Siddipet

గజ్వేల్‌లో నామినేషన్‌ వేసిన కేసీఆర్‌

Submitted by chandram on Wed, 11/14/2018 - 15:20

టీఆర్ఎస్‌ అధ్యక్షుడు తెలంగాణ మాజీ ముఖ్యమంత్రి కేసీఆర్‌ గజ్వెల్‌ అభ్యర్థిగా నామినేషన్‌ దాఖలు చేశారు. సరిగ్గా 2 గంటలా 34 నిముషాలకు గజ్వెల్‌‌ ఆర్డీవో కార్యాలయంలో నామినేషన్ పత్రాలను సమర్పించారు. అనుకున్న సమయానికే ఆర్డీవో కార్యాలయం చేరుకున్న ఆయన అట్టహాసాలకు దూరంగా నామినేషన్ వేశారు. కేసీఆర్‌ వెంట హరీశ్‌రావుతో పాటు మరో ఐదుగురు ముఖ్యులు మాత్రమే ఉన్నారు. కాన్వాయ్‌ను పక్కన పెట్టిన కేసీఆర్‌ కేవలం మూడు కార్లలోనే ఆర్డీవో కార్యాలయానికి చేరుకుని నామినేషన్‌ వేశారు. 
 

హరీశ్‌రావును లక్ష ఓట్ల మెజార్టీతో గెలిపించాలి

Submitted by arun on Wed, 11/14/2018 - 13:22

ఇవాళ మధ్యాహ్నం నామినేషన్ వేయబోతున్న సీఎం కేసీఆర్ గజ్వేల్ దగ్గర కోనాయిపల్లి వెంకన్న స్వామిని దర్శించుకున్నారు. ప్రతి ఎన్నికల్లోనూ నామినేషన్‌ దాఖలు చేసే ముందు కోనాయిపల్లి వెంకన్నను కేసీఆర్‌ దర్శించుకోవడం ఆనవాయితీగా వస్తోంది. ఈ మధ్యాహ్నం కోనేటి రాయుడి ఆలయానికి చేరుకున్న కేసీఆర్‌కు అర్చకులు స్వాగతం పలికారు. తర్వాత స్వామివారిని దర్శించుకున్న కేసీఆర్‌ నామినేషన్‌ పత్రాలను స్వామివారి పాదాల చెంత ఉంచారు. కేసీఆర్‌తో  పాటు మంత్రి హరీశ్‌రావు వెంకన్నను దర్శించుకున్నారు.

హరీష్‌రావు ఎమోషనల్‌....రాజకీయాల నుంచి ఇక రిటైర్మెంట్‌ తీసుకుంటే బాగుటుందనిపిస్తోంది...

Submitted by arun on Sat, 09/22/2018 - 10:22

హరీష్‌రావు ఎమోషనల్‌ అయ్యారు. రాజకీయాల నుంచి ఇక రిటైర్మెంట్‌ తీసుకుంటే బాగుటుందనిపిస్తోందంటూ అన్నారు. హరీష్‌ అన్నకే మా ఓటంటూ దత్తత గ్రామం  ఇబ్రహీంపూర్‌ ఓటర్లు ఏకగ్రీవ తీర్మానం చేయడం చూసి హరీష్‌ ఎమోషనల్‌గా ఫీలయ్యారు. జనాల ఆదరణ చూస్తే భావోద్వేగం. జనహోరును చూస్తే ఆపుకోలేని ఉద్వేగం. అంతులేని అభిమానంతో కట్టలు తెంచుకునే అంతరంగం. ఇంతకంటే ఏం కావాలి, ఈ ఉన్నతమైన దశలోనే నిష్క్రమించాలన్న భావావేశం. ఒక మోడీ, ఒక కేసీఆర్, ఒక వైఎస్‌ఆర్‌. భావోద్వేగ ప్రసంగాలతో జనాన్ని కనికట్టు చేశారు. ఇప్పుడు హరీష్‌ రావు కూడా, జనాభిమానాన్ని చూసి, భావోద్వేగంతో కదిలిపోయాడు. ఇంతకీ హరీష్ రావు ఏమన్నారు? ఎందుకంత ఎమోషనల్‌ అయ్యారు?

సిద్దిపేట జిల్లాలో ఎలుగుబంటి హల్‌చల్‌

Submitted by arun on Wed, 06/27/2018 - 11:45

సిద్దిపేట జిల్లా మద్దూర్ మండలం లద్దూర్‌లో ఎలుగుబంటి హల్‌చల్‌ చేసింది. గ్రామంలోకి ప్రవేశించిన ఎలుగుబంటి... వీధుల్లో పరిగెడుతూ గ్రామస్తులను భయాందోళనకు గురిచేసింది. గ్రామస్తులు ఎలుగుబంటిని వెంబడించడంతో... ఓ ఇంట్లోకి దూరి.... ఒకరిపై దాడి చేసింది. దాంతో ఎలుగుబంటిని గ్రామ పొలిమేరల వరకు తరిమికొట్టారు. వన్య మృగాలు తరచూ గ్రామంలోకి వస్తున్నాయని... ఎప్పుడు ఏ జంతువు దాడి చేస్తుందో తెలియక భ‍యంతో వణికిపోతున్నామని గ్రామస్తులు అంటున్నారు. వన్య మృగాలు గ్రామంలోకి రాకుండా.... ఫారెస్ట్ అధికారులు రక్షణ చర్యలు చేపట్టాలని వేడుకుంటున్నారు.

సిద్ధిపేట జిల్లాల్లో ప్రసిద్ధి క్షేత్రంగా వెలుగొందుతున్న కొమురవెళ్లి

Submitted by arun on Sun, 12/17/2017 - 12:05

భక్తుల కొంగు బంగారంగా వెలుగుగొందుతున్న కొమురవెల్లి మల్లన్న కల్యాణోత్సవం ఇవాళ అంగరంగవైభవంగా జరగనుంది. సిద్ధిపేట జిల్లాలో ప్రసిద్ధ పుణ్యక్షేత్రంగా వెలుగొందుతున్న మల్లన్న ఆలయం తెలంగాణ సంస్కృతి, సాంప్రదాయాలకు నిలువెత్తు నిదర్శనం. దీంతో మల్లన్న కల్యాణోత్సవాన్ని తిలకించేందుకు తెలంగాణలోని అన్ని ప్రాంతాల నుంచి భారీగా భక్తులు తరలివచ్చారు. లక్షల సంఖ్యలో భక్తులు వచ్చే అవకాశం ఉండటంతో ఆలయ అధికారులు భారీగా ఏర్పాట్లు చేశారు.