National

ట్రిపుల్‌ తలాక్‌ బిల్లుకు కేంద్రం గ్రీన్‌ సిగ్నల్‌

Submitted by arun on Wed, 09/19/2018 - 16:36

ట్రిపుల్ తలాక్ చెబితే ఇకపై నేరంగా పరిగణిస్తారు. ట్రిపుల్ తలాక్ శిక్షార్హమైన నేరమని స్పష్టం చేస్తూ కేంద్ర ప్రభుత్వం ఆర్డినెన్స్‌ జారీ చేసింది. మూడుసార్లు తలాక్ చెప్పిన వ్యక్తికి మూడేళ్ళ జైలుతో పాటు భార్యకు భరణం ఇచ్చేలా అత్యవసర చట్టాన్ని తెచ్చారు. ఇటీవల జరిగిన పార్లమెంట్‌ సమావేశాల్లో ట్రిపుల్ తలాక్ బిల్లు చట్టంగా మారకపోవడంతో కేంద్ర ప్రభుత్వం ఆర్డినెన్స్‌ తీసుకొచ్చింది.

మోదీ కోసం సాహసం...13 వేల అడుగుల ఎత్తు నుంచి...

Submitted by arun on Tue, 09/18/2018 - 15:13

ప్రధాని నరేంద్రమోడీకి మహారాష్ట్రకు చెందిన ఓ మహిళా స్కై డైవర్ వినూత్నంగా జన్మదిన శుభాకాంక్షలు తెలిపారు. శీతల్ మహాజన్ ఏకంగా 13 వేల అడుగుల పై నుంచి కిందికి దూకూతూ మోడీకి విషెస్ చెప్పారు. తనకు ఇష్టమైన స్కై డైవింగ్‌ చేస్తూ ప్రధానికి జన్మదిన శుభాకాంక్షలు చెప్పాలనుకుంది పారాజంపర్‌ శీతల్‌ మహజన్‌. వెంటనే ఆకాశంలో 13 వేల అడుగుల ఎత్తు వరకు విమానంలో చేరుకుంది. ‘ప్రధాని మోదీకి శుభాకాంక్షలు’ అని రాసి ఉన్న పేపర్‌ను చేతిలో పట్టుకుని అక్కడి నుంచి దూకేసింది. అమెరికాలోని చికాగోలో ఈ సాహసం చేసింది శీతల్‌.

రేపిస్టుకు గ్రామ శిక్ష…దున్నపోతుపై ఊరేగించారు...

Submitted by arun on Tue, 09/18/2018 - 11:18

ఉత్తరప్రదేశ్‌లో అత్యాచారం చేసిన వ్యక్తికి దేహాశుద్ధి చేశారు స్థానికులు. నిందితుడి ముఖానికి నల్ల రంగు పూసి, అతన్ని దున్నపోతుపై ఊరేగించారు. అతని మెడలో షూలతో చేసిన దండను వేసి చాలా హేయంగా శిక్షించారు. ఉత్తరప్రదేశ్‌లోని రాంపూర్‌లో ఈ ఘటన చోటు చేసుకుంది. అభం శుభం తెలియని 8 ఏళ్ళ బాలుడికి మాయ మాటలు చెప్పి ఓ వ్యక్తి నిర్జన ప్రదేశంలోకి తీసుకువెళ్లి అత్యాచారం చేశాడు. సదరు బాధిత బాలుడు ఇంటికి వచ్చి అమ్మానాన్నలతో జరిగిన ఉదంతం గురించి చెప్పాడు. వారు పోలీస్ స్టేషన్‌కు వెళ్ళకుండా గ్రామ పెద్దల దగ్గరకు వెళ్లి జరిగింది చెప్పారు. అప్పుడు వాళ్ళు పంచాయితీ పెట్టి నిందితుడికి శిక్ష అమలు చేశారు.

35 రూపాయలకే పెట్రోల్‌!

