MIM

కాంగ్రెస్‌పై ఓవైసీ సంచలన వ్యాఖ్యలు...ఆ సభకు వెళ్లకుంటే రూ.25 లక్షలు...

Submitted by arun on Tue, 11/20/2018 - 13:41

ఎంఐఎం అధ్యక్షుడు హైదరాబాద్‌ ఎంపీ అసదుద్దీన్‌ ఒవైసీ సంచలన వ్యాఖ్యలు చేశారు. నిర్మల్‌లో నిన్న అర్ధరాత్రి నిర్వహించిన బహిరంగసభలో ప్రసంగించిన ఒవైసీ కాంగ్రెస్‌పై తీవ్ర ఆరోపణలు చేశారు. తాను నిర్మల్‌ సభకు హాజరవకుండా ఉంటే పాతిక లక్షలు ఇస్తామని ఆఫర్‌ చేశారని చెప్పారు. దానికి సంబంధించిన ఫోన్‌ రికార్డులు కూడా తన దగ్గరున్నాయని వివరించారు. తనను ఎవరూ కొనలేరని మీరు కూడా మోసపోకండని చెప్పుకొచ్చారు. అందరూ స్వచ్ఛంధంగా టీఆర్ఎస్‌కు ఓటెయ్యాలంటూ అసదుద్దీన్‌ ఒవైసీ పిలుపునిచ్చారు. 

సెక్యులరిజం గురించి చంద్రబాబు మాట్లాడడం సిగ్గుచేటు: అసదుద్దీన్ ఓవైసీ

Submitted by arun on Thu, 11/01/2018 - 17:50

ఏపీ సీఎం చంద్రబాబుపై ఎంఐఎం ఎంపీ అసదుద్దీన్ ఓవైసీ తీవ్ర విమర్శలు గుప్పించారు. 2002 గుజరాత్ అల్లర్లు జరిగినప్పుడు చంద్రబాబు అప్పటి ఎన్డీఏ సర్కార్‌తో భాగస్వామిగా ఉన్నారని, ఆ సమయంలో ఎంతో మంది అమాయక ముస్లింల ఎన్ కౌంటర్లు జరిగాయని ఆరోపించారు. ఇప్పుడు చంద్రబాబు సెక్యులరిజం గురించి మాట్లాడటం సిగ్గుచేటు అని అసదుద్దీన్ ట్వీట్ చేశారు. 

కోమటిరెడ్డి, సంపత్‌ల సభ్యత్వం రద్దు మంచిదే: అక్బరుద్దీన్

Submitted by arun on Tue, 03/13/2018 - 11:19

అసెంబ్లీ నుంచి కోమటిరెడ్డి, సంపత్‌పై బహిష్కరణ వేటును, మిగిలిన కాంగ్రెస్‌ సభ్యుల సస్పెన్షన్‌ను ఎంఐఎం సమర్థించింది. వేటు వేయడం న్యాయబద్ధమైనదన్నారు ఎంఐఎం ఎమ్మెల్యే అక్బరుద్దీన్ ఒవైసీ. అసహన రాజకీయాలతో ప్రజాస్వామ్యంలో దాడులు చేయడం కాంగ్రెస్‌ పార్టీ ఇకనైనా మానుకోవాలని సూచించారాయన. గవర్నర్ మీద దాడి చేయాలనుకున్నాం కానీ మండలి చైర్మన్‌కు తగిలిందంటూ కాంగ్రెస్‌ నేతలు మాట్లాడటం దురదృష్టకరమన్నారు.