Dubai Sheik: దుబాయ్‌ షేక్ నోట సిరివెన్నెల పాట

Dubai Sheik: తెలుగు సినిమా పాటలు ఎల్లలు దాటుతున్నాయి. ప్రపంచంలో ఏమూలనైనా ఎక్కడో చోట తెలుగు పాట వినిపిస్తూనే ఉంటుంది. అందులోనూ ఎస్పీ బాలసుబ్రహ్మణ్యం పాడిన పాటలు అయితే మరీను. ఆయన పాటలు అజరామరం. ప్రాంతాలు, దేశాలు అందుకు అడ్డుకట్ట కాబోవని తాజాగా ఓ దుబాయ్ షేక్ నిరూపించారు.

1986లో వచ్చిన సిరివెన్నెల సినిమా గురించి ప్రత్యేకంగా చెప్పనక్కర్లేదు. ఈ సినిమాకు పాటలు రాసిన సీతారామశాస్త్రి తన ఇంటి పేరునే సిరివెన్నెలగా మార్చుకున్నారు. ఇక ఇందులోని విధాత తలపున అనే పాట అప్పట్లో ఎంత పాప్యులర్ అయిందో, ఇప్పుడు అంతకంటే ఎక్కువగా అది ఇంటర్నెట్‌ను షేక్ చేస్తోంది. ఓ దుబాయ్ షేక్ ఆ పాటను ఏమాత్రం పొల్లుపోకుండా, లయ తప్పకుండా చక్కగా ఆలపించారు. టిక్‌టాక్‌లో ఆయన షేర్ చేసిన వీడియో ఇతర సామాజిక మాధ్యమాలకూ పాకేసింది. ఇది చూసిన తెలుగు సినీ ప్రియులు ఔరా అంటున్నారు.