గెలుపే లక్ష్యంగా రేవంత్ వ్యూహాలు

గెలుపే లక్ష్యంగా కాంగ్రెస్ వర్కింగ్ ప్రెసిడెంట్‌ రేవంత్ రెడ్డి వ్యూహాత్మకంగా వ్యవహరిస్తున్నారు. మల్కాజ్‌గిరి పార్లమెంట్ నుంచి బరిలోకి దిగుతున్న రేవంత్ ‌‎ మిత్ర పక్షాల మద్దతు కూడగడుతున్నారు. నిన్న సీపీఐ రాష్ట్ర కార్యదర్శి చాడ వెంకటరెడ్డితో భేటి అయిన ఆయన కొద్ది సేపటి క్రితం టీజేఎస్ అధ్యక్షుడు కోదండరామ్‌తో సమావేశమయ్యారు. ఎన్నికల్లో తనకు మద్దతివ్వాలంటూ కోరారు. ఈ సందర్భంగా రేవంత్‌ రెడ్డి మీడియాతో మాట్లాడుతూ..గతంలో యూపీఏ ప్రభుత్వం హైదరాబాద్‌కు ఐటీఐఆర్‌ ప్రకటించింది. విభజన చట్టంలోనూ రాష్ట్రానికి సంబంధించి పలు అంశాలను కాంగ్రెస్‌ పొందుపర్చింది. హామీలన్నీ రావాలంటే కేంద్రంలో కాంగ్రెస్‌ పార్టీ అధికారంలోకి రావాలి. అని రేవంత్‌ అన్నారు.