Just In

నేడే కాంగ్రెస్ తుది జాబితా విడుదల

Submitted by chandram on Sun, 11/18/2018 - 11:55

కాంగ్రెస్ అభ్యర్ధుల తుది జాబితా నేడు విడుదల కానుంది. మహాకూటమి పొత్తుల్లో భాగంగా 94 స్దానాల్లో పోటీ చేయాలని నిర్ణయించిన కాంగ్రెస్  ఇప్పటి వరకు మూడు విడతల్లో 88 మంది అభ్యర్ధులను ప్రకటించింది. మిగిలిన 6 స్ధానాలను అభ్యర్ధులను నేడు ఖరారు చేయనుంది. ప్రస్తుతం గ్రేటర్ పరిధిలోని పటాన్‌చెరు, రాజేంద్ర నగర్‌, సికింద్రాబాద్‌ స్ధానాలతో పాటు  కోరుట్ల, నారాయణఖేడ్‌, నారాయణపేట్‌ స్ధానాల్లో ఆశావాహులు అధికంగా ఉండటంతో అభ్యర్ధులను ఖరారు చేయలేదు.

పట్నం చేరుకున్న ఏఐసీసీ బుజ్జగింపుల కమిటీ

Submitted by chandram on Sun, 11/18/2018 - 11:43

రెబల్ అభ్యర్ధులు, అసంతృప్తులను దారికి తెచ్చేందుకు బుజ్జగింపుల కమిటీ రంగంలోకి దిగింది. హైకమాండ్ ఆదేశాలతో రంగంలోకి దిగిన కమిటీ సభ్యులు ఈ  ఉదయం హైదరాబాద్ చేరుకున్నారు. కమిటీ సభ్యులుగా ఉన్న కర్నాటక మంత్రి శివకుమార్‌, పాండిచ్చేరి సీఎం నారాయణ స్వామి, మంత్రి మాల్లాది కృష్ణరావులు అసంతృప్త నేతలతో స్వయంగా చర్చించనున్నారు. ఇప్పటికే జిల్లాల వారిగా అసంతృప్త నేతల జాబితాను సిద్ధం చేసిన టీ పీసీసీ పూర్తి నివేదికను కమిటీ సభ్యులకు అప్పగించింది. రెబల్ అభ్యర్ధులను పోటీ నుంచి తప్పించేందుకు తొలి ప్రాధాన్యతగా చర్చలు ప్రారంభించారు.   

కొండమీద ఉన్న కోడి దిగొచ్చింది..

Submitted by chandram on Sun, 11/18/2018 - 11:36

కార్తీకమాసం ఎఫెక్ట్‌తో ధరలు కుప్పకూలాయి. ఆఫర్ల మీద ఆఫర్లు ఇస్తున్నారు. అయినా కొనేందుకు జనం రావడం లేదు. దీంతో ఆ షాపులు వెలవెలబోతున్నాయి. ఇంతకీ ఆ షాపులేంటి? ఆ వ్యాపారమేంటి అనుకుంటున్నారా? లుక్. కొండమీద ఉన్న కోడి దిగొచ్చింది. దాని ధరలు సామాన్యులకు అందుబాటులోకి వచ్చేశాయి. అయినా కార్తీకమాసం కావడంతో కొనేవారు లేక దుకాణాలు వెలవెలబోతున్నాయి. డిమాండ్ కంటే సప్లై ఎక్కువగా ఉండటంతో ధరలు మరింతగా దిగజారిపోతున్నాయి. దీంతో చికెన్ వ్యాపారులతోపాటు పౌల్ట్రీ వారికీ నష్టాలు తప్పడం లేదు. మాంసం ప్రియులను ఆకర్షించేందుకు ఎన్నో ఆఫర్స్ ప్రకటిస్తున్నా జనం అంతగా ఆసక్తి చూపడం లేదు. 

