Election Campaign

రాజేశ్వరరెడ్డిని హత్తుకుని కన్నీరు పెట్టుకున్న రాజయ్య

Submitted by arun on Wed, 09/19/2018 - 16:12

స్టేషన్ ఘన్‌పూర్ తాజా మాజీ ఎమ్మెల్యే తాటికొండ రాజయ్య భావోద్వేగంతో కన్నీరు పెట్టుకున్నారు. తనను గెలిపించాలంటూ ఎమ్మెల్సీ పల్లా రాజేశ్వరరెడ్డి చేస్తున్న ప్రచారంలో  పాల్గొన్న ఆయన ఒక్క సారిగా కన్నీరు పెట్టుకున్నారు. తనను గెలిపించేందుకు చేస్తున్న కృషిని తలుచుకుంటూ పాదాభివందనం చేసేందుకు సిద్ధమయ్యారు. ఇంతలోనే ఆప్యాయంగా హత్తుకున్న  పల్లా రాజేశ్వర్ రెడ్డి  పార్టీ అభ్యర్ధిగా గెలిపించడం తన బాధ్యతంటూ ప్రకటించారు. దీంతో కార్యకర్తలు, అభిమానులు ఈలలు, కేకలతో ప్రచారాన్ని హోరెత్తించారు.  
 

బాల్క సుమన్ ఎన్నికల ప్రచార ర్యాలీలో అపశ్రుతి

Submitted by arun on Wed, 09/12/2018 - 12:54

మంచిర్యాల జిల్లా ఇందారంలో ఉద్రిక్తత చోటుచేసుకుంది. బాల్క సుమన్ ఎన్నికల ప్రచార ర్యాలీలో ఓదేలు వర్గానికి చెందిన ఆరుగురు ఆత్మహత్యాయత్నానికి పాల్పడ్డారు. పెట్రోల్ పోసుకుని నిప్పంటించుకోవడంతో తీవ్రంగా గాయపడ్డారు. దీంతో అక్కడ ఉద్రిక్త పరిస్థితులు తలెత్తాయి. 

ఎన్నిక‌ల ప్ర‌చారంలో చిరంజీవి

Submitted by arun on Thu, 02/15/2018 - 13:21

త్వరలో జరగనున్న కర్ణాటక శాసనసభ ఎన్నికలు బీజేపీకి, ప్రధాని మోదీకి అత్యంత కీలకమైనవి. ఈ ఎన్నికల ఫలితాలు 2019లో జరగబోయే సాధారణ ఎన్నికలపై తీవ్ర ప్రభావాన్ని చూపనున్నాయి. ఈ నేపథ్యంలో కాంగ్రెస్, బీజేపీలు ఈ ఎన్నికల్లో గెలవడానికి సర్వశక్తులు ఒడ్డబోతున్నాయి. ఇటీవలే కాంగ్రెస్ అధ్యక్షుడు రాహుల్ గాంధీ కర్ణాటకలో పర్యటించి, ఎన్నికల ప్రచారాన్ని ప్రారంభించారు. మరోవైపు బీజేపీ అధ్యక్షుడు అమిత్ షా కూడా ఇప్పటికే కర్ణాటకలో ఓ ర్యాలీ నిర్వహించారు.