MK Stalin

సంచలన నిర్ణయం తీసుకున్న ‘అళగిరి’

Submitted by arun on Mon, 08/20/2018 - 15:20

కరుణానిధి పెద్ద కుమారుడు ఎంకే అళగిరి తన బలాన్ని నిరూపించుకునేందుకు రెడీ అవుతున్నారు. ఇందుకోసం ఆయన లక్ష మంది మద్దతుదారులతో చెన్నై నగరంలో బలప్రదర్శనకు దిగనున్నారు. వచ్చే నెల 5న చెన్నైలో శాంతిప్రదర్శన నిర్వహించనున్నారు. రాష్ట్ర మాజీ ముఖ్యమంత్రి కరుణానిధి మరణంతో డీఎంకేలో ముసలం ఏర్పడింది. ముఖ్యంగా కరుణానిధి కుమారులైన అళగిరి, ఎంకే స్టాలిన్‌ల మధ్య మనస్పర్థలు తారా స్థాయికి చేరాయ్. ఇటీవల మెరీనా తీరంలోని కరుణానిధి సమాధికి అంజలి ఘటించిన తర్వాత అళగిరి తన కార్యాచరణను ప్రకటించనున్నారు. ఇటీవల డీఎంకే కార్యవర్గ సమావేశం అత్యవసరంగా నిర్వహించారు.

కరుణానిధి శవపేటిక మీద ఏం రాశారు?

Submitted by arun on Wed, 08/08/2018 - 16:43

కరుణానిధిని ఉంచే శవపేటిక మీద తమిళంలో రాసి ఉన్న మాటలు ఇప్పుడు అందరి దృష్టినీ ఆకర్షిస్తున్నాయి. బంగారంతో పోత పోసిన శవపేటిక మీద ఇలా రాసి ఉంది. ‘విరామమన్నది ఎరుగక, నిరంతరం కృషి చేసిన వ్యక్తి ఇక్కడ విశ్రమిస్తున్నాడు’.. ఈ మాటలు కరుణానిధికి వర్తించినంత బాగా ఇంక ఎవరికి వర్తించవేమో. అందుకే శాశ్వత నిద్రలోకి జారుకుని విశ్రమిస్తోన్న ‘కలైజ్ఞర్‌’ శవపేటిక మీద ఈ మాటలనే చెక్కించారు. ఒకానొక సందర్భంలో కరుణానిధి తన కుమారుడు స్టాలిన్‌తో ‘మన సమాధి చూసిన జనాలు విశ్రాంతి అన్నది ఎరగకుండా పనిచేసిన వ్యక్తి ప్రస్తుతం ఇక్కడ సేద తీరుతున్నారని’ అనుకోవాలని చెప్పారట. ఈ మాటలు కరుణానిధికి సరిగ్గా సరిపోతాయి.

చివరిసారిగా అప్పా అని పిలవనా..?

Submitted by arun on Wed, 08/08/2018 - 14:30

తండ్రి మరణం.. ఏ కుమారుడికైనా తీరని లోటే. చిన్నప్పటి నుంచి అన్నీ తానై పెంచిన నాన్న తనతోడు లేడని తెలిస్తే ఆ తనయుడికి ఒంటరిననే భావన వెంటాడుతుంది. ప్రస్తుతం అలాంటి పరిస్థితుల్లోనే ఉన్నాడు డీఎంకే వర్కింగ్ ప్రెసిడెంట్‌ స్టాలిన్. అలాంటి సందర్భంలో తన తండ్రి గురించి స్టాలిన్‌ చివరిసారిగా రాసిన కవిత తండ్రి కరుణానిధిపై ఆయనకున్న వాత్సల్యాన్ని తెలియజేస్తుంది. 

డీఎంకే వర్కింగ్‌ ప్రెసిడెంట్‌ స్టాలిన్‌ అరెస్ట్‌..

Submitted by arun on Thu, 05/24/2018 - 13:32

తమిళనాడులో డీఎంకే  నేతలు చేపట్టిన సిఎం కార్యాలయ ముట్టడి ఉద్రిక్తంగా మారింది.  స్టెరిలైట్ ఘటను నిరసనగా డీఎంకే  వర్కింగ్ ప్రెసిడెంట్ స్టాలిన్ తమిళనాడు ముఖ్యమంత్రి కార్యాలయ ముట్టడికి ప్రయత్నించడంతో పోలీసులు అప్రమత్తం అయ్యారు. స్టాలిన్ ను అరెస్ట్ చేశారు. స్టాలిన్ తో పాటు డీఎంకే  కార్యకర్తలను కూడా అదుపులోకి తీసుకున్నారు. స్టాలిన్ తో పాటు 20 మంది ఎమ్మెల్యేలు కూడా ఈనిరసన కార్యక్రమంలో పాల్గొన్నారు. ఇప్పటి వరకు పోలీసు కాల్పుల్లో 12 మంది మరణించిన ఇంకా ప్రభుత్వం ఎందుకు స్పందించడం లేదంటూ స్టాలిన్ ప్రభుత్వాన్ని నిలదీశారు.