ఇంకా ఖరారు కాని టీజేఎస్‌ తుది జాబితా

Submitted by chandram on Sun, 11/18/2018 - 11:15

నామినేషన్ల దాఖలకు తుది గడవు సమీపిస్తున్నా టీజేఎస్‌లో అభ్యర్ధుల ఎంపిక కొలిక్కి రాలేదు. మహాకూటమి పొత్తుల్లో భాగంగా ఎనిమిది స్ధానాలు దక్కించుకున్న టీజేఎస్ ఇప్పటి వరకు నాలుగు స్ధానాలకు మాత్రమే అభ్యర్ధులను ఖరారు చేసింది.  మిగిలిన నాలుగు స్ధానాలపై అటు టీజేఎస్‌లోనూ ఇటు కాంగ్రెస్‌లోనూ క్లారీటీ రాలేదు. దీంతో ఏయే స్ధానాల్లో ఎవరెవరితో పోటీ చేయాలనే దానిపై ఉత్కంఠ నెలకొంది. ఇప్పటికే జనగాం బరి నుంచి కోదండరాం తప్పుకున్నారు.  

అమరావతిలో శరవేగంగా తాత్కాలిక హైకోర్టు నిర్మాణం

Submitted by chandram on Sun, 11/18/2018 - 10:48

నవ్యాంధ్ర రాజధాని అమరావతిలో తాత్కాలిక హైకోర్టు నిర్మాణం శరవేగంగా సాగుతోంది. తుళ్లూరు మండలం నేలపాడులో నిర్మిస్తున్న సిటీ కోర్ట్స్ కాంప్లెక్స్ భవనాన్ని హైకోర్టు న్యాయమూర్తులు నిన్న పరిశీలించారు. హైకోర్టు నిర్మాణాలపై ప్రధాన న్యాయమూర్తితో పాటు అందరూ సంతృప్తి వ్యక్తం చేశారు. అన్నీ అనుకూలిస్తే సంక్రాంతి తర్వాత అమరావతిలో ఏపీ హైకోర్టు ప్రారంభమవుతుంది. ఏపీ రాజధాని ప్రాంతమైన గుంటూరు జిల్లా తుళ్లూరు మండలం నేలపాడులో నిర్మిస్తున్న సిటీ కోర్ట్స్ కాంప్లెక్స్ భవనాన్ని ఉమ్మడి హైకోర్టు ప్రధాన న్యాయమూర్తి జస్టిస్‌ బి.రాధాకృష్ణన్‌ తో పాటు పలువురు హైకోర్టు న్యాయమూర్తులు పరిశీలించారు.

విరసం నేత వరవరరావు అరెస్ట్

Submitted by chandram on Sun, 11/18/2018 - 10:37

భీమా కొరెగావ్‌ కేసు విచారణ భాగంగా విరసం నేత వరవరరావును పుణె పోలీసులు అరెస్టు చేశారు. సాయంత్రం హైదరాబాద్‌ వచ్చిన పుణె పోలీసులు వరవరరావును ఆయన నివాసంలో అరెస్టు చేసి సికింద్రాబాద్‌ గాంధీ ఆస్పత్రికి తరలించారు. అక్కడ వైద్య పరీక్షలు చేయించిన తర్వాత పుణె తరలించారు. అయితే వరవరరావు అరెస్టును విరసం నేతలు అడ్డుకునేందుకు యత్నించారు. ఈ క్రమంలో స్వల్ప తోపులాట జరిగింది. వరవర రావుని వారెంట్‌ లేకుండా అక్రమంగా అరెస్టు చేశారని విరసం నేతలు, కుటుంబసభ్యులు ఆరోపించారు. 

ఎన్నిక‌ల్లో గెలుపు కోసం కేసీఆర్ యాగాలు

Submitted by chandram on Sun, 11/18/2018 - 10:27

కేసీఆర్ మళ్ళీ యాగం చేయబోతున్నారు. అసెంబ్లీ ఎన్నికల్లో గెలుపు, తెలంగాణ ప్రజల శ్రేయస్సు లక్ష్యంగా..ఇవాల్టి నుంచి హోమాలు చేస్తారు. ఎర్రవల్లిలోని కేసీఆర్  వ్యవసాయక్షేత్రంలో మూడు రోజులపాటు హోమాలు చేస్తారు. 120 మంది ఋత్వికులు యాగకార్యాన్ని నిర్వహిస్తారు. తెలంగాణ ముఖ్యంత్రి కేసీఆర్ కు ఆధ్యాత్మిక చింతన ఎక్కువ. ఇప్పటివరకు ఆయన చేపట్టిన హోమాలు, యాగాలే అందుకు నిదర్శనం. గతంలో తెలంగాణ సుభిక్షంగా ఉండాలనే కోరికతో ఆయన అత్యంత భారీగా అయుత చండీయాగం చేశారు. ఎర్రవల్లిలోని వ్యవసాయ క్షేత్రంలో జరిగిన ఆయుత చండీయాగం గురించి అప్పట్లో పెద్ద ఎత్తున చర్చ జరిగింది. ఇప్పుడు కేసీఆర్ అలాంటి యాగాన్నే చేస్తున్నారు.

