dhoni

పద్మభూషణ్ అవార్డుకు ధోనీ పేరును ప్రతిపాదించిన బీసీసీఐ

Submitted by lakshman on Wed, 09/20/2017 - 21:40

న్యూఢిల్లీ: మహేంద్ర సింగ్ ధోనీ పేరును పద్మభూషణ్ అవార్డుకు ప్రతిపాదించినట్లు బీసీసీఐ వర్గాలు తెలిపాయి. ధోనీ పేరును పరిగణనలోకి తీసుకుని... సముచిత ప్రాధాన్యం కల్పిస్తారని ఆశిస్తున్నట్లు బీసీసీఐ ఉన్నతాధికారి చెప్పారు. ఎన్నో అద్భుత విజయాలు ధోనీ సొంతమని, పద్మ భూషణ్ అవార్డుకు ఎంఎస్ అర్హుడని ఆయన అభిప్రాయపడ్డారు. ధోనీ అభిమానులు కూడా కచ్చితంగా పద్మభూషణ్ వస్తుందని ఆశిస్తున్నారు. ధోనీ ట్రాక్ రికార్డ్ కూడా అవార్డుకు తగిన వాడేనని నిరూపిస్తున్నాయి. 90 టెస్ట్ మ్యాచుల్లో 4876 పరుగులు చేసిన ధోనీ 224 పరుగుల అత్యుత్తమ స్కోర్‌తో ఆకట్టుకున్నాడు.

మైదానమైనా.. ఎయిర్‌పోర్ట్‌ అయినా ధోనీకి పూల పాన్పే!

Submitted by lakshman on Tue, 09/19/2017 - 16:53

చెన్నై: టీమిండియా గురించి మాట్లాడుకునే ప్రతీ సందర్భంలో ధోనీ గురించి ప్రస్తావన రాకుండా ఉండదనడంలో అతిశయోక్తి లేదేమో. అంతలా క్రికెట్ అభిమానుల మనసుని చొరగొన్న ధోనీ ఎన్నో ఆటుపోట్లను తట్టుకుని ఈ స్థాయికి చేరుకున్నాడు. కెప్టెన్ కూల్‌గా పేరు తెచ్చుకున్నాడు. అయితే గత నెల శ్రీలంకతో జరిగిన ఐదో వన్డేలో ఎంపైర్ నిర్ణయం రావడం కాస్త ఆలస్యమైంది. అంతే.. ధోనీ ఒక్కసారిగా చిన్న పిల్లాడైపోయాడు. స్టేడియంలోనే.. నేల మీద కాసేపలా బోర్ల పడుకుని కునుకు తీశాడు. ఈ సీన్ చూసిన క్రికెట్ అభిమానులు ధోనీ సింప్లిసిటీని మెచ్చుకున్నారు.