school bus

విశాఖలో స్కూల్ బస్సుకు నిప్పు పెట్టిన ఆకతాయిలు

Submitted by arun on Wed, 09/26/2018 - 16:16

విశాఖ గాజువాకలో పెను ప్రమాదం తప్పింది. రవీంద్ర భారతి స్కూల్‌కు చెందిన రెండు బస్సులు అగ్నికి ఆహుతయ్యాయి. పార్కింగ్ ప్లేస్‌లో ఉన్న బస్సుల్లోంచి మంటలు రావడం గమనించిన సిబ్బంది ..హుటాహుటిన మిగిలిన బస్సులను  అక్కడకు నుంచి తీసివేశారు. ఈ ఘటనలో రెండు బస్సులు కాలి బూడిద కాగా సమీపంలోని మరో లారీ స్వల్పంగా దెబ్బతింది. ఆకతాయిలు ఈ పని చేసి ఉంటారని భావిస్తున్న యాజమాన్యం పోలీసులకు ఫిర్యాదు చేసింది.   

Tags

పాఠశాల బస్సు కిందపడి చిన్నారి మృతి

Submitted by arun on Mon, 06/25/2018 - 12:01

రంగారెడ్డి జిల్లా షాబాద్ మండలం గోపిగడ్డలో విషాదం చోటు చేసుకుంది. స్కూల్ బస్సు కింద పడి రెండేళ్ల చిన్నారి అవ్య మృతి చెందింది. స్థానికంగా ఉంటున్న శంకర్‌రెడ్డికి ఐదేళ్ల కుమారుడు, రెండేళ్ల పాప ఉంది. శంకర్‌రెడ్డి బాబును స్కూల్‌కు పంపించే నిమిత్తం ఇంటి ముందు ఉన్న స్కూల్ బస్సు ఎక్కించాడు. అదే సమయంలో ఇంట్లో నుంచి తండ్రి వెనకాలే పరిగెత్తుకుంటూ రెండేళ్ల చిన్నారి రోడ్డుపై నిల్చుంది. అయితే చిన్నారిని గుర్తించని డ్రైవర్ బస్సును ముందుకు పోనిచ్చాడు. దీంతో చిన్నారిపై నుంచి బస్సు చక్రాలు వెళ్లడంతో పాప అక్కడికక్కడే మృతి చెందింది. 

స్కూలు బస్సును ఢీకొన్న రైలు.. 13మంది మృతి

Submitted by arun on Thu, 04/26/2018 - 10:59

ఉత్తర్‌ప్రదేశ్‌లోని కుషీనగర్‌లో ఘోర ప్రమాదం జరిగింది. రైలు పట్టాలు దాటుతున్న పాఠశాల బస్సును రైలు ఢీకొట్టింది. ఈ ఘటనలో 13మంది విద్యార్థులు అక్కడికక్కడే మృతి చెందారు. రైలు ఢీకొన్న వేగానికి బస్సు తునాతునకలైంది. డివైన్‌ పబ్లిక్‌ స్కూల్‌కు చెందిన బస్సును థావే-కపటన్‌గంజ్‌ ప్యాసింజర్‌ రైలు బెహ్‌పుర్వా రైల్వే క్రాసింగ్‌ వద్ద ఢీకొట్టిందని రైల్వే అధికార ప్రతినిధి వేద్‌ ప్రకాశ్‌ వెల్లడించారు. రైలు సివాన్‌ నుంచి గోరఖ్‌పూర్‌ వెళ్తుండగా ఈ ప్రమాదం చోటుచేసుకుంది. ప్రమాదం జరిగిన సమయంలో బస్సులో 25 మంది ఉన్నారని, వారిలో ఎక్కువ మంది 10 సంవత్సరాల లోపు చిన్నారులే అని అధికారులు తెలిపారు.