రధాని అటల్ బిహారీ వాజ్‌పేయి భౌతికకాయాన్ని ఢిల్లీలోని భారతీయ జనతా పార్టీ(బీజేపీ) ప్రధాన కార్యాలయానికి తరలించారు. ఆయన పార్థివదేహనికి పార్టీ అగ్రనేతలు, పలువురు ప్రముఖులు నివాళులర్పించారు. ప్రధాని నరేంద్రమోదీ, బీజేపీ జాతీయాధ్యక్షుడు అమిత్ షా, హోంశాఖ మంత్రి రాజ్‌నాథ్ సింగ్, ఉత్తర్‌ప్రదేశ్ ముఖ్యమంత్రి యోగి ఆదిత్యనాథ్ తదితరులు నివాళులర్పించారు. అటల్‌జీని కడసారి చూసేందుకు ఆయన అభిమానులు, కార్యకర్తలు భారీగా తరలివస్తున్నారు. ప్రజల సందర్శనార్థం వాజ్‌పేయి భౌతికకాయాన్ని మధ్యాహ్నం వరకు అక్కడ ఉంచనున్నారు. మధ్యాహ్నం ఒంటి గంటకు వాజ్‌పేయి అంతిమయాత్ర ప్రారంభంకానుంది.

ఎయిమ్స్‌కు చేరుకున్న ప్రధాని మోదీ

Submitted by arun on Thu, 08/16/2018 - 14:20

మాజీ ప్రధాని వాజ్‌పేయి ఆరోగ్య పరిస్థితి అత్యంత విషమంగా ఉండటంతో ప్రధాన మంత్రి నరేంద్ర మోదీ మరోసారి ఎయిమ్స్‌కు చేరుకున్నారు. వాజ్‌పేయి పరిస్థితిపై వైద్యులను అడిగి తెలుసుకున్నారు. వాజ్‌పేయి ఆరోగ్య పరిస్థితి విషమంగానే ఉందంటూ ఎయిమ్స్‌ వైద్యులు తాజాగా విడుదల చేసిన హెల్త్ బులిటెన్‌లో పేర్కొన్నారు. వాజ్‌పేయీ ఆరోగ్య పరిస్థితి విషమించిందని తెలియడంతో మోదీ నిన్న రాత్రే ఎయిమ్స్ కు చేరుకుని ఆయన్ని పరామర్శించారు. సుమారు 50 నిమిషాల పాటు అక్కడే ఉన్నారు.

ఆ ఏనుగుతో మోడీ అలా డాన్స్ చేయించగలుగుతారా...

Submitted by arun on Thu, 08/16/2018 - 09:28

పంద్రాగస్టు అనగానే ఎర్రకోట గుర్తుకొస్తుంది. ఎర్రకోట పై నుంచి ప్రధాని చేసే ప్రసంగం కళ్ళ ముందు కదలాడుతుంది. ఈ పంద్రాగస్టు సందర్భంగా కూడా అదే జరిగింది. కాకపోతే...రాబోయే ఎన్నికల నేపథ్యంలో ప్రధానమంత్రి ప్రసంగానికి  ప్రాధాన్యం పెరిగింది. ప్రధాన మంత్రి నరేంద్ర మోడీ చేసిన సుదీర్ఘ ప్రసంగం పాత అంశాలను సృజించింది. కొత్త అంశాలను ప్రస్తావించింది. ప్రత్యక్షంగా పాలనాపరంగా, పరోక్షంగా పార్టీపరంగా చోటు చేసుకోబోయే మార్పులను వెల్లడించింది. మోడీ ప్రసంగం ప్రజలను ఆకట్టుకుందా ?  ప్రభుత్వ విధానాల్లో ఎలాంటి మార్పులు రానున్నాయి ? బీజేపీ ధోరణిలో ఎలాంటి మార్పు చోటుచేసుకోనుంది.

అత్యాచార నిందితులకు మరణ శిక్షే సరి : మోడీ

Submitted by arun on Wed, 08/15/2018 - 12:27

72వ స్వాతంత్ర్య దినోవత్సవ వేడుకల సందర్భంగా ప్రధాని మోడీ ఢిల్లీలో జాతీయ జెండాను ఎగురవేశారు. త్రివిధ దళాల గౌరవ వందనం స్వీకరించిన తర్వాత ప్రధాని హోదాలో ఐదవ సారి ఎర్రకోటపై త్రివర్ణ పతాకాన్ని ఆవిష్కరించారు. స్వాతంత్ర్య దినోత్సవం సందర్భంగా మోడీ గంటా 20 నిమిషాల పాటు జాతినుద్దేశించి ప్రసంగించారు. ప్రసంగం ఆరంభంలోనే ఆంధ్రప్రదేశ్, తెలంగాణ బాలికల గురించి ప్రస్తావించారు. ఆంధ్రప్రదేశ్, తెలంగాణ, మిజోరాం, ఉత్తరాఖండ్ గిరిజన ప్రాంతాలకు చెందిన బిడ్డలు ఎవరెస్ట్‌పై జాతీయ జెండాను ఎగరవేసి దేశ ఔనత్యాన్ని మరింత ఇనుమడింపచేశారని కొనియాడారు.