గంగూలీ ప్రమోట్ చేసిన బ్రాండ్‌పై సెటైర్లు

బీసీసీఐ చీఫ్, టీమిండియా మాజీ సారథి సౌరవ్ గంగూలీకి గుండెపోటు వచ్చింది. డాక్టర్లు స్టంట్ వేశారు. 48 గంటల అబ్జర్వేషన్ తర్వాత రేపు ఆయన డిశ్చార్జి కానున్నారు. ఐతే సోషల్ మీడియా వచ్చాక ఒక విషయంపై జరుగుతున్న రచ్చ అంతా ఇంతా కాదు. అలాంటి అనుభవమే ఇప్పుడు గంగూలీకి ఎదురవుతోంది. ఆయన బ్రాండ్ అంబాసిడర్‌గా వ్యవహరిస్తున్న ఓ ఆయిల్ కంపెనీపై నెటిజన్లు సెటైర్లు సంధిస్తున్నారు. దాదాకు గుండెపోటు వచ్చింది మరి ఈ రైస్ బ్రాన్ ఆయిల్ మంచిదేనా అంటూ ప్రశ్నిస్తున్నారు. 40ఏళ్ల వయసులోనూ తమ ఆయిల్ హృదయ ఆరోగ్యాన్ని పదిలంగా ఉంచుతుందని ఆ యాడ్‌లో గంగూలీ చెప్తాడు. ఇప్పుడు దీనిపై సెటైర్లు పేలుతున్నాయ్. ఆ నూనె ఎలాంటిదో ఇప్పటికైనా తెలిసిందా దాదా నువ్వు త్వరగా కోలుకోవాలి అంటూ ఓ వ్యక్తి ట్వీట్ చేశాడు.