Submitted by arun on Mon, 09/17/2018 - 15:19

పెరుగుతున్న పెట్రోల్, డీజిల్ ధరలు ప్రధాని మోదీ కొంప ముంచుతాయని యోగా గురు రాందేవ్ బాబా సున్నితంగా హెచ్చరించారు. ప్రభుత్వం పన్నుల్లో ఉపశమనం కలిగిస్తే తాను లీటర్ పెట్రోల్, డీజిల్‌ను కేవలం రూ.35 నుంచి రూ.40కే దేశానికి అందిస్తానని చెప్పారు. ఎన్‌డీటీవీ యూత్ కాంక్లేవ్ సదస్సులో మాట్లాడిన బాబా రాందేవ్ సమకాలీన అంశాలపై ఆసక్తికరంగా స్పందించారు. పెరుగుతున్న ధరలపై మోదీ ఏదో ఒక చర్య తీసుకోవాలని, లేదంటే ఆయనకు కష్టాలు తప్పవని సూచించారు. పెట్రోలియం ఉత్పత్తులను కూడా జీఎస్టీ పరిధిలోకి తీసుకొచ్చి, 28 శాతం శ్లాబ్ కింద ఉంచాలని ఆయన సూచించారు. తాను ఏ పార్టీకి అనుకూలంగా లేనని, రాజకీయాలకు దూరంగా ఉన్నానని తెలిపారు.

ఎంపీ కాళ్లు కడిగి.. ఆ నీటినే తాగి..

Submitted by arun on Mon, 09/17/2018 - 15:09

జార్ఖండ్‌కు చెందిన ఓ బీజేపీ ఎంపీపై నెటిజన్లు మండిపడుతున్నారు. గొడ్డా పార్లమెంట్‌ నియోజక వర్గ ఎంపీ నిశికాంత్‌ దుబే ఆదివారం ఓ ప్రాజెక్టు ప్రారంభోత్సవ కార్యక్రమంలో పాల్గొన్నారు. ఆయన ప్రసంగించిన అనంతరం పవన్ అనే బీజేపీ కార్యకర్త ఓ ప్లేటు, లోటాలో నీళ్లు తీసుకుని ఎంపీ కాళ్ల వద్ద కూర్చున్నాడు. ప్లేటులో దూబే కాళ్లు కడిగి, తువాలుతో పాదాలు శుభ్రంగా తుడిచాడు. పాదాలు కడిగిన నీటిని తాగి తలపై చల్లుకున్నాడు. ఈ సందర్భంగా అక్కడున్న వారంతా ‘‘పవన్ భాయ్ జిందాబాద్’’ అని నినాదాలు కూడా చేశారు. దీనికి సంబంధించి వీడియోను నిశికాంత్‌ తన ఫేస్‌బుక్‌ అకౌంట్‌లో పోస్ట్‌ చేశారు.

టీటీడీ ఇష్యూ ...స్వామికి సుప్రీంకోర్టులో చుక్కెదురు

Submitted by arun on Mon, 09/17/2018 - 13:24

బీజేపీ ఎంపీ సుబ్రహ్మణ్యస్వామికి సుప్రీంకోర్టులో చుక్కెదురైంది. టీటీడీ వివాదంపై సుబ్రహ్మణ్యస్వామి దాఖలు చేసిన పిటిషన్‌ను సుప్రీంకోర్టు తిరస్కరించింది. తన పిటిషన్‌ను హైకోర్టులో దాఖలు చేసుకోవాలని అత్యున్నత న్యాయస్థానం ఆయనకు సూచింది. విరాళాలు, కానుకల రూపంలో కోట్ల రూపాయలు టీటీడీకి వస్తున్నాయని, వీటి నిర్వహణ, ఆడిట్ సరిగా నిర్వహించలేదన్నారు. ఖర్చులు, వివరాలు బయటపెట్టలేదన్న స్వామి, వీటన్నింటిపై విచారణ చేయాలని ఆర్గ్యుమెంట్ చేశారు. ఆయన వాదనను న్యాయస్థానం తోసిపుచ్చింది.

ప్ర‌శాంత్ కిషోర్ రాజ‌కీయ‌రంగ ప్ర‌వేశం....వైసీపీలో కోత్త పంచాయితీ....

Submitted by arun on Mon, 09/17/2018 - 10:07

ఎన్నికల వ్యూహాలు రచించడంలో గొప్ప పేరు దేశ రాజకీయాల్లో చాణిక్యుడిగా కీర్తి అధికారంలోకి వ‌చ్చేది మనమే.. అధికారం తెచ్చేది నేనే.. అంటూ అన్న ఆయనమాటలను సీరియస్ గా తీసుకున్నారు వైసీపీ అధినేత సంవత్సరం తిరిగేలోపలే ఎన్నికలకు ఇంకా ఆరు నెలల సమయం ఉండగా ఆయ‌న వేరే పార్టీలో చేరారు దీంతో ఆపార్టీ నేత‌లు షాక్ కు గుర‌య్యారు ఇంత‌కీ ఆయ‌న్ని ఇక‌పై పార్టీ వ్యూహ‌క‌ర్త‌గా కొన‌సాగిస్తుందా లేదా ప్ర‌స్తుతం ఇదే అంశం హాట్ టాపిక్ గా కొనసాతుతోంది. 