వీరిద్దరిలో సపోర్ట్ ఎవరికంటే : నటి వరలక్ష్మి

Submitted by nanireddy on Sun, 11/18/2018 - 09:50

ఈ ఏడాది వరుసగా ఆరు చిత్రాల్లో కనిపించి మూడింటిలో అద్భుతమైన నటన కనబర్చిన వరలక్ష్మి.. మొన్నామధ్య బోల్డ్ స్టేట్ మెంట్ ఇచ్చి అబాసుపాలయ్యారు. అయితే ఆ వ్యాఖ్యలు ఏదో సరదాగా వ్యాఖ్యానించినవే అని అభిమానులు అభిప్రాయపడ్డారు. ఒక ఛానల్ ఇంటర్వ్యూ లో ప్రశ్నకు సమాధానంగా వరలక్ష్మి కూడా ఇదే విషయాన్నీ చెప్పారు. ఏ విషయంలోనైనా ధైర్యంగా మాట్లాడటం అమ్మే తనకు నేర్పిందని చెప్పారు.  మా అమ్మే నా ధైర్యం. ఆవిడలో సగం ధైర్యవంతురాలిగా ఉన్నా కూడా నేను చాలా లక్కీ అనే అనుకుంటాను. అని చెప్పారు. అమ్మా నాన్న ఇద్దరూ కూడా తనకు ఇష్టమని.. అంతేకాకుండా స్నేహితుల్లో విశాల్ అత్యంత సన్నిహితుడు అతడు  చిన్నప్పటినుంచి నాకు తెలుసు అన్నారు.

బీజేపీ స్టార్‌ క్యాంపెయినర్ల జాబితా ఇదే..

Submitted by nanireddy on Sun, 11/18/2018 - 09:26

తెలంగాణలో ఎన్నికల సందర్బంగా ఇప్పటికే 86 మంది అభ్యర్థులను ప్రకటించి ప్రచారాన్ని కూడా ముమ్మరం చేయడానికి బీజేపీ సిద్ధమైంది. ఇంతకుముందే ఎన్నికల ప్రచారానికి ప్రధాని నరేంద్ర మోదీతోపాటు, బీజేపీ జాతీయ అధ్యక్షుడు అమిత్‌ షాల పర్యటన షెడ్యూలు ఖరారు చేయగా. తాజగా నలభై మంది స్టార్‌ క్యాంపెయినర్లతో జాబితాను విడుదల చేసింది. ఆ జాబితాలో మోదీ, అమిత్‌ షాలతోపాటు యూపీ ముఖ్యమంత్రి యోగి అదిత్యానాథ్‌, బీజేపీ తెలంగాణ అధ్యక్షుడు లక్ష్మణ్, బీజేపీ ఏపీ అధ్యక్షుడు కన్నా లక్ష్మీనారాయణ, ప్రముఖ సినీనటి జీవితారాజశేఖర్‌, ‌బండారు దత్తాత్రేయ, కిషన్‌ రెడ్డి, కె. హరిబాబు, దగ్గుబాటి పురందేశ్వరి తదితరులకు చోటు దక్కింది.

అమెరికాను కాల్చేస్తున్న కార్చిచ్చు.. ఇప్పటికే 71 మంది మృతి

Submitted by nanireddy on Sun, 11/18/2018 - 08:48

అమెరికాలోని ఉత్తర కాలిఫోర్నియాలో కార్చిచ్చు కాల్చేస్తోంది.  భీకరమైన మంటల కారణంగా ఇప్పటివరకు 71 మంది మరణించగా. 1000 మందికి పైగా ఆచూకీ లభించలేదు. వందలాదామంది గాయపడ్డారు. అయితే కాలిఫోర్నియా చరిత్రలోనే ఈ ప్రమాదం అతిపెద్దదని అధికారులు తేల్చారు. ఇప్పటివరకు 6వేల 5వందల నివాస ప్రాంతాలు బుగ్గిపాలయ్యాయి. దాదాపు 90వేల ఎకరాల భూమి కాలిబూడిదైంది.