ఆ పార్టీలో చేరుతున్న ప్రశాంత్ కిషోర్.. వైసీపీకి ఇక డౌటే..

Submitted by nanireddy on Sun, 09/16/2018 - 11:54

రాజకీయ వ్యూహకర్త ప్రశాంత్ కిశోర్ రాజకీయాల్లోకి అడుగుపెట్టనున్నారు. తన రాజకీయ ప్రస్థానాన్ని బీహార్ నుంచి ఆరంభించనున్నాడు.  ఆదివారం జనతా దళ్ యునైటెడ్ (జేడీయూ)లో చేరుతున్నట్టు తెలుస్తోంది. ఈ విషయాన్ని ప్రశాంత్ కిశోర్ ఓ ట్వీట్‌లో పేర్కొన్నాడు 'బిహార్ నుంచి కొత్త ప్రయాణాన్ని ప్రారంభించడం ఉత్తేజభరితంగా ఉంది' అని  ట్వీట్ చేశాడు. 
 

ఆగని పెట్రో సెగ.. సెంచరీకి చేరువగా..

Submitted by nanireddy on Sun, 09/16/2018 - 11:22

పెట్రో ధరలు ఇంకా మండుతూనే ఉన్నాయి. రోజుకో విధంగా ఆయిల్ కంపెనీలు ఇంధన రేట్లను పెంచుతూ వినియోగదారులకు షాక్ ఇస్తూ ఉన్నాయి. తాజాగా ఆదివారం కూడా పెట్రోల్ రేట్లు పెరిగాయి. దేశ ఆర్ధిక రాజధాని ముంబైలో పెట్రోల్ రేట్లు రికార్డు స్థాయిలో పెరిగి సెంచరీకి చేరువయ్యాయి. ముంబైలో పెట్రోల్ లీటర్‌ ధర రూ 89.29కి చేరగా డీజిల్‌ ధర లీటర్‌కు రూ 78.26కు పెరిగింది. ఇక హైదరాబాద్‌లో పెట్రోల్‌ లీటర్‌కు రూ 86.25 పలికింది. ఇక దేశ రాజధాని ఢిల్లీలో పెట్రోల్‌ ధర లీటర్‌కు రూ 81.91కు పెరగ్గా, డీజిల్‌ ధరలు లీటర్‌కు రూ 73.32కు పెరిగాయి. 

మరో ప్రయోగానికి ఇస్రో శ్రీకారం

Submitted by nanireddy on Sun, 09/16/2018 - 11:06

ఇస్రో మరో ప్రయోగానికి సిద్ధమైంది. PSLV C-42 రాకెట్ ద్వారా ఇవాళ(ఆదివారం) రాత్రి ప్రయోగాన్ని చేపట్టనుంది. దీని కోసం సతీష్ ధావన్ స్పేస్ సెంటర్‌లో అన్ని ఏర్పాట్లు పూర్తయ్యాయి. PSLV C-42 రాకెట్ ద్వారా బ్రిటన్ కు చెందిన నోవా S.A.R-S, S.S.T.L- S1 ఉపగ్రహాలను నింగిలోకి తీసుకెళ్లనుంది. దీనికి సంబంధించిన శాటిలైట్ అమరిక పనులు పూర్తయ్యాయి. ఇప్పటికే కౌంట్‌ డౌన్‌ కూడా కొనసాగుతోంది. కాగా PSLV రాకెట్ల ద్వారా విదేశాలకు చెందిన ఉపగ్రహాలను పంపుతోంది. ఇప్పటి వరకు ఇస్రో 43 PSLV రాకెట్లను నిర్ణీత కక్షలోకి పంపించగా అందులో 41 రాకెట్లు దిగ్విజయంగా కక్షలోకి చేరుకున్నాయి. కేవలం రెండు మాత్రమే ఫెయిల్ అయ్యాయి.